ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ
ເມື່ອບໍ່ດົນມານີ້, ບໍລິສັດ ເບສະຫວັນ ອິນເຕີ ຈຳກັດ ໄດ້ນຳເອົານ້ຳດື່ມ ຈຳນວນ 50 ແພັກ ມາມອບໃຫ້ຊຸດຝຶກອົບຮົມທິດ ສະດີການເມືອງສະເພາະດ້ານ ໃຫ້ຂະແໜງສື່ມວນຊົນ ກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ຊຸດທີ I.
ຕາງໜ້າ ມອບໂດຍ ທ່ານ ເຊ ຫລ່ຽມໄຊຍະຈັກ ຝ່າຍບໍລິ ຫານ-ຈັດການທົ່ວໄປ ບໍລິສັດ ເບສະຫວັນ ອິນເຕີ ຈຳກັດ ແລະ ຮັບໂດຍ ທ່ານ ຄໍາຫລ້າ ຍອຍສາຍຄຳ ຫົວໜ້າສະຖາບັນສື່ມວນຊົນ, ວັດທະນະທໍາ ແລະ ທ່ອງທ່ຽວ, ມີສໍາມະນາກອນ ແລະ ພາກສ່ວນກ່ຽວຂ້ອງ ເຂົ້າຮ່ວມ.
ໂອກາດນີ້, ທ່ານ ຄໍາຫລ້າ ຍອຍສາຍຄຳ ໄດ້ສະແດງຄວາມຂອບໃຈ ແລະ ຮູ້ບຸນຄຸນເປັນຢ່າງສູງມາຍັງ ບໍລິສັດ ເບສະຫວັນ ອິນເຕີ ຈຳກັດ ກໍຄື ສະໜາມກິລາຫຍ້າທຽມ ເບສະຫວັນ ເອັບຊີ ບ້ານຄຳສະຫວາດ ເມືອງໄຊເຊດຖາ ນະຄອນຫລວງວຽງຈັນ ທີ່ເຫັນໄດ້ເຖິງຄວາມໝາຍຄວາມສຳຄັນໃນການຝຶກອົບຮົມຄັ້ງນີ້ ແລະ ໄດ້ນຳເອົານ້ຳດື່ມ ຈຳນວນ 50 ແພັກ ມາມອບໃຫ້ ເພື່ອໃຫ້ສຳມະນາກອນ ໄດ້ດື່ມໃນເວລາຮຽນ ແລະ ຈັດກິດຈະກຳຕ່າງໆ ຕະຫລອດໄລຍະການຝຶກອົບຮົມ ແລະ ຫວັງວ່າໃນອະນາຄົດຈະໄດ້ຮັບການຊ່ວຍເຫລືອຕື່ມອີກ.
ຊຸດຝຶກອົບຮົມໃນຄັ້ງນີ້, ແນໃສ່ສ້າງຄວາມເຂັ້ມແຂງທາງດ້ານທິດສະດີ ການເມືອງ-ການປົກ ຄອງໃຫ້ແກ່ບັນດາ ສື່ມວນຊົນ ທຸກຂະແໜງການ ອ້ອມຂ້າງສູນກາງ ໄດ້ຮຽນຫລັກມູນພື້ນຖານ, ທິດສະດີ ມາກ-ເລນິນ, ແນວຄິດ ໄກສອນ ພົມວິຫານ, ຮຽນຮູ້ແນວທາງນະໂຍບາຍຂອງພັກ, ບັນດາກົດໝາຍ ແລະ ແຜນພັດທະນາເສດຖະກິດ-ສັງຄົມຂອງລັດ ຕາມໂຄງການຫລັກສູດ ທິດສະດີການເມືອງ ສະເພາະດ້ານ ທີ່ສະຖາບັນການເມືອງ ແລະ ການປົກຄອງແຫ່ງຊາດ ສ້າງໃຫ້ກະຊວງ ຖວທ ໃນການ ບຳລຸງຍົກລະດັບ, ຄຸນທາດການເມືອງ, ຄຸນສົມບັດສິນທຳປະຕິວັດ, ທັດສະນະຫລັກໝັ້ນ ພະນັກງານ ທີ່ເຮັດວຽກສື່ມວນຊົນ ຂອງກະຊວງ ຖວທ ແລະ ບັນດາສື່ມວນຊົນ ຂອງບັນດາກະຊວງ ທີ່ກ່ຽວຂ້ອງໃຫ້ສູງຂຶ້ນ.