ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ບ້ານໃຫຍ່ນ້ຳພຸ ເມືອງບໍ່ແຕນ ແຂວງໄຊຍະບູລີ ຈັດກິດຈະກໍາຕ້ານພະຍາດໄຂ້ຍຸງລາຍ

ຕອນເຊົ້າຂອງວັນທີ 08 ພຶດສະພາ 2020 ນີ້ຢູ່ທີ່ບ້ານໃຫຍ່ນ້ຳພຸ ເມືອງບໍ່ແຕນ ແຂວງໄຊຍະບູລີ ຫ້ອງການສາທາລະນະສຸກເມືອງ ໄດ້ຈັດກິດຈະກຳ ຕ້ານ ແລະ ສະກັດກ້ນໄຂ້ຍຸງລາຍຂື້ນຢ່າງເປັນທາງການ. ເປັນກຽດເຂົ້າຮ່ວມພິທີໃນຄັ້ງນີ້ມີ ທ່ານ ນາງ ບຸນພັກ ອິນທະປັນຍາ ຄະນະປະຈຳພັກແຂວງ ຮອງເຈົ້າແຂວງໄຊຍະບູລີ, ມີເຈົ້າເມືອງ, ຮອງເຈົ້າເມືອງ, ຫົວໜ້າຫ້ອງການ, ທະຫານ, ຕຳຫຼວດ, ວິຊາການແພດໝໍ ຕະຫຼອດຮອດ ປະຊາຊົນພາຍໃນບ້ານເຂົ້າຮ່ວມ.

ບ້ານໃຫຍ່ນໍ້າພຸປະກອບດ້ວຍ 43 ໜ່ວຍຜະລິດ,  ມີ 428 ຄອບຄົວ, ພົນລະເມືອງທັງໝົດ 2, 279ຄົນ , ຍິງ 1, 150 ຄົນ ໃນປີທີ່ຜ່ານມາມີຜູ້ຕິດເຊື້ອໄຂຍຸງລາຍ 36 ກໍລະນີ ແຕ່ບໍ່ມີຜູ້ເສຍຊີວິດ ການສ້າງຂະບວນໃນຄັ້ງນີ້ປະກອບດ້ວຍການແຕ່ງໂຕເປັນຫຸ່ນຈຳລອງຍຸງລາຍ, ລົດໂຄສະນາສະປອດສຽງຜົນຮ້າຍຂອງໄຂ້ ຍຸງລາຍ ພາຍໃຕ້ຄຳຂັວນທີ່ວ່າ: ບໍ່ມີໜອນນ້ຳ, ບໍ່ມີຍຸງລາຍ, ບໍ່ມີໄຂ້ຍຸງລາຍ-ຈົ່ງຮ່ວມແຮງຮ່ວມໃຈກັນຕ້ານພະຍາດໄຂ້ຍຸງລາຍດ້ວຍການປະຕິບັດຕາມຫັກການ 5 ປໍ ຢ່າງເຂັ້ມງວດ ນອກຈາກນີ້ ຍັງເປັນການສ້າງຄວາມຮູ້, ຄວາມເຂົ້າໃຈກ່ຽວກັບຜົນຮ້າຍ ແລະ ວິທີປ້ອງກັນໄຂ້ຍຸງລາຍ ໃຫ້ ປະຊາຊົນໄຫ້ມີສະຕິລະວັງຕົວຮ່ວມແຮງຮ່ວມໃຈກັນຕ້ານ ແລະ ສະກັດກັ້ນພະຍາດໄຂ້ຍຸງໃຫ້ໄດ້ຮັບຜົນດີ.

 

 

ບຸນເລີດ  ໄຊຍະລາດ ລາຍງານຈາກ ເມືອງບໍ່ແຕນ ແຂວງໄຊຍະບູລີ.