ON AIR

ຟັງວິທະຍຸ FM103.7Mhz ອອນລາຍ
Listen to Radio FM103.7Mhz Online

ບໍລິສັດ ກຣິດຕະພົງ ກຣຸບ ຈຳກັດ ມອບເງິນຊ່ວຍເຫຼືອຜູ້ປະສົບໄພນໍ້າຖ້ວມ

ໃນຕອນແລງ ຂອງວັນທີ 11 ກັນຍາ 2019 ທີ່ ຫ້ອງວ່າການສຳນັກງານນາຍົກລັດຖະມົນຕີ (ຫສນຍ), ທ່ານ ເພັດ ພົມພິພັກ, ລັດຖະມົນຕີ, ຫົວຫນ້າຫ້ອງວ່າການສຳນັກງານນາຍົກລັດຖະມົນຕີ ໄດ້ຕາງໜ້າໃຫ້ລັດຖະບານ ຮັບເງິນຊ່ວຍເຫລືອຜູ້ປະສົບໄພນໍ້າຖ້ວມ ຈາກບໍລິສັດ ກຣິດຕະພົງ ກຣຸບ ຈຳກັດ ຈຳນວນ 100.000.000 ກີບ, ກ່າວມອບໂດຍທ່ານ ນາງ ອໍລະໄທ ສັນຕິຄົງຄາ, ຜູ້ອຳ ນວຍການໃຫຍ່ ບໍລິສັດ ກຣິດຕະພົງ ກຣຸບ ຈຳກັດ, ຊຶ່ງມີພະນັກງານທີ່ກ່ຽວຂ້ອງ ຂອງ ຫສນຍ ແລະ ບໍລິສັດດັ່ງກ່າວ ເຂົ້າຮ່ວມ.


ໃນໂອກາດນີ້, ທ່ານ ເພັດ ພົມພິພັກ ໄດ້ກ່າວສະແດງຄວາມຂອບໃຈ ຕໍ່ບໍລິສັດ ທີ່ໄດ້ນຳເອົາເງິນມາມອບ ເພື່ອຊ່ວຍເຫຼືອຜູ້ປະສົບໄພນໍ້າຖ້ວມໃນຄັ້ງນີ້. ເງິນຊ່ວຍເຫລືອດັ່ງກ່າວ ແມ່ນຈະໄດ້ນຳໄປມອບໃຫ້ກະຊວງແຮງງານ ແລະ ສະຫວັດດີການສັງຄົມ ເພື່ອນຳໄປຊ່ວຍ ເຫລືອບັນເທົາທຸກ ແກ່ຜູ້ປະສົບໄພນໍ້າຖ້ວມໃນປີນີ້, ຊຶ່ງ ການຊ່ວຍເຫຼືອຂອງບໍລິສັດ ກຣິດຕະພົງ ກຣຸບ ຈຳກັດ ຈະປະກອບສ່ວນເຮັດໃຫ້ການແກ້ໄຂໄພພິບັດ ກໍ່ຄືຜົນກະທົບຕໍ່ຊີວິດການເປັນຢູ່ຂອງປະຊາຊົນ ທີ່ປະສົບໄພນໍ້າຖ້ວມ ຢູ່ທ້ອງຖິ່ນຕ່າງໆ ໃນຂອບເຂດທົ່ວປະເທດ ສາມາດຜ່ານພົ້ນໄປໄດ້ດ້ວຍດີ.

ພາບ-ຂ່າວ: ຫສນຍ