ນາຍົກລັດຖະມົນຕີ ໂອ້ລົມພະນັກງານນໍາພາຫຼັກແຫຼ່ງ ແຂວງເຊ ກອງ

ໃນວັນທີ 21 ມິຖຸນາ 2024 ນິ້ ທີ່ສະໂມສອນແຂວງເຊກອງ, ທ່ານ ສອນໄຊ ສີພັນດອນ ກຳມະການກົມການເມືອງສູນກາງພັກ, ນາຍົກລັດຖະມົນຕີແຫ່ງ ສປປ ລາວ ໄດ້ພົບປະໂອ້ລົມຄະນະພັກ, ພະນັກງານນໍາພາຫຼັກແຫຼ່ງແຂວງເຊກອງ ໂດຍມີທ່ານ ເຫຼັກໄຫຼ ສີວິໄລ ກໍາມະການສູນກາງພັກ, ເລຂາພັກແຂວງ, ເຈົ້າແຂວງເຊກອງ ພ້ອມດ້ວຍຄະນະພັກ, ຄະນະນຳຂອງແຂວງໃຫ້ການຕ້ອນຮັບຢ່າງອົບອຸ່ນ.

ໃນໂອກາດນີ້, ທ່ານເຈົ້າແຂວງເຊກອງ ໄດ້ລາຍງານໂດຍຫຍໍ້ກ່ຽວກັບການນໍາພາ-ຊີ້ນໍາຈັດຕັ້ງປະຕິບັດແຜນພັດທະນາເສດ ຖະກິດ-ສັງຄົມຂອງແຂວງໃນໄລຍະ ການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມຂອງແຂວງ ຕິດພັນກັບການຈັດຕັ້ງປະຕິບັດ 2 ວາລະແຫ່ງຊາດ ໃນໄລຍະ 6 ເດືອນ ຕົ້ນປີ 2024 ແລະ ທິດທາງແຜນການ 6 ເດືອນ ທ້າຍປີ ຫຼັງຈາກນັ້ນ, ທ່ານນາຍົກລັດຖະມົນຕີ ໄດ້ມີຄຳເຫັນໂອ້ລົມ ໂດຍໄດ້ຍົກໃຫ້ເຫັນ ສະພາບການພົ້ນເດັ່ນໃນພາກພື້ນ, ສາກົນ ແລະ ພາຍໃນປະເທດ ໂດຍສະເພາະການພັດທະນາເສດຖະກິດ-ສັງຄົມແຫ່ງຊາດ, ການ ຄຸ້ມຄອງລັດ-ຄຸ້ມຄອງສັງຄົມ, ແຜນວຽກຈຸດສຸມຂອງລັດຖະບານ ໃນໄລຍະ 6 ເດືອນທ້າຍປີ 2024 ລວມທັງຂໍ້ຫຍຸ້ງຍາກ ແລະ ສິ່ງທ້າທາຍ ຈາກປັດໄຈພາຍໃນ ແລະ ພາຍນອກ ຕໍ່ການປົກປັກຮັກ ສາ ແລະ ພັດທະນາປະເທດເຮົາ.

ທ່ານນາຍົກລັດຖະ ມົນຕີ ໄດ້ຊີ້ນຳໃຫ້ຄະນະພັກ, ຄະນະນໍາຂອງແຂວງ ເອົາໃຈໃສ່ຕື່ມບາງບັນຫາ ເປັນຕົ້ນ ສືບຕໍ່ເພີ່ມທະວີການປັບປຸງກໍ່ສ້າງພັກ-ພະນັກງານ ຕາມທິດກໍ່ສ້າງພັກໃຫ້ປອດໃສ, ເຂັ້ມແຂງ ແລະ ໜັກແໜ້ນ, ເດັດດ່ຽວແກ້ໄຂຈຸດອ່ອນ-ຂໍ້ຄົງຄ້າງພາຍໃນພັກຢ່າງເຂັ້ມງວດ ສືບຕໍ່ບູລະນະລະບອບປະຊາທິ ປະໄຕ ປະຊາຊົນ, ປັບ ປຸງລະບົບການ ຈັດຕັ້ງ, ກົງຈັກ ແລະ ກົນໄກເຄື່ອນໄຫວຂອງບັນດາອົງການອຳນາດລັດແຕ່ລະຂັ້ນ ໃຫ້ເຂັ້ມ ແຂງ ແລະ ມີປະສິດ ທິພາບ; ເພີ່ມທະວີວຽກງານແນວໂຮມ ແລະ ວຽກງານອົງການຈັດຕັ້ງມະຫາຊົນຂອງພັກ ເພື່ອເຕົ້າໂຮມກຳລັງແຮງສັງລວມ ເຂົ້າ ໃນການພັດທະນາເສດຖະກິດ-ສັງຄົມ ໃຫ້ເຂັ້ມແຂງ, ຮັບປະກັນສິດເປັນເຈົ້າຂອງປະຊາຊົນ, ສັງຄົມມີປະຊາ ທິປະໄຕ ແລະ ຍຸຕິທໍາ; ສືບຕໍ່ປະຕິບັດແນວທາງປ້ອງກັນຊາດ- ປ້ອງກັນຄວາມສະຫງົບທົ່ວປວງຊົນຮອບດ້ານ.

ພ້ອມທັງ ປັບປຸງ, ກໍ່ສ້າງກຳລັງ ປກສ- ປກຊ ໃຫ້ມີຄວາມ ໜັກແໜ້ນເຂັ້ມແຂງບໍ່ຢຸດຢັ້ງ; ເສີມຂະຫຍາຍຄວາມສາມາດ ແລະ ທ່າແຮງບົ່ມຊ້ອນ ຂອງທ້ອງຖິ່ນ ໃຫ້ເກີດປະໂຫຍດສູງສຸດ, ເອົາໃຈ ໃສ່ຈັດຕັ້ງຜັນຂະຫຍາຍທິດຊີ້ນຳຂອງພັກ ໃນການສ້າງເສດຖະ ກິດເອກະລາດ ເປັນເຈົ້າຕົນເອງ; ເອົາໃຈ ໃສ່ປະຕິບັດວາລະແຫ່ງ ຊາດ ວ່າດ້ວຍການແກ້ໄຂຄວາມຫຍຸ້ງຍາກທາງດ້ານເສດຖະ ກິດ -ການເງິນ, ນະໂຍບາຍສິນເຊື່ອ ເພື່ອກະຕຸ້ນເສດຖະກິດ ໃຫ້ເກີດເປັນຮູບປະທຳຫຼາຍກວ່າເກົ່າ; ເອົາໃຈໃສ່ປັບປຸງສະພາບແວດ ລ້ອມການດໍາເນີນທຸລະກິດ ແລະ ການລົງ ທຶນ ໃຫ້ດີຂຶ້ນເປັນກ້າວໆ, ເອົາໃຈໃສ່ຄຸ້ມຄອງໂຄງການລົງທຶນຂະໜາດໃຫຍ່ ໃຫ້ມີປະສິດ ທິຜົນ ແລະ ແກ້ໄຂບັນຫາໃຫ້ທັນກັບສະພາບການ; ເອົາໃຈໃສ່ສົ່ງເສີມການຜະລິດພາຍໃນເພື່ອທົດ ແທນການນໍາເຂົ້າຈາກຕ່າງປະເທດ, ສົມທົບກັບບັນດາໂຄງການຂະໜາດໃຫຍ່ ເພື່ອເຮັດສັນຍາຜູກພັນຜະລິດ ແລະ ສະໜອງສິນຄ້າກະສິກຳ ຮັບໃຊ້ໂຄງການ ເພື່ອເປັນຕະຫຼາດ ຊ່ວຍປະຊາຊົນ; ວຽກງານແກ້ໄຂຄວາມທຸກຍາກ ຂອງປະຊາຊົນ, ວຽກງານຝຶກສີມືແຮງງານ, ການສ້າງວຽກເຮັດງານທຳ ໃຫ້ປະຊາຊົນ ແລະ ອື່ນໆ ເອົາໃຈໃສ່ແກ້ໄຂບັນຫາຄູອາສາສະໝັກ, ການຂາດເຂີນຄູສອນ, ການຂາດຮຽນ ແລະ ປະລະການຮຽນຂອງນັກຮຽນ ຕາມນິຕິກຳທີ່ໄດ້ກຳນົດໄວ້ ສືບຕໍ່ເຄື່ອນໄຫວວຽກງານຕ່າງປະເທດ ຢ່າງມີປະສິດ ທິພາບ ແລະ ປະສິດທິຜົນເທື່ອລະກ້າວ.

ທີ່ມາ: ຂ່າວແຂວງເຊກອງ