ບໍລິສັດສະມາດ ເຄ,ເຄ ມອບອຸປະກອນປ້ອງກັນພະຍາດໂຄວິດ-19 ໃຫ້ແກ່ແຂວງຄຳມ່ວນ.

 ວັນທີ 10 ພຶດສະພາ 2021 ບໍລິສັດ ສະມາດ ເຄ,ເຄ ຫຸ້ນສ່ວນ ຈຳກັດ ໃນໂຄງການເຂດເສດຖະກິດສະເພາະພູຂຽວ ແຂວງຄຳມ່ວນ ໄດ້ນຳອຸປະກອນປ້ອງກັນພະຍາດ ໂຄວິດ-19 ເຊິ່ງປະກອບມີ: ຜ້າປິດປາກ ແລະ ຊຸດປ້ອງກັນພະຍາດໂຄວິດ-19 ລວມມູນຄ່າ 57 ລ້ານກວ່າກີບ ມາມອບໃຫ້ແກ່ແຂວງຄຳມ່ວນ ເພື່ອນຳໃຊ້ເຂົ້າໃນວຽກງານປ້ອງກັນ, ຄວບຄຸມ ແລະ ສະກັດກັ້ນ ພະຍາດໂຄວິດ-19 ຢູ່ໃນແຂວງ ເຊິ່ງກ່າວຮັບເຄື່ອງດັ່ງກ່າວໂດຍທ່ານ ບຸນມີ ພິມມະສອນ ຮອງເຈົ້າແຂວງຄຳມ່ວນ. ໂດຍມີຄະນະສະເພາະກິດຄວບຄຸມ, ປ້ອງກັນ ແລະ ສະກັດກັ້ນພະຍາດໂຄວິດ-19 ຂັ້ນແຂວງ ພ້ອມດ້ວຍພະນັກງານ-ວິຊາການກ່ຽວຂ້ອງທັງພາກສ່ວນລັດ ແລະ

ພາກສ່ວນບໍລິສັດເຂົ້າຮ່ວມເປັນສັກຂີພະຍານ.

ພາບ-ຂ່າວ:ນັກຂ່າວວິທະຍຸແຂວງຄໍາມ່ວນ