ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ
ຫວ່າງມໍ່ໆ ມານີ້, ດ່ານສາກົນບໍ່ເຕ່ນ-ບໍ່ຫານ ໄດ້ເຫັນດີຈະຊຸກຍູ້ການຮ່ວມມືຂອງຂົງເຂດພື້ນຖານໂຄງລ່າງພາຍໃນເຂດຮ່ວມມື, ຊຸກຍູ້ການກໍ່ສ້າງພື້ນຖານໂຄງລ່າງທີ່ກ່ຽວຂ້ອງກັບຜົນປະໂຫຍດລວມຂອງສັງຄົມ ແລະ ຄວາມປອດໄພຢູ່ບໍລິເວນດ່ານ ແລະ ການຮ່ວມມືອຸດສາຫະກໍາການຜະລິດສອງຝ່າຍ, ຊຸກຍູ້ວຽກງານຂອງໂຄງການຕ່າງໆ ໃຫ້ເກີດຜົນເປັນຈິງຢ່າງມີປະສິດທິພາບ, ຍົກສູງລະດັບການຮ່ວມມືທີ່ຕ່າງຝ່າຍຕ່າງມີຜົນປະໂຫຍດລະຫວ່າງສອງປະເທດ, ເລັ່ງລັດການພັດທະນາຢູ່ໃນພາກພື້ນຊາຍແດນຂອງສອງປະເທດ ລາວ ແລະ ຈີນ.
ວັນທີ 28 ມີນາຜ່ານມານີ້, ກອງປະຊຸມພົບປະສະເພາະ ໃນການຊຸກຍູ້ ແລະ ແນະ ນຳກ່ຽວກັບຢາປິ່ນປົວຊີວະພາບໃນເວທີປາໄສນະວັດຕະກຳ ແລະ ການພັດທະນາອຸດ ສາຫະກຳຢາປິ່ນປົວຊິວະພາບຊຽງໄຮ-ຢຸນນານ ປີ 2024 ໄດ້ຈັດຂຶ້ນຢູ່ສວນອຸດສາຫະ ກຳວິທະຍາສາດເຕັກໂນໂລຊີຄຸນໝິງທ່າບົກຊຽງໄຮ-ຢູນນານ ເຂດພັດທະນາເສດຖະກິດຄຸນໝິງ (ເຂດທົດລອງການຄ້າເສລີ). ໄດ້ພ້ອມກັນປຶກສາຫາລືແຜນການພັດທະ ນານະວັດຕະກຳໃນຂະແໜງອຸດສາຫະກໍາຢາປິ່ນປົວຊີວະພາບຂອງທາງຕາເວັນອອກ ແລະ ຕາເວັນຕົກ ເພື່ອເປີດໂອກາດໃຫມ່ໃນການຮ່ວມມື ແລະ ການປະສົມປະສານກັນທາງດ້ານອຸດສາຫະກຳການຜະລິດ ລະຫວ່າງ ຊຽງໄຮ ແລະ ຢຸນນານ. ຜູ້ປະກອບການທີ່ເລືອກຈະມາພັດທະນາກິດຈະການຂອງຕົນໃນເຂດພັດທະນາເສດຖະກິດນະຄອນຄຸນໝິງ (ເຂດທົດລອງການຄ້າເສລີນະຄອນຄຸນໝິງ) ໃນເວລານີ້ບໍ່ພຽງແຕ່ສາ ມາດໄດ້ຮັບການສະໜັບສະໜູນຈາກກອງທຶນແນະນໍາທາງດ້ານອຸດສາຫະກຳການຜະ ລິດແບບເຊື່ອມໂຍງຂອງ “ສີ່ເຂດ” ເທົ່ານັ້ນ, ແຕ່ຫາກຍັງໄດ້ຮັບນະໂຍບາຍບຸລິມະສິດຕ່າງໆ. ໂດຍນຳໃຊ້ແຫຼ່ງຊັບພະຍາກອນຂອງນະຄອນຄຸນໝິງ ເພື່ອການຂະຫຍາຍຕົວຂອງລະບົບຕ່ອງໂສ້ ແລະ ຮູບແບບຂອງອຸດສາຫະກຳການຜະລິດໃຫ້ແທດເໝາະກັບສະພາບການ ແລະ ເວລາທີ່ເໝາະສົມ, ມີທ່າແຮງທີ່ໃຫຍ່ຫຼວງ ແລະ ມີກາລະໂອກາດທາງດ້ານທຸລະກິດທີ່ບໍ່ຈຳກັດ. ໃນສາມເດືອນນັບຕັ້ງແຕ່ການເປີດສວນວິທະຍາສາດ ແລະ ເຕັກໂນໂລຊີຄຸນໝິງທ່າບົກຊຽງໄຮ ແລະ ຢູນນານ ໄດ້ມີ 16 ບໍລິສັດລົງນາມໃນສັນຍາຕົກລົງໃນການເຂົ້າມາ ແລະ ໄດ້ບັນລຸເປົ້າຫມາຍໃນແຕ່ລະໄລຍະດີພໍສົມຄວນ, “ປະສິດທິພາບ” ນະຄອນຊຽງໄຮ ແລະ “ການເຮັດວຽກຕົວຈິງ” ຂອງນະຄອນຄຸນໝິງ ໄດ້ຮັບການສະທ້ອນຢ່າງງົດງາມ ແລະ ສົມບູນ.
ວັນທີ 29 ມີນາຜ່ານມານີ້, ສູນມອບ ແລະ ເກັບຊື້ (ຢາງພາລາ) ຜະລິດຕະພັນສິນຄ້າຕ້າຊຸງສາກົນຢຸນນານໄດ້ເປີດປ້າຍບໍລິສັດຢູ່ນະຄອນຄຸນໝິງ. ທ່ານ ລິວຫົງຈ້ຽນ, ກຳມະການປະຈຳຄະນະປະຈຳພັກແຂວງ ແລະ ເລຂາຄະນະພັກເມືອງ ໄດ້ກ່າວວ່າ: ຫວັງວ່າສູນມອບ ແລະ ເກັບຊື້ຈະປະກອບສ່ວນເຮັດໜ້າທີ່ໃນການສະໜອງປະ ສົບການອັນສຸກງອມຢ່າງເຕັມເມັດເຕັມໜ່ວຍຂອງກຸ່ມບໍລິສັດຈຸ່ງຕ້າການຜະລິດໃນດ້ານການສ້າງສາຕ່ອງໂສ້ການບໍລິການ ແລະ ສູນການຄ້າ. ໂດຍຕັ້ງໜ້າສ້າງຮາກ ຖານທີ່ນະຄອນຄຸນໝິງ ແລະ ສຸມກຳລັງແຮງທັງໝົດໃນການສ້າງສູນການຄ້າຮັບຊື້ສິນຄ້າຜະລິດຕະພັນທີ່ມີອິດທິພົນຢ່າງແຮງກ້າໃນການຫັນໜ້າສູ່ອາຊີໃຕ້ ແລະ ອາຊີຕາເວັນອອກສ່ຽງໃຕ້. ພ້ອມທັງຫວັງວ່າບັນດາວິສາຫະກິດຈະຮ່ວມກັບນະຄອນຄຸນໝິງຈັບມືກ້າວໄປທາງໜ້າ, ຊອກຫາຊ່ອງທາງພັດທະນາຮ່ວມກັນ, ຊ່ວຍເຫຼືອພັດທະ ນາການສົ່ງເສີມການລົງທຶນໃຫ້ຖືກກັບເປົ້າໝາຍ ແລະ ນຳພາບັນດາວິສາຫະກິດທີ່ສຳຄັນໃນພາກພື້ນຕ່ອງໂສ້ອຸດສາຫະກຳການຜະລິດທີ່ຢູ່ດ້ານເທີງ ແລະ ລຸ່ມ ເຂົ້າມາກໍ່ຕັ້ງເຂດດັ່ງກ່າວ.
ວັນທີ 31 ມີນາຜ່ານມານີ້, ຫຼັງຈາກສັນຍາວ່າດ້ວຍການຍົກເວັ້ນວີຊ່າສຳລັບຜູ້ຖືໜັງສືຜ່ານແດນທົ່ວໄປ ລະຫວ່າງ ຈີນ ກັບ ໄທ ໄດ້ມີຜົນສັກສິດຢ່າງເປັນທາງການ ຄົບຮອບໜຶ່ງເດືອນ, ດ່ານກວດກາຊາຍແດນບໍ່ຫານ ໄດ້ມີຜູ້ໂດຍສານໄທ 2.100 ຄົນ ຜ່ານເຂົ້າຊາຍແດນເພື່ອມາທ່ອງທ່ຽວ, ໃນນັ້ນ ມີ 629 ຄົນໄດ້ຜ່ານທາງເສັ້ນທາງລົດ ໄຟລາວ-ຈີນ ທີ່ດ່ານທ່າບົກບໍ່ຫານ, ເພີ່ມຂຶ້ນ 750% ຈາກເດືອນກ່ອນ. ຕາມສະຖິຕິຂອງດ່ານກວດກາຊາຍແດນບໍ່ຫານ, ນັບແຕ່ປີນີ້ເປັນຕົ້ນມາ, ມີ 12.800 ຄົນ ຈາກ 67 ປະເທດ ເຊິ່ງເປັນນັກທ່ອງທ່ຽວທີ່ມາຈາກປະເທດທີ່ສາມທີ່ເດີນທາງຜ່ານດ່ານກວດແຫ່ງນີ້, ໃນນັ້ນມີຄົນໄທ 9.400 ຄົນ, ກວມ 73,4%. ເຫດຜົນຕົ້ນຕໍ 3 ຢ່າງໃນການເຂົ້າມາ ແມ່ນເພື່ອການທ່ອງທ່ຽວ, ການປະຊຸມທຸລະກິດ ແລະ ການສຶກສາ.
ໃນວັນທີ 1 ເມສານີ້, ຕາມແຫລ່ງຂ່າວກົມການເງິນ ແຂວງຢຸນນານ, ເມື່ອບໍ່ດົນມານີ້ ກະ ຊວງການເງິນ ແລະ ກົມກອງອື່ນໆ ທີ່ກ່ຽວຂ້ອງໄດ້ອະນຸມັດສ້າງຮ້ານຄ້າຂາອອກປອດພາສີຢູ່ເສັ້ນທາງທາງລົດໄຟດ່ານທ່າບົກບໍ່ຫານ ແລະ ດ່ານທ່າບົກເມັງຄັງ ແຂວງຢຸນນານ. ເສັ້ນທາງລົດໄຟທ່າບົກບໍ່ຫານເປັນສະຖານີທີ່ສຳຄັນຂອງທາງລົດໄຟລາວ-ຈີນ, ທ່າບົກເມັງຄັງເປັນທາງຜ່ານທາງບົກທີ່ສະດວກສະບາຍຂອງ ສປ ຈີນ ໄປ ສປປ ລາວ ແລະ ອາຊີຕາເວັນອອກສ່ຽງໃຕ້. ຕາມການແນະນຳຂອງເຈົ້າໜ້າ ທີ່ກ່ຽວຂ້ອງຂອງພະແນກການເງິນແຂວງດັ່ງກ່າວ ແຈ້ງໃຫ້ຊາບວ່າ: ໃນການສ້າງຮ້ານຄ້າຂາອອກປອດພາສີ ທີ່ສະຖານີລົດໄຟຈີນ-ລາວບໍ່ຫານ ແລະ ທ່າບົກເມັງຄັງ ແມ່ນສອດຄ່ອງກັບການປະຕິບັດຍຸດທະສາດເປີດປະຕູສູ່ພາຍນອກ, ເພີ່ມທະວີຄວາມຕ້ອງການພາຍໃນ ແລະ ຊຸກຍູ້ການໄຫຼວຽນພາຍໃນ ແລະ ຕ່າງປະເທດຂອງສອງປະເທດ, ພ້ອມທັງຊຸກຍູ້ໃຫ້ແຂວງຢູນນານ ກາຍເປັນສາຍຜຸກມັດເຊື່ອມໂຍງຍຸດທະສາດຂອງຕະຫຼາດພາຍໃນປະເທດ ແລະ ຕະຫຼາດສາກົນຂອງອາຊີໃຕ້ ແລະ ອາຊີຕາເວັນອອກສ່ຽງໃຕ້, ເປັນການຊ່ວຍຊຸກຍູ້ການພັດທະນາເສດຖະກິດ-ສັງຄົມຂອງຂົງເຂດພື້ນທີ່ຊາຍແດນ. ມາຮອດປະຈຸບັນ, ແຂວງຢຸນນານມີຮ້ານສິນຄ້າຂາ ອອກປອດພາສີ 14 ແຫ່ງ.
ວັນທີ 2 ເມສານີ້, ເຂດພັດທະນາເສດຖະກິດນະຄອນຄຸນໝິງ (ເຂດທົດລອງການຄ້າເສລີການນະຄອນຄຸນໝິງ), ຮ່ວມກັບກຸ່ມບໍລິສັດກົມທາງລົດໄຟຈີນຄຸນໝິງຈຳ ກັດ ແລະ ທະນາຄານກໍ່ສ້າງສາຂາຢຸນນານໄດ້ຈັດກອງປະຊຸມຖະແຫລງຂ່າວກ່ຽວກັບການບໍລິການທາງດ້ານການເງິນສຳລັບການຂົນສົ່ງສິນຄ້າຍຸກສະໄໝໃໝ່ຂອງທາງລົດໄຟຢຸນນານ, ໄດ້ນຳສະເໜີການບໍລິການທາງດ້ານການເງິນສຳລັບການຂົນສົ່ງທາງລົດໄຟ, ໄດ້ເປີດໂຕວິທີການແກ້ໄຂການບໍລິການທາງດ້ານການເງິນແບບໜຶ່ງຊ່ອງທາງດ່ຽວ ເຮັດໃຫ້ການຂົນສົ່ງສິນຄ້າທາງລົດໄຟໂດຍຜ່ານການນຳໃຊ້ 95.306 ພຣາດຟອມ ຜ່ານເຂົ້າແຕ່ຈຸດດຽວ ເຮັດໃຫ້ການເປີດໂຕໃນຄັ້ງນີ້ ສາມາດແກ້ໄຂຄວາມຫຍຸ້ງຍາກໃນຕົວຈິງຂອງວິສາຫະກິດ ໃນດ້ານທຶນການຂົນສົ່ງສິນຄ້າ, ການຊໍາລະເງິນ, ເງິນທຶນສິນຄ້າ ແລະ ອື່ນໆ, ອຳນວຍຄວາມສະດວກຂອງການໄຫຼວຽນຂອງ ແຫລ່ງທຶນສຳລັບລະບົບຕ່ອງໂສ້ອຸດສາຫະກຳການຜະລິດ, ສົ່ງເສີມການຫລຸດຜ່ອນຕົ້ນທຶນຢ່າງມີປະສິດທິພາບ ແລະ ຊຸກຍູ້ທ່າແຮງໃນການຍົກລະດັບຄວາມທັນສະໄໝຂອງລະບົບນິເວດຂອງການຂົນສົ່ງສີນຄ້າຕາມທາງລົດໄຟທັງຫມົດ.
ໃນໄຕມາດທຳອິດຂອງປີນີ້, ຄວາມຕ້ອງການການຂົນສົ່ງຜູ້ໂດຍສານຂອງເສັ້ນ ທາງລົດໄຟຈີນ-ລາວມີສູງ, ປະລິມານການຂົນສົ່ງໄດ້ເພີ່ມຂຶ້ນຢ່າງຕໍ່ເນື່ອງ ແລະ ບໍ່ຢຸດ ຢັ້ງ, ມີຜູ້ໂດຍສານເກີນ 5,74 ລ້ານຄົນ ແລະ ການຂົນສົ່ງສິນຄ້າໄດ້ຫຼາຍກວ່າ 4,87 ລ້ານໂຕນ. ໃນນັ້ນ, ສິນຄ້າຂາອອກຂາ-ເຂົ້າໄດ້ຫຼາຍກວ່າ 1,38 ລ້ານໂຕນ, ເພີ່ມຂຶ້ນເມື່ອທຽບໃສ່ປີຕໍ່ປີ 33,6%. ເພື່ອຍົກສູງຄຸນນະພາບການຂົນສົ່ງຜູ້ໂດຍສານ ແລະ ສິນຄ້າຂອງທາງລົດໄຟຈີນ-ລາວຢ່າງບໍ່ຢຸດຢັ້ງ, ພາກສ່ວນກ່ຽວຂ້ອງທາງລົດໄຟຈີນ ໃນຂະນະທີ່ຕອບສະໜອງຄວາມຕ້ອງການຂອງຂີດຄວາມສາມາດໃນການຂົນສົ່ງຜູ້ໂດຍສານ ແລະ ສິນຄ້າ, ໄດ້ປະສົມປະສານຄວາມຕ້ອງການຂອງຕະຫລາດ ແລະ ຄວາມຄາດຫວັງຂອງປະຊາຊົນ ວາງມາດຕະການຫລາຍຂໍ້ ເພື່ອອຳນວຍຄວາມສະດວກ ແລະ ຜົນປະໂຫຍດໃຫ້ແກ່ປະຊາຊົນ. ດ້ານການຂົນສົ່ງຜູ້ໂດຍສານ, ໄດ້ປັບປຸງປະສິດທິພາບຂອງ ແອບ WeChat “ລົດໄຟຄຸນໝິງ+”, ໄດ້ເປີດຟັງຊັນ “pre-order ກ່ອງອາຫານ” ໃນໜ້າເຂດໃຫ້ບໍລິການ “ສັ່ງອາຫານເທີງລົດໄຟ” ແລະ ໃຫ້ບໍລິການສອບຖາມຕາຕະລາງລົດໄຟ, ການນຳທາງເພື່ອປ່ຽນຖ້ຽວລົດໄຟ, ການຈອງຫ້ອງລໍຖ້າຊັ້ນທຸລະກິດ ແລະ ການບໍລິການຊື້ເຄື່ອງຂອງເອກະລັກແຂວງຢຸນນານ. ເປີດການບໍລິການແບບ “ຫ້າສຳຜັດ” ໃນລົດໄຟ ຄື:“ການສຳຜັດທີ່ດີເລິດໂດຍສາຍຕາ”,“ການສຳຜັດສຽງທີ່ອ່ອນໜຸ້ມ”,“ການສຳພັດສິ່ງຂອງທີ່ໃໝ່ອ່ຽມ”,“ການສຳ ຜັດກິ່ນທີ່ສົດຊື່ນ”ແລະ “ການສຳຜັດລົດຊາດທີ່ຫວານໃຈ” ໂດຍການນຳໃຊ້ການໃຫ້ຂໍ້ມູນຢູ່ລົດໄຟເປັນພາສາຈີນ, ລາວ ແລະ ອັງກິດ, ພ້ອມກັບອຸປະກອນແປພາສາ ເພື່ອສະໜອງການບໍລິການໃຫ້ແກ່ຜູ້ໂດຍສານພາຍໃນ ແລະ ຕ່າງປະເທດໃຫ້ດີຂຶ້ນ.
ໃນວັນທີ 2 ເມສາ, ເສັ້ນທາງເລກ 8 ທ່າບົກບໍ່ຫານໄດ້ເລີ່ມການສັນຈອນໄປ-ມາຄືນໃໝ່ພາຍຫລັງການປັບປຸງ, ພະຫະນະຄັນໃດທີ່ຍັງບໍ່ທັນຂຶ້ນທະບຽນເລກລັດຜ່ານແດນສາມາດໄປຖະໜົນເລກ 8 ເພື່ອຂຶ້ນທະບຽນເລກລັດໄດ້, ຄັນໃດທີ່ມີເລກແລ້ວກໍ່ສາມາດຂ້າມດ້ານຕາມລະບຽບການທີ່ກໍານົດໄວ້.