ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ນ້ຳຖ້ວມຢູ່ເມືອງເງິນ ແຂວງໄຊຍະບູລີ ສ້າງຄວາມເສຍຫາຍ ເບື້ອງຕົ້ນ 1,7 ຕື້ກວ່າກີບ.

ວັນທີ 5 ສິງຫາ 2020 ນີ້ ທ່ານ ບຸນລັບ ແສງອາພອນ ກຳມະການພັກແຂວງ ຫົວໜ້າພະແນກຊັບພະ ຍາກອນທຳມະຊາດ ແລະ ສິ່ງ ແວດລ້ອມ ພ້ອມທີມງານ ຄະນະກຳມະການ ຕ້ານ ແລະ ຄວບຄຸມ ໄພພິບັດຂັ້ນແຂວງ ໄດ້ລົງຊຸກຍູ້ ແລະ ກວດກາເບິ່ງຜົນກະທົບຈາກໄພພິບັດນ້ຳຖ້ວມຢູ່ເມືອງເງິນ ແຂວງໄຊຍະບູລີ ທ່ານ ສີທະນົນໄຊ ທອງເທພາ ຮອງເຈົ້າເມືອງ ໃນນາມປະທານຄະນະກຳມະການ ຕ້ານ ແລະ ຄວບຄຸມ ໄພພິ ບັດຂັ້ນເມືອງ ໄດ້ລາຍງານ ຜົນກະທົບໄພພິບັດນ້ຳຖ້ວມຢູ່ເມືອງເງິນ ໃນຄັ້ງວັນທີ 3 ສິງຫາ 2020ນີ້ວ່າ: ຕາມການລົງເກັບກຳຂໍ້ມູນເບື້ອງຕົ້ນ ມີນ້ຳຖ້ວມເຮືອນຂອງປະຊາຊົນ ຈຳນວນ 3 ບ້ານ: ບ້ານ ແກ້ວດອນຄູນ 48 ຄອບຄົວ, ບ້ານ ກາງ 3 ຄອບຄົວ, ບ້ານ ທອງ 1 ຄອບຄົວ ລວມມູນຄ່າເສຍຫາຍ 47,572,000 ກີບ , ເນື້ອທີ່ນາຖືກຜົນກະທົບທັງໝົດ 112,64 ເຮັກຕາ ລວມມູນຄ່າເສຍຫາຍ 1,471,916,000 ກີບ ມີ 317 ຄອບຄົວ 1,470 ຄົນ, ເນື້ອທີ່ເຂົ້າເນີນສູງ ເສຍຫາຍ 69,43 ເຮັກຕາ ລວມມູນຄ່າເສຍຫາຍ 31,200,000 ກີບ, ເນື້ອທີ່ສາລີແຂງ ເສຍຫາຍ 18,2 ເຮັກຕາ ລວມມູນຄ່າເສຍຫາຍ 122,850,000 ກີບ, ໝາກເດືອຍ ເສຍຫາຍ 0,5 ເຮັກຕາ ລວມມູນຄ່າເສຍຫາຍ 3,500,000 ກີບ, ກົບ 3,500 ໂຕ, ສັດປີກ 395 ໂຕ, ຄອງເໝືອງເຈື່ອນ 60 ແມັດ ລວມມູນຄ່າເສຍຫາຍຈາກໄພພິບັດນ້ຳຖ້ວມຢູ່ເມືອງເງິນ ໃນຄັ້ງນີ້ ມີທັງໝົດ 1,766,038,000 ກີບ.
ຈາກນັ້ນ ທາງທີມງານຄະນະກຳມະການ ຕ້ານ ແລະ ຄວບຄຸມ ໄພພິບັດຂັ້ນແຂວງ ແລະ ເມືອງ ເຊິ່ງນຳໂດຍ ທ່ານ ຄຳແພງ ຕັດສະຫວັດ ເຈົ້າເມືອງ-ເມືອງເງິນ ກໍ່ໄດ້ລົງກວດກາເບິ່ງຜົນເສຍຫາຍຕົວຈິງຢູ່ສະຖານທີ່ຕ່າງໆທີ່ຖືກຜົນກະທົບ.

ໂດຍ: ອິນແປງ ແຫວນຄຳ.