ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ

ບັນທຶກການເດີນທາງຂອງຈີນກິດຈະກໍາແລກປ່ຽນສື່ມວນຊົນຕ່າງປະເທດ ເລີ່ມຕົ້ນທີ່ເມືອງຊິງຕາວ, ແຂວງຊານຕົງ

ສື່ມວນຊົນຕ່າງປະເທດປະມານ 30 ຄົນ ຈາກ 18 ປະເທດ ເຂົ້າຮ່ວມກິດຈະກໍາແລກປ່ຽນສື່ທີ່ມີຊື່ວ່າ: “ບັນ ທຶກການເດີນທາງຂອງຈີນ” ເຊີ່ງເລີ່ມຕົ້ນທີ່ເມືອງຊິງຕາວ (Qingdao​), ແຂວງຊານຕົງທີ່ຢູ່ທາງພາກຕາເວັນອອກຂອງຈີນ. ພິທີເປີດກິດຈະກໍາດັ່ງກ່າວຈັດຂຶ້ນໃນວັນທີ 22 ພຶດສະພາ 2023.

ໃນກິດຈະກໍາໃນຄັ້ງນີ້, ສື່ມວນຊົນທີ່ເຂົ້າຮ່ວມກິດຈະກໍາ ໄດ້ຮຽນຮູ້ກ່ຽວກັບມໍລະດົກທາງປະຫວັດ ສາດ, ວັດທະນະທໍາ, ການພັດທະນະເຕັກໂນໂລຊີສະໄໝໃໝ່ ແລະ ຜົນສໍາເລັດໃນການພັດທະນາດ້ວຍຄຸນນະພາບໃໝ່ຢູ່ເມືອງຕ່າງໆ ຂອງຈີນ.

ທ່ານ Zhang Xinzhu, ກຳມະການ​ຄະນະ​ປະຈຳ​ຄະນະ​ພັກ​ກອມ​ມູນິດ​ຈີນ, ​ເລຂາທິການ​ໃຫຍ່​ຄະນະ​ກຳມະການ​ສູນ​ກາງ​ພັກ​ກອມ​ມູນິດ​ຈີນທີ່ເມືອງຊິງຕາວ ກ່າວ​ວ່າ: ກິດຈະກຳ​ດັ່ງກ່າວ​ແມ່ນ​ຂົວ​ຕໍ່ທີ່ສໍາຄັນໃນການເຊື່ອມ​ຕໍ່​ລະຫວ່າງ​ຈີນ​ກັບ​ໂລກ).

ທ່ານ Wu Hailong ປະທານ​ສະມາຄົມ​ການ​ທູດ​ປະຊາຊົນ​ຈີນ ​ກ່າວ​ວ່າ: ຜ່ານ​ການ​ເຄື່ອນ​ໄຫວໃນກິດຈະກໍາຄັ້ງນີ້, ສື່ມວນຊົນຕ່າງປະເທດ ສາມາດ​ຄົ້ນ​ພົບ​ຕົວ​ຈິງ​ຂອງ​ຈີນ ​ແລະ​ ສະ​ແດງ​ໃຫ້​ເຫັນ​ສິ່ງ​ທີ່​ຕົນ​ໄດ້​ເຫັນ​ ແລະ​ ໄດ້​ຍິນ​ຜ່ານ​ບົດ​ລາຍ​ງານ​ຂອງ​ຕົນ​ເພື່ອ​ສະ​ແດງ​ໃຫ້​ເຫັນ​ພາບ​ພົດ​ຂອງ​ຈີນ​ຢ່າງຮອບດ້ານ ​ແລະ​ ມີ​ຄວາມ​ເຂັ້ມ​ແຂງໃນລັກສະນະເປັນກາງທີ່ສຸດ.

ທ່ານ Chen Renze, ຮອງ​ຜູ້​ອຳ​ນວຍ​ການ​ໃຫຍ່​ສຳ​ນັກ​ງານ​ສື່​ສານ Cyber ​​Space Administration ຂອງ​ຈີນ​ໃຫ້​ຂໍ້​ສັງ​ເກດ​ວ່າ:  ສື່ມວນຊົນ​ແມ່ນ​ສາຍ​ພົວ​ພັນ​ທີ່​ສຳ​ຄັນ​ເພື່ອເສີ່ມ​ສ້າງ​ການ​ພົວ​ພັນ​ລະ​ຫວ່າງ​ປະ​ຊາ​ຊົນ, ເຊີ່ງທ່ານສະແດງຄວາມຫວັງ​ວ່າ​: ຜ່ານ​ການ​ເຄື່ອນ​ໄຫວ​ໃນກິດຈະກໍາຄັ້ງນີ້, ສື່ມວນຊົນສາມາດ​ຊຸກຍູ້​ຄວາມ​ເຂົ້າ​ໃຈ​ເຊິ່ງກັນ​ ແລະ ​ກັນ​ລະຫວ່າງ​ຈີນ​ກັບ​ໂລກ.

ທ່ານ Shan Chengbiao, ຜູ້ຈັດການທົ່ວໄປຂອງ Global Times Online ໄດ້ກ່າວວ່າສະແດງຄວາມດີໃຈຕໍ່ກິດຈະກໍາທີ່ຈັດຂຶ້ນໃນຄັ້ງນີ້.

ທ່ານ Saud Faisal ຫົວໜ້າເຈົ້າໜ້າທີ່ດິຈິຕອລຂອງ Pakistan Observer ກ່າວວ່າ: “ປີນີ້ເປັນປີຄົບຮອບ 72 ປີຂອງການສ້າງຕັ້ງສາຍພົວພັນທາງການທູດລະຫວ່າງປາກິສຖານ ແລະ ຈີນ. ພວກເຮົາມີຄວາມປະທັບໃຈກັບຜົນສໍາເລັດທີ່ຊິງຕາມເຮັດໄດ້ ແລະ ປະສົບຜົນສໍາເລັດໃນໄລຍະຜ່ານມາ”.

ທ່ານ Ruslan Kenjaev, ຮອງຫົວໜ້າບັນນາທິການໃຫຍ່ຂອງ Uzbekistan Narodnoe Slovo, ສະແດງຄວາມປະທັບໃຈເປັນຢ່າງຍິ່ງທີ່ໄດ້ເຫັນວິວັດທະນາການຂອງເມືອງຊິງຕາວ ໂດຍສະເພາະລົດໄຟຄວາມໄວສູງຊ່ວຍຫຼຸດເວລາເດີນທາງລະຫວ່າງຄົນກັບຄົນ, ລະຫວ່າງເມືອງກັບເມືອງ ແລະ ລະຫວ່າງປະເທດກັບປະເທດ.

ນອກຈາກ​ເມືອງຊິງຕາວແລ້ວ, ສື່ມວນຊົນຕ່າງປະ​ເທດ​ ຍັງ​ໄປ​ຢ້ຽມຢາມ​ເມືອງ Weifang ​ທີ່​ມີ​ຊື່​ສຽງ​ດ້ານ​ວັດທະນະທຳ​ວ່າວ ​ແລະ ນະຄອນ Jining ຊຶ່ງ​ຖື​ເປັນ​ບ້ານ​ເກີດ​ເມືອງ​ນອນ​ຂອງ​ສາສະໜາ​ຂົງ​ຈື້, ເຊີ່ງກິດຈະກໍາໃນຄັ້ງນີ້ຈະດໍາເນີນໄປຮອດວັນທີ 26 ພຶດສະພາ 2023 ນີ້ ຈຶ່ງຈະສໍາເລັດ.