ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ບໍລິສັດທີ່ປຶກສາດ້ານການລົງທຶນແລະກໍ່ສ້າງເຂື່ອນໄຟຟ້າຈຳກັດຜູ້ດຽວ ມອບເງິນ 500 ລ້ານກີບ ຊຸກຍູ້ກອງປະຊຸມໃຫຍ່ອົງຄະນະພັກແຂວງວຽງຈັນ ຄັ້ງທີ VI

ພິທີມອບ-ຮັບເງິນຊຸກຍູ້ກອງປະຊຸມໃຫຍ່ອົງຄະນະພັກແຂວງວຽງຈັນ ຄັ້ງທີ VI, ມູນຄ່າ 500 ລ້ານກີບ ,ຈັດຂຶ້ນໃນວັນທີ 15 ກັນຍາ 2020, ທີ່ຫ້ອງວ່າການແຂວງວຽງຈັນ ໂດຍການກ່າວມອບຂອງ ທ່ານ ລີ ໄຄ ຜູ້ອຳນວຍການໃຫຍ່ບໍລິສັດທີ່ປຶກສາດ້ານການລົງທຶນແລະກໍ່ສ້າງເຂື່ອນໄຟຟ້າຈຳກັດຜູ້ດຽວ ແລະ ກ່າວຮັບຂອງທ່ານ ຄຳພັນ ສິດທິດຳພາ ກຳມະການສູນກາງພັກ, ເລຂາພັກແຂວງ, ເຈົ້າແຂວງວຽງ ຈັນ.

ທ່ານ ຄຳພັນ ສິດທິດຳພາ ໄດ້ກ່າວສະແດງຄວາມຂອບໃຈບໍລິສັດທີ່ປຶກສາດ້ານການລົງທຶນແລະກໍ່ສ້າງເຂື່ອນໄຟຟ້າຈຳກັດຜູ້ດຽວທີ່ຊຸກຍູ້ກອງປະຊຸມໃຫຍ່ອົງຄະນະພັກແຂວງວຽງຈັນຄັ້ງນີ້, ພ້ອມນີ້ ທັງຮຽກຮ້ອງໃຫ້ບໍລິສັດທີ່ປຶກສາດ້ານການລົງທຶນແລະກໍ່ສ້າງເຂື່ອນໄຟຟ້າຈຳກັດຜູ້ດຽວເອົາ ໃຈໃສ່ແລະໃຫ້ຄວາມສຳຄັນຕໍ່ການພັດທະນາເຂດທີ່ຕົນລົງທຶນຢູ່ໃນປະຈຸບັນໂດຍຕິດແທດໃນການຮັກສາສິ່ງແວດ ລ້ອມແລະການດຳລົງຊີວິດຂອງປະຊາຊົນທີ່ຢູ່ອ້ອມຂ້າງໃຫ້ເຫມາະສົມແລະຫລີກລ່ຽງຫາງສຽງຈົ່ມວ່າຈາກສັງຄົມ.

ສຳລັບບໍລິສັດທີ່ປຶກສາດ້ານການລົງທຶນແລະກໍ່ສ້າງເຂື່ອນໄຟຟ້າຈຳກັດຜູ້ດຽວສ້າງຕັ້ງຂຶ້ນມາໄດ້ 20ກວ່າປີແລ້ວໃນນີ້ມີຂະແຫນງໄຟຟ້າ,ບໍ່ແຮ່,ການພັດທະນາການທ່ອງ ທ່ຽວ. ປັດຈຸບັນ ພວມດຳເນີນການພັດທະນາໂຄງການຢູ່ເຂດຕາເວັນຕົກສາຍນ້ຳຊອງ ເມືອງວັງວຽງເຊິ່ງເລີ່ມຈັດຕັ້ງປະຕິບັດໃນປີ 2016 ເປັນຕົ້ນມາ.

ສໍາລັບກອງປະຊຸມໃຫຍ່ອົງຄະນະພັກແຂວງວຽງຈັນ ຄັ້ງທີ VI ຄາດວ່າຈະຈັດຂຶ້ນໃນອີກບໍ່ດົນນີ້ ເຊີ່ງມາຮອດປັດຈຸ ບັນ ການກະກຽມວຽກງານຕ່າງໆ ຂອງແຂວງໃຫ້ແກ່ການຈັດກອງປະຊຸມຄັ້ງນີ້ ມີຄວາມພ້ອມແລ້ວເປັນສ່ວນໃຫຍ່.

Cr: ອຳໄພວັນ ວົງອໍາທອນ