ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ
ບໍລິສັດລົດໄຟ ລາວ-ຈີນ ຈະເປີດງານສະແດງດົນຕີເທິງລົດໄຟ ມອບຄວາມມ່ວນຊື່ນໃຫ້ແກ່ຜູ້ໂດຍສານ ສ້າງບັນຍາກາດທີ່ດີຕ້ອນຮັບປີທ່ອງທ່ຽວລາວ 2024 ໃນວັນທີ 25 ມັງກອນທີ່ຈະມາເຖິງ
ກຽມພົບກັບສິລະປິນຊື່ດັງທັງຈາກປະ ເທດລາວ ແລະ ຈີນ ມາບັນເລງຄວາມມ່ວນຊື່ນເທິງລົດໄຟໃຫ້ໄດ້ຊົມຢ່າງໃກ້ຊິດ ໃນງານສະແດງ“ດົນຕີເທິງລົດໄຟ”ເພື່ອມອບຄວາມສຸກຄືນໃຫ້ຜູ້ໂດຍສານ ແລະ ເປັນການສ້າງບັນຍາກາດທີ່ດີຕ້ອນຮັບປີທ່ອງທ່ຽວລາວ 2024.
ງານນີ້ແມ່ນຈະຈັດຂຶ້ນໃນວັນທີ 25 ມັງກອນ ຢູ່ລົດໄຟ EMU ຂະບວນ “ລ້ານຊ້າງ” ຕູ້ເບີ 5 ຖ້ຽວ C82, ສຳລັບຜູ້ໂດຍສານທີ່ຈະເດີນຈາກນະຄອນຫຼວງວຽງຈັນ-ຫຼວງພະບາງ ຫຼືສະຖານີທີ່ກາຍຫຼວງພະບາງຂຶ້ນໄປເທົ່ານັ້ນ.
ລາຍລະອຽດຄືດັ່ງລຸ່ມນີ້:
1. ສາມາດຊື້ປີ້ໄດ້ໃນວັນທີ: 22-24 ມັງກອນ
2. ສະຖານທີ່ຊື້ປີ້: ສະຖານີນະຄອນຫຼວງວຽງຈັນ, ປ່ອງຂາຍປີ້ເບີ 4
3. ເວລາຊື້ປີ້: 06:30-11:00 , 13:30-17:00 , 18:30-20:00
ຢ່າພາດມາກ່ອນມີສິດກ່ອນ! ປິດການຂາຍປີ້ໃນເວລາວັນທີ 24 ເວລາ 18:00 ເທົ່ານັ້ນ!
ໝາຍເຫດ:
1. ການສະແດງແມ່ນໃຊ້ເວລາປະມານ 1 ຊົ່ວໂມງ.
2. ປີ້ນີ້ແມ່ນສຳລັບຜູ້ທີ່ຈະເດີນທາງໄປສະຖານີຫຼວງພະບາງ ຫຼືກາຍສະຖານີຫຼວງພະບາງຂຶ້ນໄປ, ຜູ້ທີ່ຈະເດີນທາງໄປສະຖານີວັງວຽງແມ່ນບໍ່ສາມາດຊື້ປີ້ຕູ້ລົດນີ້ໄດ້, ແຕ່ຈະສາມາດຊື້ປີ້ຕູ້ລົດອື່ນໆໄດ້.