ວັນທີ 26 ກໍລະກົດ 2024 ຢູ່ພະແນກອຸດສາຫະກໍາ ແລະ ການຄ້າແຂວງ ໄດ້ຈັດພິທີທໍາລາຍ ສິນຄ້າທີ່ລະເມີດເຄື່ອງ ໝາຍການຄ້າປະເພດໝໍ້ໄຟ (Battery) ຍີ່ຫໍ້ GS Yuasa Corporation ຈຳນວນ 313 ໜ່ວຍ.
ຫມໍ້ໄຟດັ່ງກ່າວໄດ້ມາຈາກການຈັດຕັ້ງປະຕິບັດຕົວຈິງໃນການ ກວດກາທາງຂະແໜງຊັບສິນທາງປັນຍາ ມາດຕະຖານ ແລະ ວັດ ແທກ ລົງກວດກາຈຳນວນ 9 ຮ້ານ ໄດ້ພົບເຫັນສິນຄ້າທີລະເມີດເຄື່ອງໝາຍການຄ້າປະເພດໝໍ້ໄຟ (Battery) ຍີ່ຫໍ້ GS Yuasa Corporation ຢູ່ 6 ຮ້ານ.
ໃນຈໍານວນໝໍ້ໄຟທັງໝົດ 313 ໜ່ວຍ, ມີໝໍ້ໄຟຂະນາດ 30 ແອມ ຈຳນວນ 50 ໜ່ວຍ 40 ແອມ 40 ໜ່ວຍ 70 ແອມ 38 ໜ່ວຍ 90 ແອມ 110 ໜ່ວຍ ແລະ ຂະໜາດ 120 ແອມ 40 ໜ່ວຍ ລວມມູນຄ່າ 326.000.000 ລ້ານກີບ ສິນຄ້າທີ່ກວດພົບໃນຄັ້ງນີ້ແມ່ນໄດ້ຢຶດ ແລະ ທໍາລາຍຕາມລະບຽບການ ບໍ່ໃຫ້ມີການນໍາສິນຄ້າດັ່ງກ່າວມາຈຳໜ່າຍອີກ ເພື່ອປົກປ້ອງສິດຜົນປະ ໂຫຍດຂອງເຈົ້າຂອງເຄື່ອງໜາຍການຄ້າ, ບັນດາຫົວໜ່ວຍທຸລະ ກິດໃຫ້ເຄື່ອນໄຫວຖຶກຕ້ອງຕາມລະບຽບກົດໝາຍ ຮັບປະກັນໃຫ້ແກ່ຜູ້ຊົມໃຊ້ໄດ້ໃຊ້ສິນຄ້າທີມີຄຸນນະພາບ ແລະ ປອດໄຟ.
ຂ່າວ-ພາບ: ວຽງສະຫວັນ
