ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ນາຍົກລັດຖະມົນຕີເນັ້ນໜັກໃຫ້ທຸກພາກສ່ວນເປັນເຈົ້າການປ້ອງກັນ ແລະດຳເນີນມາດຕະການຢ່າງເຄັ່ງຮ້ອນ

ເພື່ອສະກັດກັ້ນພະຍາດປອດອັກເສບທີ່ເກີດຈາກເຊື້ອຈຸລະໂລກສາຍພັນໃໝ່ໂຄໂຣນາໄວຣັສ ເຖິງວ່າມາຮອດປະຈຸບັນຢູ່ລາວຍັງບໍ່ມີເຊື້ອພະຍາດນີ້ກໍ່ຕາມ ພ້ອມທັງລາຍງານສະພາບຕົວຈິງໃນແຕ່ລະມື້ໃຫ້ນາຍົກລັດຖະມົນຕີ ແລະຮອງນາຍົກລັດຖະມົນຕີຮັບຊາບຢ່າງເປັນປົກກະຕິ.
ໃນໂອກາດພົບປະໂອ້ລົມ ແລະ ຊີ້ນຳຕໍ່ກອງປະຊຸມເປີດກວ້າງສະຫຼຸບຕີລາຄາ, ຖອດຖອນບົດຮຽນ ການຈັດຕັ້ງປະຕິບັດແຜນພັດທະນາພະລັງງານ ແລະ ບໍ່ແຮ່ ໃນໄລຍະ 5 ປີ ຄັ້ງທີ 8 ນັບແຕ່ 2016 ຫາ 2020 ແລະ ທິດທາງແຜນການພັດທະນາພະລັງງານ ແລະ ບໍ່ແຮ່ 5 ປີ ຄັ້ງທີ 9 ໃນຕອນບ່າຍ​ວັນທີ​ 5​ ກຸມພາ​ 2020 ທີ່ຫໍປະຊຸມແຫ່ງຊາດ, ນະຄອນຫຼວງວຽງຈັນ, ທ່ານ ທອງລຸນ ສີສຸລິດ, ນາຍົກລັດຖະມົນຕີ ຊີ້ໃຫ້ເຫັນວ່າ: ການລະບາດຂອງເຊື້ອໂຄໂຣນາໄວຣັສເປັນເຫດການທີ່ເຄັ່ງຮ້ອນ, ມີຜົນກະທົບຕໍ່ເສດຖະກິດ-ສັງ ຄົມໃນວົງກ້ວາງ ບາງປະເທດກໍ່ໃຫ້ຄວາມເອົາໃຈໃສ່, ອົງ ການອະນາໄມໂລກໄດ້ຖະແຫລງການສະໜັບສະໜູນຕໍ່ມາດຕະການປ້ອງກັນ, ຄວບຄຸມ ແລະແກ້ໄຂບັນຫາທີ່ລັດຖະບານຈີນພວມຈັດຕັ້ງປະຕິບັດໃນປະຈຸບັນ ຊື່ງເປັນມາດຕະການທີ່ມີປະສິດທິພາບ ແລະປະສິດທິຜົນ. ປະຈຸບັນຍັງບໍ່ທັນກວດເຫັນຜູ້ຕິດເຊື້ອຢູ່ລາວ ແຕ່ລັດຖະບານບໍ່ໄດ້ນີ້ງນອນໃຈ ຈີ່ງໄດ້ແຕ່ງຕັ້ງຄະນະສະເພາະກິດຮັບຜິດຊອບສະເພາະຕິດຕາມກວດກາຢ່າງໃກ້ຊິດ ເຮັດວຽກຢ່າງຈິງຈັງ ແລະລາຍງານລັດຖະບານທຸກໆວັນ.

ນາຍົກລັດຖະມົນຕີ ຊີ້ໃຫ້ເຫັນຕື່ມວ່າ: ການແຜ່ລະບາດໄວຣັສໂຄໂລນາໄດ້ສ້າງຄວາມສູນເສຍຊິວິດ ແລະ ມີຜົນກະທົບຫຼາຍຕໍ່່ປະເທດຈີນ, ລັດຖະບານ ແລະ ປະຊາຊົນລາວ ສຸດທີີ່ເຫັນອົກ ເຫັນໃຈ ແລະ ຂໍສົ່ງກໍາລັງໃຈໄປໃຫ້ລັດຖະບານ ແລະປະຊາຊົນຈີນ ເພື່ອຕໍ່່ສູ້, ຄວບຄຸມ ແລະ ແກ້ໄຂການແຜ່ລະບາດຂອງພະຍາດນີ້ ຂໍຮຽກຮ້ອງມາຍັງປະຊາຊົນລາວ ແລະ ຜູ້ທີີ່ອາໄສຢູ່ລາວ ບໍ່່ໃຫ້ວິຕົກກັງວົນເກີນກວ່າເຫດ ແລະ ຕອບຕ້ານການໂຄສະນາຊວນເຊື່ອ, ໃສ່ຮ້າຍປ້າຍສີ ທີີ່ບໍ່່ມີມູນຄວາມຈິງ ຫຼືຫວັງແບ່ງແຍກ, ສ້າງຄວາມປັ່ນປ່ວນໃນສັງຄົມ, ພ້ອມກັນນັ້ນກໍ່ໃຫ້ ສືກສາ ແລະ ຮູ້ວິທີປ້ອງກັນພະຍາດໃນສະພາບການປ້ອງກັນການລະບາດ, ທຸກພາກສ່ວນກ່ຽວຂ້ອງຕ້ອງສາມັກຄີ, ຊ່ວຍເຫຼືອເຊິີ່ງກັນ ແລະ ກັນ, ບໍ່່ສວຍ ໂອກາດຫາຜົນປະໂຫຍດ ໂດຍການຂື້ນລາຄາສິນຄ້າ, ເຄື່ອງປ້ອງກັນພະຍາດ ໂດຍສະເພາະຜ້າອັດປາກພ້ອມດຽວກັນນີ້ພາກສ່ວນກ່ຽວຂ້ອງຕ້ອງເອົາໃຈໃສ່ຕິີດຕາມ ແລະ ສະກັດກັ້ນບັນຫານີ້ຢ່າງໃກ້ຊິດ; ສືບ ຕໍ່ຈັດຕັ້ງການລະດົມການບໍລິຈາກ ນໍາພະນັກງານລັດຖະກອນ, ພາກທຸລະກິດ ແລະ ທົ່ວສັງຄົມ ດ້ວຍຄວາມສະໝັກໃຈ ຈັດຊື້້ຜ້າອັດປາກອັດດັງ, ນໍ້າຢາລ້າງມື ແລະ ອຸປະກອນການແພດທີີ່ຈໍາເປັນ ເພື່ອໄປຊ່ວຍເຫຼືອປະຊາຊົນຈີນໃນການປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດປອດອັກ ເສບທີ່ເກີດຈາກເຊື້ອຈຸລະໂລກສາຍພັນໃໝ່ໂຄໂຣນາໄວຣັສ.

ຂ່າວ: ຈັນທະສອນ ​ສີຫານາດ