ຕອນເຊົ້າວັນທີ 20 ກຸມພາ 2024, ຢູ່ວິທະຍຸກະຈາຍສຽງແຫ່ງຊາດລາວ, ບໍລິສັດ PTL Holding ຈໍາກັດ ມະຫາຊົນ. ຕາງໜ້າໂດຍ ທ່ານ ນາງ ມາໂນລາ ປຣະເສີດ ຮອງປະທານ ຄະນະບໍລິຫານງານ ບໍລິສັດ ໄດ້ມອບ ຄອມພິວເຕີ 1 ຊຸດໃຫ້ພະແນກພາສາມົ້ງ, ວິທະຍຸກະຈາຍສຽງແຫ່ງຊາດລາວ (ວສລ) ກ່າວຮັບໂດຍ ທ່ານ ສຸວັນ ວິໄລແສງ ຜູ້ອໍານວຍການໃຫຍ່ວິທະຍຸກະຈາຍສຽງແຫ່ງຊາດລາວ, ໂດຍມີພະນັກງານ ວິຊາການອອ້ມຂ້າງວິທະຍຸ ກະຈາຍສຽງແຫ່ງຊາດລາວ ເຂົ້າຮ່ວມ.
ເຄື່ອງທີ່ໄດ້ຮັບການຊ່ວຍເຫຼືອຄັ້ງນີ້ ເປັນເຄື່ອງຄອມພິວເຕີຕັ້ງໂຕະ 1 ຊຸດ, ມູນຄ່າ 40 ລ້ານກ່ວາກີບ ເພື່ອມາຮັບໃຊ້ຫນ້າທີ່ວຽກງານວິຊາສະເພາະພະແນກພາສາມົ້ງ ໃຫ້ມີຄວາມສະດວກສະບາຍ ແລະ ວ່ອງໄວກ່ວາເກົ່າ.
ທ່ານ ສຸວັນ ວິໄລແສງ ຜູ້ອໍານວຍການໃຫຍ່ ວິທະຍຸກະຈາຍສຽງແຫ່ງຊາດລາວ ໄດ້ສະແດງຄວາມຂອບອົກຂອບໃຈ ບໍສິສັດທີ່ໄດ້ໃຫ້ການຊ່ວຍເຫຼືອໃນຄັ້ງນີ້ ແລະອວຍພອນໃຫ້ການດໍາເນີນທຸລະກິດຂອງບໍສິສັດດັ່ງກ່າວ ຈົ່ງນັບມື້ປະສົບແຕ່ຜົນສໍາເລັດກວ່າເກົ່າ.
