ON AIR

ຟັງວິທະຍຸ FM103.7Mhz ອອນລາຍ
Listen to Radio FM103.7Mhz Online

ນາຍົກລັດຖະມົນຕີ ແຫ່ງ ສປປ ລາວ ພ້ອມຄະນະຢ້ຽມຢາມ ສ ອິນໂດເນເຊຍ ຢ່າງເປັນທາງການ.

ຕອບສະໜອງຕາມຄໍາເຊີນຂອງ ທ່ານ ໂຈໂກ ວີໂດໂດ (Joko Widodo) ປະທານາທິ ບໍດີ ແຫ່ງ ສ.ອິນໂດເນເຊຍ, ທ່ານ ທອງລຸນ ສີສຸລິດ ນາຍົກລັດຖະມົນຕີແຫ່ງ ສປປ ລາວ ພ້ອມຄະນະ ໄດ້ເດີນທາງໄປຢ້ຽມຢາມ ເປັນເວລາ 2 ວັນ ຄື: ວັນທີ 11 ຫາ 12 ຕຸລາ 2017. ການຢ້ຽມຢາມຄັ້ງນີ້ ແມ່ນເປັນຄັ້ງທໍາອິດ ນັບແຕ່ດໍາລົງຕໍາແໜ່ງເປັນນາຍົກລັດຖະມົນຕີ ແຫ່ງ ສປປ ລາວ. ການຢ້ຽມຢາມດັ່ງກ່າວ, ໄດ້ດໍາເນີນຢູ່ໃນປີທີ່ສອງປະເທດ ພ້ອມກັນສະເຫລີມສະຫລອງ ວັນສ້າງຕັ້ງ ສາຍພົວພັນການທູດ ນໍາກັນຄົບຮອບ 60 ປີ, ​ເຊິ່ງເປັນນິມິດໝາຍອັນດີ ໃຫ້ແກ່ການເສີມຂະຫຍາຍສາຍພົວພັນ ສ.ອິນໂດເນເຊຍ ພົວພັນມິດຕະພາບ ແລະ ການຮ່ວມມືອັນດີງາມ ລະຫວ່າງສອງປະເທດ ທີ່ມີມາແຕ່ດົນນານ ໃຫ້ນັບມື້ແໜ້ນແຟ້ນ ຂຶ້ນເລື້ອຍໆ.

ພິທີດັ່ງກ່າວ, ໃດ້ຈັດຂຶ້ນທີ່ທຳນຽບປະທານາທິບໍດີ ໂບໂກ (Bogor) ທີ່ນະຄອນຫລວງຈາກາຕາຢ່າງສົມກຽດ, ຫລັງຈາກນັ້ນທັງສອງຝ່າຍ ໃດ້ເຂົ້າຮ່ວມພົບປະຢ່າງເປັນທາງການ ເຊິ່ງຕ່າງຝ່າຍໃດ້ສະແດງຄວາມຊົມເຊີຍ ແລະ ຕີລາຄາສູງຕໍ່ສາຍພົວພັນ ແລະ ມິດຕະພາບການຮ່ວມມື ແລະ ສະໜັບສະໜູນ ໃຫ້ການຊ່ວຍເຫລືອເຊິ່ງກັນ ແລະ ກັນ ໃນລະດັບພາກພື້ນ ແລະ ສາກົນຢ່າງບໍ່ຢຸດຢັ້ງ, ທັງສອງຝ່າຍຍັງໃດ້ສືບຕໍ່ແລກປຽ່ນຄະນະຜູ້ແທນ ໃນທຸກລະດັບ ຕະຫລອດ ປະຊາຊົນທັງສອງຊາດນຳກັນ, ປະຕີບັດບົດບັນທຶກຄວາມເຂົ້າໃຈ ແລະ ສັນຍາວ່າດ້ວຍການບໍລິການທາງອາກາດ ທີ່ໃດ້ເຊັນກັນແລ້ວນັ້ນ ໃຫ້ໃດ້ຈັດຕັ້ງເປັນຮູບປະທຳ ຢ່າງມີປະສິດທິຜົນຫລາຍຂຶ້ນ, ທັງສອງຝ່າຍເຫັນດີ ໃນການຮ່ວມມື ໃນຂົງເຂດເສດຖະກິດ-ການຄ້າ-ການລົງທຶນ, ການສືກສາ-ວັດທະນະທຳ, ສາທາລະນະສຸກ, ໂທລະຄົມມະນາຄົມ ແລະ ການສື່ສານ, ກິລາ, ທ່ອງທຽ່ວ ແລະ ຂະແໜງອື່ນໆ ຕື່ມອີກ.

ໃນໂອກາດດັ່ງກ່າວ, ທ່ານ ທອງລຸນ ສີສຸລິດ ນາຍຍົກລັດຖະມົນຕີ ​ໄດ້ສະແດງຄວາມຂອບໃຈ ຕໍ່ການຕ້ອນຮັບ​ອັນ​ອົບ​ອຸ່ນ​ໃນ​ຄັ້ງ​ນີ້.

ຫລັງຈາກພົບປະກັນຢ່າງເປັນທາງການ ທ່ານ ພະນະທ່ານ ປະທານາທິບໍດີ ໂຈໂກ ວີໂດໂດ ( Joko Widodo), ພະນະທ່ານນາຍຍົກລັດຖະມົນຕີ ທ່ານ ທອງລຸນ ສີສຸລິດ, ໃດ້ເຂົ້າຮ່ວມເປັນສັກຂີພິຍານ ໃນການລົງນາມບົດບັນທຶກຄວາມເຂົ້າໃຈ 4 ສະບັບຄື: 1 ບົດບັນທືກຄວາມຊົງຈຳ ວ່າດ້ວຍການຮ່ວມມື ດ້ານການສືກສາຂັ້ນສູງ,2 ບົດບັນທືກຄວາມຊົງຈຳວ່າດ້ວຍການຮ່ວມມື ດ້ານການສືກສາ, 3 ບົດບັນທືກຄວາມຊົງຈຳ ວ່າດ້ວຍການຄວບຄຸມ ຍາເສດຕິດ,ວັດຖຸອອກລິດຕໍ່ເສັນປະສາດ ແລະ ສານເຄມີ ທ່ີໃຊ້ໃນການຜະລິດຢາເສດຕິດ.

ໃນການຢຽ້ມຢາມສ.ອິນໂດເນເຊຍຄັ້ງນີ້ ທ່ານນາຍົກເຮົາພ້ອມດ້ວຍພັນລະຍາ ແລະ ຄະນະຍັງໃດ້ໃປວາງພວງມະລາ ທີ່ ອະນຸສາວະລີ ນັກຮົບແຫ່ງຊາດ,ເຂົ້າຮ່ວມ ພິທີເປີດກອງປະຊຸມ ພາກທຸລະກິດ ລະຫວ່າງ ລາວ ແລະອີນໂດເນເຊຍ, ພາຍຫລັງກອງປະຊຸມພາກທຸລະກິດ ກໍໄດ້ມີພິທີລົງນາມບົດບັນທຶກຮ່ວມກັນ 2 ສະບັບຄື: 1.ບົດບັນທຶກຄວາມເຂົ້າໃຈວ່າດ້ວຍການຊື້ຂາຍນໍ້າມັນ ແລະຖ່ານຫີມ ລະຫວ່າງ ບໍລິສັດ ເປໂຕຼລຽມ ເທຼດດິງ ລາວ ພັບລິກ ແລະ ບໍລິສັດ ພີທີ ບາຕູບາຣາ ເສລາຣັດ ຊັບຕາ ແລະ 4 ບົດບັນທືກຄວາມຊົງຈຳ ວ່າດ້ວຍການຮ່ວມມື ດ້ານສະພາການຄ້າ ແລະ ອຸດສາຫະກຳ; ແລະ ຈາກນັ້ນສອງຜູ້ນຳ ໃດ້ຮ່ວມກັນຖະແຫລງຂ່າວ ກຽ່ວກັບຜົນພົບປະສອງຝ່າຍໃຫ້ສື່ມວນຊົນທີ່ມີຄວາມສົນໃຈ.