ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ
ທ່ານ ໄຊຍະບັດ ຊຸມມະນີວົງ ຮອງເຈົ້າເມືອງສັງທອງ, ນະຄອນ ຫລວງວຽງຈັນ ຖະແຫລງຂ່າວຕໍ່ສື່ມວນຊົນເມື່ອບໍ່ດົນມານີ້ ກ່ຽວ ກັບການກະກຽມຈັດງານບຸນກອງເຂົ້າຫອມສັງທອງ ປະຈໍາປີ 2024 ຊຶ່ງຈະຈັດຂຶ້ນໃນລະຫວ່າງວັນທີ 8-10 ກຸມພານີ້ ຕິດພັນກັບປີທ່ອງທ່ຽວລາວ 2024 ຂອງເມືອງ.
ງານດັ່ງກ່າວ, ຈະຈັດຂຶ້ນຢູ່ຫາດຊາຍຂາວ ບ້ານອ່າງນ້ອຍ ເພາະເປັນສະຖານທີ່ທ່ອງທ່ຽວທີ່ສວຍງາມ ແລະ ເພື່ອສ້າງຄວາມສະ ດວກໃຫ້ຜູ້ມາທ່ຽວຊົມ ເພື່ອແນໃສ່ປົກປັກຮັກສາ ແລະ ສົ່ງເສີມຮີດຄອງປະເພນີ ວັດທະນະທໍາອັນດີງາມຂອງຊາດ ກໍຄື ຂອງເມືອງສັງທອງທີ່ປະຕິບັດສືບທອດກັນມາແຕ່ບູຮານນະການ ຕິດພັນກັບການດໍາລົງຊີວິດຂອງປະຊາຊົນບັນດາເຜົ່າພາຍໃນເມືອງໃຫ້ໄດ້ຮັບການ ຈັດຕັ້ງປະຕິບັດຢ່າງຕໍ່ເນື່ອງ ແລະ ຍືນຍົງ, ເປັນກັນຊຸກຍູ້ສົ່ງເສີມວຽກງານທ່ອງທ່ຽວໃຫ້ໄດ້ຮັບການພັດທະ ນາ ແລະ ຍົກລະດັບໃຫ້ດີຂຶ້ນ ແນໃສ່ດຶງດູດນັກທ່ອງທ່ຽວທັງພາຍໃນ ແລະ ຕ່າງ ປະເທດເຂົ້າມາທ່ອງທ່ຽວເມືອງສັງທອງເພີ່ມ ຂຶ້ນ. ພ້ອມນີ້ ຍັງເປັນການຊຸກຍູ້ສົ່ງເສີມການຂາຍສິນຄ້າກະສິກໍາ, ສິນຄ້າຂອງຄອບຄົວຕົວແບບ, ສິນຄ້າໂອດ໊ອປ ແລະ ສິນຄ້າພາຍ ໃນທົ່ວໄປ.
ສໍາລັບງານຕະຫລາດນັດ ຈະເລີ່ມແຕ່ວັນທີ 3 ກຸມພານີ້, ສ່ວນມື້ຈັດງານຕົວຈິງແມ່ນວັນທີ 8-10 ກຸມພານີ້. ສ່ວນກິດຈະກໍາພາຍໃນງານ ຈະເນັ້ນໃສ່ກິດຈະກໍາທາງດ້ານສາສະໜາທີ່ເປັນຮີດ ຄອງປະເພນີອັນດີງາມ ແລະ ເປັນເອກະລັກ, ຈະມີການສະແດງສິລະປະ, ການປະກວດນາງສາວເຂົ້າຫອມ, ປະກວດອາຫານພື້ນ ບ້ານ, ການແຂ່ງຂັນກິລາ ແລະ ອື່ນໆ. ປັດຈຸບັນ ຄະນະຮັບຜິດ ຊອບຈັດງານດັ່ງກ່າວພວມກະກຽມວຽກງານຕ່າງຢ່າງຕໍ່ເນື່ອງ ໂດຍສະເພາະການກະກຽມສະຖານທີ່, ການປະດັບປະດາຕົບແຕ່ງເວທີ, ການເອຍ້ອງກອງເຂົ້າຫອມຈໍານວນ 5 ກອງ ແລະ ອື່ນໆ.
Cr: ຂ່າວອອນລາຍ, ວສລ