ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ
ເມື່ອບໍ່ດົນມານີ້, ດ່ານສາກົນບໍ່ເຕ່ນ ແລະ ບໍ່ຫານ ໄດ້ຕົກລົງຈະຊຸກຍູ້ການຮ່ວມມືຂອງຂົງເຂດພື້ນຖານໂຄງລ່າງພາຍໃນເຂດການຮ່ວມມືຂຶ້ນອີກບາດກ້າວໜຶ່ງ, ຊຸກຍູ້ການກໍ່ສ້າງພື້ນຖານໂຄງລ່າງທີ່ກ່ຽວຂ້ອງກັບຜົນປະໂຫຍດລວມຂອງສັງຄົມ ແລະ ຄວາມປອດໄພຢູ່ບໍລິ ເວນດ່ານ ແລະການຮ່ວມມືທາງດ້ານອຸດສາຫະກໍາການຜະລິດຂອງສອງຝ່າຍ, ຊຸກຍູ້ບັນດາວຽກງານໂຄງການຕ່າງໆ ໃຫ້ໄດ້ຮັບຜົນເປັນຈິ່ງຢ່າງມີປະສິດທີຜົນ, ຍົກລະດັບການຮ່ວມມືທີ່ຕ່າງຝ່າຍຕ່າງມີຜົນປະໂຫຍດລະຫວ່າງສອງປະເທດ, ເລັ່ງລັດການພັດທະນາເຂດຊາຍແດນຂອງລາວ ແລະ ຈີນ.
ໃນໄລຍະກອງປະຊຸມສະພາຜູ້ແທນປະຊາຊົນທົ່ວປະເທດ ແລະ ກອງປະຊຸມປຶກສາຫາລືການ ເມືອງຂອງຈີນ ຂອງນະຄອນຄຸນໝິງໃນປີ 2024, ການນຳຜູ້ຮັບຜິດຊອບຫລັກ ຂອງຫຼາຍກົມ, ເມືອງ ແລະ ສວນອຸດສາຫະກຳໄດ້ດຳເນີນການສຳພາດໂດຍປິ່ນອ້ອມຫົວຂໍ້ວ່າດ້ວຍ “ການເປັນເຫລົ່າທັບນຳໜ້າໃນການພັດທະນາເສດຖະກິດ -ສັງຄົມຂອງແຂວງທີ່ດີ”.
ໃນວັນທີ 17 ມັງກອນຜ່ານມານີ້, ກອງປະຊຸມຄັ້ງທີ 4 ຂອງກອງປະຊຸມສະພາຜູ້ແທນປະຊາ ຊົນນະຄອນຄຸນໝິງ ສະໄໝທີ 15 ໄດ້ຈັດຂຶ້ນ. ໃນໂອກາດກ່າວບົດລາຍງານວຽກງານລັດ ຖະບານຂອງ ທ່ານ ຫລີວ ຈ່າ ເຊີນ (Liu Jiachen) ເຈົ້າຄອງນະຄອນຄຸນໝິງ ໄດ້ກ່າວເຖິງ ດ່ານສະຖານນີລົດໄຟ ບໍ່ຫານຂອງຈີນ ທີ່ມີທີ່ຕັ້ງຢູ່ຊາຍແດນຈີນ-ລາວ ໄດ້ກາຍເປັນດ່ານທາງລົດໄຟໃຫຍ່ທີ່ສຸດຂອງຈີນ ສຳລັບຂົງເຂດອາຊຽນ. ທ່ານກ່າວວ່າ: ປີ 2024 ນີ້ ຈະສູ້ຊົນບັນລຸປະລິມານລວມຂອງການນຳເຂົ້າ ແລະ ສົ່ງອອກ ໃນດ່ານບໍ່ຫານ ໃຫ້ໄດ້ 9 ລ້ານໂຕນ ແລະ ມູນຄ່າສິນຄ້າໃຫ້ໄດ້ 50 ຕື້ຢວນ. ສິງສຳຄັນທີ່ຈະຕ້ອງກ່າວເຖິງ ແມ່ນດ່ານທາງລົດໄຟ ບໍ່ຫານ ເປັນດ່ານລົດໄຟຂ້າມຊາຍແດນທີ່ບໍ່ຈໍາເປັນຈະຕ້ອງປ່ຽນຖ້ຽວລົດໄຟ ຫຼື ປ່ຽນເສັ້ນລາງລົດໄຟໃນລະຫວ່າງການເດີນທາງ, ສິງທີ່ເປັນເອກະ ລັກ ແລະ ຄວາມສະດວກສະບາຍນີ້ ເຮັດໃຫ້ການຂົນສົ່ງສິນຄ້າທາງລົດໄຟມີຄວາມສະດວກ, ວ່ອງໄວຍິ່ງຂື້ນ ແລະ ເຮັດໃຫ້ປະລິມານການຂົນສົ່ງສິນຄ້າ ຂາເຂົ້າ-ຂາອອກ ຈາກດ່ານທາງລົດໄຟຫາອາຊຽນເພີ່ມຂຶ້ນຢ່າງບໍ່ຢຸດຢັ້ງ.
ຂໍ້ມູນຕົວເລກສະຖິຕີຂອງດ່ານພາສີຄຸນໝິງ ໄດ້ສະແດງໃຫ້ເຫັນວ່າ: ປີ 2023 ທີ່ຜ່ານມາ ປະລິມານສິນຄ້າທີ່ຜ່ານ ຂາເຂົ້າ-ຂາອອກດ່ານທາງລົດໄຟ ໂດຍໄດ້ຮັບການກວດສອບ ແລະ ຜ່ານດ່ານຂອງຄະນະກວດກາ ແລະ ຄວບຄຸມບັນລຸເຖິງ 4,2 ລ້ານກວ່າໂຕນ, ເພີ່ມຂຶ້ນ 94,91% ເມື່ອທຽບໃສ່ໄລຍະດຽວກັນຂອງປີກາຍ, ກາຍເປັນດ່ານທາງລົດໄຟອັນດັບໜຶ່ງຂອງຈີນຕໍ່ອາຊຽນ.
ໃນວັນທີ 19 ມັງກອນຜ່ານມານີ້, ທ່ານ ເລຢີ້ຮຸຍ, ກຳມະການຄະນະພັກ, ຮອງຫົວໜ້າຄະນະກຳມະການຄຸ້ມຄອງເຂດຮ່ວມມືເສດຖະກິດບໍ່ເຕ່ນ-ບໍ່ຫານ ລາວ-ຈີນ ໄດ້ໃຫ້ສຳພາດໃນຫົວຂໍ້ “ການເປັນເຫລົ່າທັບນຳໜ້າໃນການພັດທະນາເສດຖະກິດ-ສັງຄົມຂອງແຂວງ ທີ່ດີ”. ໃນປີ 2024, ເຂດຮ່ວມມືເສດຖະກິດ ບໍ່ເຕ່ນ-ບໍ່ຫານ ຈະສູມໃສ່ໃນ 5 ໜ້າວຽກທີ່ສໍາຄັນ ຄື: ການກໍ່ສ້າງໂຄງການ, ລະ ດົມການລົງທຶນໃຫ້ເກີດຜົນເປັນຈິງ, ຊີວິດການເປັນຢູ່ ແລະ ສະ ຫວັດດີການທີ່ດີຂອງປະຊາຊົນ, ເປີດປະຕູສູ່ພາຍນອກ ແລະ ການພັດທະນາຂອງພາກພື້ນ,ໃນເບື່ອງຕົ້ນ ໄດ້ວາງແຜນ 134 ໂຄງການທີ່ສຳຄັນຢູ່ຕົວເມືຶອງດ່ານສາກົນບໍ່ຫານ ດ້ວຍມູນຄ່າການລົງທຶນທັງໝົດແມ່ນ 67.846 ຕື້ຢວນ ແລະ ແຜນການລົງທຶນປະຈຳປີແມ່ນ 6 ຕື້ 500 ລ້ານຢວນ. ນອກຈາກນີ້, ເຂດການຮ່ວມມືບໍ່ເຕ່ນ-ບໍ່ຫານ ຍັງຈະເໜັ້ນໜັກ 4 ວຽກງານສຳຄັນຄື: “ ເລັ່ງລັດການດຶງດູດການລົງທຶນ, ຊຸກຍູ້ບັນດາໂຄງການ, ປັບປຸງສະພາບແວດລ້ອມ ແລະ ຍົກລະດັບຊີວິດການເປັນຢູ່ຂອງປະຊາຊົນ”, ໂດຍນຳໃຊ້ບົດບາດຂອງ “ເສດຖະກິດເຂດສວນອຸສາຫະກຳ” ເລັ່ງລັດການກໍ່ສ້າງເສົາຄໍ້າວຽກງານເປີດປະຕູສູ່ພາຍນອກໃຫ້ໄດ້ຄົບວົງຈອນ, ພະຍະຍາມສ້າງສາເຂດບໍ່ຫານໃຫ້ກາຍເປັນເຂດທີ່ມີລະບົບນິເວດທີ່ດີ ແລະ ສວຍງາມ, ມີຮູບແບບຄົບວົງຈອນ, ເສດຖະກິດດີ, ທັນຕໍ່ຍຸກສະໄໝທີ່ເປີດກວ້າງ ແລະ ຍ້ອມຮັບກັບສິ່ງໃໝ່, ແລະ ເຮັດໃຫ້ດ່ານກາຍເປັນຕົວເມືອງກ້າວໄປສູ່ຄວາມເປັນສາກົນ.
ໃນວັນດຽວກັນນີ້, ທ່ານ ຫຼີເຄີ້ສຽງ, ເລຂາທິການຄະນະພັກເຂດຮ່ວມມືບໍ່ເຕ່ນ-ບໍ່ຫານ ແລະ ເຂດພັດທະນາເສດຖະກິດຄຸນໝິງ ຫລື ເຂດທົດລອງການຄ້າເສລີຄຸນໝິງໄດ້ໃຫ້ສຳພາດພາຍໃຕ້ຫົວຂໍ້ “ການເປັນເຫລົ່າທັບນຳໜ້າໃນການພັດທະນາເສດຖະ ກິດ-ສັງຄົມຂອງແຂວງທີ່ດີ” ໄດ້ຊີ້ໃຫ້ເຫັນວ່າ: ເຂດພັດທະນາເສດຖະກິດຄຸນໝິງ ໃນຂະນະທີ່ນະຄອນຄຸນໝິງໄດ້ຮັບເອົາການເຄື່ອນຍ້າຍອຸດ ສາຫະກຳການຜະລິດເຂົ້າໃນກອບການສ້າງສາເຂດສວນອຸສາຫະກຳແລ້ວ ໂດຍໄດ້ກຳນົດເນື້ອທີ່ 23.58 Km2 ໃນການດຳເນີນການເຄື່ອນຍ້າຍອຸດສາຫະກຳການຜະລິດຈາກພາກຕາ ເວັນອອກ. ໃນນັ້ນ, ໂຄງ ການທົດລອງທີ່ມີລັກສະນະພົ້ນເດັ່ນຂອງການຮ່ວມມືລະຫວ່າງ ຊຽງໄຮ້ ແລະ ຢູນນານ, ການປະສານງານລະຫວ່າງພາກຕາວັນຕົກ ແລະ ຕາເວັນອອກ ແມ່ນໂຄງການສວນວິທະຍາ ສາດເຕັກນິກຄຸນໝິງທີ່ເປັນການຮ່ວມມືເປີດດຳເນີນກິດຈະ ການຕາມດ່ານທ່າບົກຊຽງໄຮ້-ຢູນນານ ແລະ ມີ 50 ກວ່າບໍລິສັດແຈ້ງຈຸດປະສົງໃນການຮ່ວມມື, 38 ບໍລິສັດໄດ້ເຊັນສັນຍາເຂົ້າຮ່ວມສ້າງຕັ້ງກິດຈະການໃນເຂດດັ່ງກ່າວ. ໃນອະນາ ຄົດ ຍັງຈະເຊີນຊວນບໍລິສັດການຜະລິດເຕັກນິກສູງ, ບໍລິສັດການຢາຊີວະພາບ ແລະ ບໍລິ ສັດວັດສະດຸໃຫມ່ເຂົ້າມາໃນເຂດດັ່ງກ່າວ, ເຂດສວນອຸດສາຫະກໍາການຜະລິດ ຈະຊຸກຍູ້ສ້າງປັດໄຈຄໍ້າປະກັນກົນໄກອຸດສາຫະກໍາການຜະລິດ ແລະ ສະໜອງເວທີການປະດິດສ້າງສິ່ງໃໝ່ໆ.
ພ້ອມກັນນັ້ນ, ສວນອູດສາຫະກຳການຜະລິດ ຍັງຈະຢຶດຖືເອົາໂອກາດການສ້າງສູນກາງຮວບຮວມຂະບວນການຂົນສົ່ງສິນຄ້າລະດັບແຖວໜ້າຂອງສາກົນ ວາງຈາຢິງ ເພື່ອເຊື່ອມໂຍງເຂົ້າໃນການພັດທະນາຢ່າງຮອບດ້ານຂອງເຂດລຽບຕາມເສັ້ນທາງລົດໄຟລາວ-ຈີນ, ຊຸກຍູ້ກໍ່ສ້າງລະບົບການເຊື່ອມໂຍງຂົນສົ່ງທາງບົກ, ທາງອາກາດ, ທາງລົດໄຟ ແລະ ທະເລ ໃນຫລາຍຮູບແບບ ແລະ ສຸມໃສ່ການພັດທະນາການເຕົ້າໂຮມ ແລະ ກະຈາຍຍົກ ຍ້າຍຂົນສົ່ງສິນຄ້າສາກົນ, ການສະແດງຈັດສັນ, ຄັງສາງສິນຄ້າ, ການຂົນສົ່ງສິນຄ້າລະຫວ່າງປະເທດ ແລະ ອຸດສາຫະກຳການບໍລິການຂົນສົ່ງສິນຄ້າການຄ້າອື່ນໆ ເພື່ອເຮັດໃຫ້ຂະບວນການຂົນສົ່ງທີ່ມີມາດຕະຖານໃນການຮັບປະກັນຄວາມດຸ່ນດ່ຽງທາງດ້ານໄລຍະເວລາການຂົນສົ່ງ, ຄ່າໃຊ້ຈ່າຍ ແລະ ຮູບແບບການຂົນສົ່ງ. ນອກຈາກນີ້, ຍັງຈະຕັ້ງໜ້າຢ່າງຫ້າວ ຫັນກໍ່ສ້າງ “ສູນກາງພັດທະນາອຸດສາຫະກຳການຜະລິດ” ຢູ່ໃນເຂດ ຊິງສຸຍ ແລະ “ສູນກາງການຄ້າໂລຈີຕິສ” ຢູ່ໃນເຂດ ວາງຈາຢິງ, ເພື່ອກໍ່ສ້າງເຂດພັດທະນາເສດ ຖະກິດຄຸນໝິງໃຫ້ກາຍເຂົ້າເປັນເຂດສູນກາງຮັບຮອງ ແລະ ເຂດທົດລອງບຸກເບີກໃນການຍົກຍ້າຍອຸດສາຫະກຳການຜະລິດຂອງພາກຕາເວັນອອກ.
ທ່ານ ຊິລຸງຈູນ (Qi Longjun), ອຳນວຍການ ບໍລິສັດ ອຸດສາຫະກຳການຜະລິດເຂດວິທະຍາສາດ ແລະ ເຕັກໂນໂລຊີຄຸນໝິງ ຕາມທ່ານ້ຳຊຽງໄຮ້ ແລະ ຢູນນານໄດ້ໃຫ້ສໍາພາດພາຍໃຕ້ຫົວຂໍ້ “ການເປັນເຫລົ່າທັບນຳໜ້າໃນການພັດທະນາເສດຖະກິດ-ສັງຄົມຂອງແຂວງ ທີ່ດີ” ໃນປີນີ້, ສວນວິທະຍາສາດ-ເຕັກນິກຄຸນມິງທ່າບົກຊຽງໄຮ້-ຢູນນານ ຈະສຸມທຸກກໍາລັງແຮງໃສ່ການຍາດແຍ່ງນຳເຂົ້າອຸດສາຫະກຳການຜະລິດ, ດ້ານການເສີມຂະຫຍາຍການລະດົມທືນ, ດ້ານການດໍາເນີນກິດຈະການພາຍໃນເຂດສວນອຸດສາຫະກຳ ແລະ ດ້ານ ອື່ນໆ ໄປພ້ອມໆກັນ. ເລັ່ງລັດການສ້າງສາໃຫ້ເຂດສວນອຸດສາຫະກໍາວິທະຍາສາດເຕັກນິກໃຫ້ກາຍເປັນເຂດປະສານງານຮ່ວມມືທີ່ທັນສະໄໝ ແລະ ເປັນເຂດຕົວຢ່າງໃນການເຄື່ອນຍ້າຍອຸດສາຫະກຳການຜະລິດ ລະຫວ່າງພາກຕາເວັນອອກ ແລະ ພາກຕາເວັນ ຕົກ.
ສວນວິທະຍາສາດເຕັກນິກທ່າບົກຊຽງໄຮ້-ຢູນນານ ຕັ້ງຢູ່ເຂດໃຈກາງຂອງເຂດພັດທະນະເສດຖະ ກິດຄຸນໝິງ, ໂດຍອີງຕາມແນວຄວາມຄິດການເຊື່ອມໂຍງຂອງສວນອຸດສາ ຫະກຳການຜະລິດ ແລະ ຄວາມສາມາດໃນການປະສົມປະສານກັນເພື່ອສ້າງການເຕົ້າໂຮມສໍານັກງານໃຫຍ່, ການວິໄຈ ແລະ ການຄົ້ນຄວ້າ, ການຜະລິດ, ໃຫ້ການບໍລິການ, ສະໜອງແບບຄົບວົງຈອນໃນການດໍາລົງຊິວິດ ແລະ ອື່ນໆ ເຂົ້າເປັນລະບົບດຽວ.
ນອກຈາກນີ້, ນະຄອນຄຸນໝິງ ຍັງມີປະຫວັດສາດ ແລະ ວັດທະນະທຳອັນຍາວນານ, ມີແຫຼ່ງຊັບພະຍາກອນທີ່ອຸດົມສົມບູນ ແລະ ເປັນເອກະລັກສະເພາະ, ມີທີ່ຕັ້ງທີ່ໄດ້ປຽບ ແລະ ມີກາລະໂອ ກາດໃໝ່ທີ່ມາຈາກນະໂຍບາຍຫລາຍດ້ານ, ພາຍຫຼັງນະຄອນຄຸນໝິງໄດ້ຮັບມອບໝາຍໃນການຄຸ້ມຄອງບໍ່ຫານ ໄດ້ສ້າງແຮງດຶງດູດໃຈບັນດາບໍລິສັດທາງພາກຕາເວັ້ນອອກຫລາຍຍິ່ງຂຶ້ນ. ກຸ່ມບໍລິສັດທ່າປົກປະຕິບັດຕາມແນວຄວາມຄິດ “ສອງຈຸດ ແລະ ໜຶ່ງແລວທາງ” ກໍ່ຄື: ພວມຊຸກຍູ້ການປະສານສົມທົບກັນພັດທະນາອຸດສາຫະກຳພາກຕາເວັນອອກ ແລະ ຕາເວັນຕົກຕາມຮູບແບບ ຄື: ຈັດວາງແຜນຜັງສວນວິທະຍາສາດ – ເຕັກນິກຄຸນມິງທ່າບົກຊຽງໄຮ້ – ຢູນນານ, ຈຸດຖານທີ່ຕັ້ງທ່າບົກບໍ່ຫານ ແລະ ຕາມແລວທາງຊຽງໄຮ້-ຢູນນານ-ແມ່ນ້ຳລ້ານຊ້າງ-ແມ່ນ້ຳຂອງ ໃຫ້ໝັ້ນຄົງ ເພື່ອຂັບເຄື່ອນການພັດທະນາອຸດສາຫະກຳການຜະລິດຂອງພາກຕາເວັນອອກ ແລະ ໃຕ້ ໄປພ້ອມໆ ກັນ.
ຂອບໃຈພາບຈາກ: ສົມແພງມັກພາສາລາວ