ນາຍົກລັດຖະມົນຕີ ຕ້ອນຮັບລັດຖະມົນຕີກະຊວງການຕ່າງປະ ເທດ ສປ ຈີນ

ໃນຕອນເຊົ້າ ວັນທີ 25 ກໍລະກົດ 2024 ທີ່ສຳນັກງານນາຍົກລັດຖະມົນຕີ, ທ່ານ ສອນໄຊ ສີພັນດອນ, ນາຍົກລັດ ຖະມົນຕີ ແຫ່ງ ສປປ ລາວ ໄດ້ໃຫ້ກຽດຕ້ອນຮັບການເຂົ້າຢ້ຽມຂໍ່ານັບ ຂອງທ່ານ ຫວັງ ອີ້, ຫົວໜ້າຫ້ອງການຄະນະກໍາມະການກິດຈະ ການຕ່າງປະເທດສູນກາງພັກກອມມູນິດຈີນ, ລັດຖະມົນຕີກະຊວງການຕ່າງປະເທດ ແຫ່ງ ສປ ຈີນ ພ້ອມດ້ວຍຄະນະ.

ໃນໂອກາດນີ້, ທ່ານ ນາຍົກລັດຖະມົນຕີ ໄດ້ກ່າວສະແດງຄວາມຍິນຕີຕ້ອນຮັບ ແລະ ຕີລາຄາສູງຕໍ່ການເດີນທາງມາເຂົ້າຮ່ວມກອງປະຊຸມ ລັດຖະມົນຕີຕ່າງປະເທດອາຊຽນ ຄັ້ງທີ 57 ທີ່ ສປປ ລາວ ເປັນເຈົ້າພາບ ແລະ ຢ້ຽມຢາມ ສປປ ລາວ ຢ່າງເປັນທາງ ການຂອງທ່ານ ລັດຖະມົນຕີກະຊວງການຕ່າງປະເທດ ແຫ່ງ ສປ ຈີນ ພ້ອມດ້ວຍຄະນະ ໃນຄັ້ງນີ້; ສະແດງຄວາມຊົມເຊີຍຕໍ່ຜົນ ສຳເລັດຂອງກອງປະຊຸມຄົບຄະນະ ຄັ້ງທີ 3 ສະໄໝທີ 20 ຂອງຄະນະກໍາມະການສູນກາງພັກກອມມູນິດຈີນ ທີ່ໄດ້ອັດລົງໃນອາ ທິດທີ່ຜ່ານມາ ດ້ວຍຜົນສໍາເລັດຢ່າງຈົບງາມ ຄຽງຄູ່ກັບເປັນປີແຫ່ງການສະຖາ ປະນາ ສປ ຈີນ ຄົບຮອບ 75 ປີ ໃນປີ 2024 ນີ້; ໄດ້ສະແດງຄວາມເຫັນໃຈ ຕໍ່ຜູ້ຖືກຜົນກະທົບຈາກເຫດການໄພ ພິບັດນໍ້າຖ້ວມຢູ່ຫຼາຍເຂດ, ຫຼາຍທ້ອງຖິ່ນຂອງຈີນ ເຊິ່ງໄດ້ສົ່ງຜົນກະທົບຢ່າງໜັກໜ່ວງຕໍ່ຊີວິດ ແລະ ຊັບສິນຂອງປະຊາຊົນ ໂດຍເຊື່ອໝັ້ນວ່າ ພາຍໃຕ້ການຊີ້ ນໍາ-ນາໍພາ ຂອງສູນກາງພັກ ກໍຄື ອົງ ການປົກຄອງທ້ອງຖິ່ນຂອງຈີນ ຈະສາມາດແກ້ໄຂ ແລະ ຟື້ນຟູໃຫ້ກັບຄືນສູ່ສະພາບປົກກະຕິໂດຍໄວ; ຕີລາຄາສູງຕໍ່ສາຍພົວພັນມິດ ຕະພາບອັນເປັນມູນເຊື້ອ, ການເປັນຄູ່ຮ່ວມຍຸດທະສາດຮອບດ້ານ, ໝັ້ນຄົງ, ຍາວນານ ຕາມທິດ 4 ດີ ແລະ ການເປັນຄູ່ຮ່ວມຊາຕາກໍາ ລາວ-ຈີນ, ຈີນ-ລາວ ນັບມື້ນັບໄດ້ຮັບກາເສີມຂະຫຍາຍຢ່າງຕໍ່ເນື່ອງ ແລະ ເກີດດອກອອກຜົນຫຼາຍດ້ານ; ສະແດງຄວາມຍິນ ດີຕ້ອນຮັບເປັນຢ່າງຍິ່ງ ທີ່ໄດ້ຮັບຊາບຂ່າວວ່າ ທ່ານ ຫຼີ ສຽງ, ນາຍົກລັດຖະ ມົນຕີ ແຫ່ງ ສປ ຈີນ ຈະນໍາພາຄະນະຜູ້ແທນຂັ້ນສູງ ເດີນທາງມາເຂົ້າຮ່ວມກອງປະຊຸມສຸດຍອດອາຊຽນ ໃນເດືອນຕຸລາ 2024 ທີ່ ສປປ ລາວ ເປັນເຈົ້າພາບ ແລະ ຖືໂອກາດດັ່ງກ່າວຢ້ຽມຢາມ ສປປ ລາວ ຢ່າງເປັນທາງການ, ເຊິ່ງຝ່າຍລາວ ພ້ອມ ແລ້ວທີ່ຈະເຮັດວຽກຮ່ວມກັບຝ່າຍຈີນ ພ້ອມທັງ ສະແດງຄວາມຂອບໃຈເປັນຢ່າງສູງ ຕໍ່ການຊ່ວຍເຫຼືອ, ສະໜັບສະໜູນດ້ານຕ່າງໆ ໃຫ້ແກ່ ສປປ ລາວ ໃນໄລຍະຜ່ານມາ ກໍ່ຄື ການເປັນປະທານໝູນວຽນຂອງກອງປະຊຸມສຸດຍອດອາຊຽນ 2024 ເຊິ່ງໄດ້ປະ ກອບສ່ວນອັນສໍາຄັນ ເຂົ້າໃນການພັດທະນາເສດຖະ ກິດ-ສັງຄົມຂອງລາວຢ່າງຫຼວງຫຼາຍ.

ໃນຕໍ່ໜ້າ ທ່ານນາຍົກລັດຖະມົນຕີ ໄດ້ສະເໜີ ໃຫ້ສອງຝ່າຍສືບຕໍ່ຜັນຂະຫຍາຍຂໍ້ຕົກລົງຂອງການນຳຂັ້ນສູງ ໃຫ້ໄດ້ຮັບການຈັດຕັ້ງປະຕິບັດ ແລະ ມີໝາກຜົນເປັນຢ່າງດີ ໂດຍສະເພາະການຈັັດຕັ້ງຜັນຂະຫຍາຍບັນດາເອກະສານສຳຄັນທີ່ການນຳຂັ້ນສູງສອງຝ່າຍ ໄດ້ເປັນສັກຂີພິຍານໃນການລົງນາມ ແລະ ແຜນແມ່ບົດວ່າດ້ວຍການສ້າງຄູ່ຮ່ວມຊາຕາກໍາ ລາວ-ຈີນ, ຈີນ-ລາວ ສະບັບໃໝ່ ໄລຍະປີ 2024-2028 ໃຫ້ປະກົດຜົນເປັນຈິງ; ຊຸກຍູ້ສົ່ງເສີມໃຫ້ວິສາຫະກິດ-ນັກທຸລະກິດຂອງຈີນ ມາລົງທຶນ ຢູ່ ສປປ ລາວ ໃນດ້ານຕ່າງໆ ທີ່ ສປປ ລາວ ມີທ່າແຮງ; ສະເໜີພາກສ່ວນກ່ຽວ ຂ້ອງຂອງທັງສອງຝ່າຍ ສືບຕໍ່ເຮັດວຽກຮ່ວມກັນ ເພື່ອປັບປຸງແກ້ໄຂການອຳນວຍຄວາມສະດວກໃຫ້ແກ່ຜູ້ໂດຍສານ ແລະ ສິນ ຄ້າຜ່ານດ່ານສາກົນ ທາງລົດໄຟລາວ-ຈີນ ໂດຍສະເພາະ ການບໍລິການ “ປະຕູດຽວ ຈຸດດຽວ” ໃຫ້ໄດ້ຮັບການຈັດຕັ້ງປະຕິບັດໂດຍໄວ; ສະເໜີຝ່າຍຈີນ ສືບຕໍ່ສົ່ງຊ່ຽວຊານຂັ້ນສູງ ແລະ ຊ່ຽວ ຊານສະເພາະດ້ານ ເພື່ອມາປຶກສາຫາລື, ຖອດຖອນແລກປ່ຽນບົດຮຽນ ແລະ ເຮັດວຽກຮ່ວມກັບຄະນະຊ່ຽວຊານຂອງຝ່າຍລາວ ຕື່ມອີກ.

ໃນໂອກາດດຽວກັນ, ທ່ານ ລັດຖະມົນຕີກະຊວງການຕ່າງປະ ເທດ ແຫ່ງ ສປ ຈີນ ໄດ້ສະແດງຄວາມຂອບໃຈ ຕໍ່ການຕ້ອນຮັບອັນອົບອຸ່ນ ຂອງທ່ານນາຍົກລັດຖະມົນຕີ ແລະ ພາກສ່ວນກ່ຽວ ຂ້ອງ ຂອງ ສປປ ລາວ ໃນຄັ້ງນີ້; ໄດ້ແຈ້ງໃຫ້ທ່ານ ນາຍົກລັດຖະ ມົນຕີຊາບກ່ຽວກັບຜົນສຳເລັດກອງປະຊຸມຄົບຄະນະຄັ້ງທີ 3 ຂອງຄະນະກຳມະການສູນກາງພັກກອມມູນິດຈີນ ສະໄໝທີ 20 ແລະ ນໍາເອົາຄວາມຢ້ຽມຢາມຖາມຂ່າວຂອງທ່ານ ຫຼີ ສຽງ, ນາຍົກລັດຖະມົນຕີ ແຫ່ງ ສປ ຈີນ ມາຍັງທ່ານ ນາຍົກລັດຖະມົນ ຕີ ແຫ່ງ ສປປ ລາວ; ໄດ້ຕີລາຄາສູງ ຕໍ່ສາຍພົວພັນ ແລະ ການ ຮ່ວມມື ລະຫວ່າງ ສປ ຈີນ ແລະ ສປປ ລາວ ໃນໄລຍະຜ່ານມາ ເຊິ່ງໄດ້ຍົກໃຫ້ເຫັນຜົນສຳເລັດອັນພົ້ນເດັ່ນ ໃນການຈັດຕັ້ງຜັນ ຂະຫຍາຍບັນດາເອກະສານສຳຄັນ ທີ່ການນຳຂັ້ນສູງສອງຝ່າຍ ໄດ້ຕົກລົງຮ່ວມກັນ ໂດຍສະເພາະ ຜົນສຳເລັດ ໃນການຈັດຕັ້ງປະຕິ ບັດໂຄງການຕ່າງໆ ແມ່ນເກີດເປັນຮູບປະທຳຕົວຈິງ ເປັນກ້າວໆ ແລະ ໃນຕໍ່ໜ້າຈະສືບ ຕໍ່ເຮັດວຽກຮ່ວມກັບພາກສ່ວນທີ່ກ່ຽວ ຂ້ອງ ຂອງ ສປປ ລາວ ເພື່ອຜັນຂະຫຍາຍຂໍ້ຕົກລົງຂອງການນຳຂັ້ນສູງ ທີ່ສອງຝ່າຍໄດ້ເປັນສັກຂີພິຍານໃນການລົງນາມ ແລະ ແຜນແມ່ບົດວ່າດ້ວຍການສ້າງຄູ່ຮ່ວມຊາຕາກໍາ ລາວ-ຈີນ, ຈີນ- ລາວ ສະບັບໃໝ່ ໄລຍະປີ 2024-2028 ໃຫ້ໄດ້ຮັບການຈັດຕັ້ງປະຕິບັດ ປະກົດຜົນເປັນຈິງ.

ຂ່າວ ແລະ ພາບ: ກົມປະຊາສຳພັນ ຫສນຍ.