ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ
ຫວ່າງມໍ່ໆ ມານີ້, ດ່ານສາກົນບໍ່ເຕ່ນ-ບໍ່ຫານ ໄດ້ເຫັນດີຈະຊຸກຍູ້ການຮ່ວມມືຂອງຂົງ ເຂດພື້ນຖານໂຄງລ່າງພາຍໃນເຂດຮ່ວມມື, ຊຸກຍູ້ການກໍ່ສ້າງພື້ນຖານໂຄງລ່າງທີ່ກ່ຽວຂ້ອງກັບຜົນປະໂຫຍດລວມຂອງສັງຄົມ ແລະ ຄວາມປອດໄພຢູ່ບໍລິເວນດ່ານ ແລະ ການຮ່ວມມືອຸດສາຫະກໍາການຜະລິດສອງຝ່າຍ, ຊຸກຍູ້ວຽກງານຂອງໂຄງການຕ່າງໆ ໃຫ້ເກີດຜົນເປັນຈິງຢ່າງມີປະສິດທິພາບ, ຍົກສູງລະດັບການຮ່ວມມືທີ່ຕ່າງຝ່າຍຕ່າງມີຜົນປະໂຫຍດລະຫວ່າງສອງປະເທດ, ເລັ່ງລັດການພັດທະນາຢູ່ໃນພາກພື້ນຊາຍແດນຂອງສອງປະເທດ ລາວ ແລະ ຈີນ.
ມາຮອດວັນທີ 25 ມີນາຜ່ານນີ້, ຈຳນວນຖ້ຽວ “ລົດໄຟດ່ວນແມ່ນ້ຳລ້ານຊ້າງ-ແມ່ນ້ຳຂອງ” ຊຶ່ງເປັນຖ້ຽວລົດໄຟຂົນສົ່ງສິນຄ້າສາກົນຂອງທາງລົດໄຟຈີນ-ລາວ ມີທັງ ໝົດ 1.000 ຄັນ, ໂຕເລກການຂົນສົ່ງສິນຄ້າບັນລຸເຖິງ 395.000 ໂຕນ. ເປັນເວລາ 2 ປີກວ່າແລ້ວ, ໂດຍຜ່ານທາງລົດໄຟ ລາວ-ຈີນ “ແມ່ນ້ຳລ້ານຊ້າງ-ແມ່ນ້ຳຂອງ” ເຮັດໃຫ້ການນຳເຂົ້າໝາກໄມ້ທີ່ມາຈາກປະໄທ ແລະ ລາວ ເຊັ່ນ: ໝາກຖົ່ວລຽນ, ມັງຄຸດ, ລຳໄຍ ແລະ ອື່ນໆ ພ້ອມທັງການສົ່ງອອກຜືດຜັກຈາກແຂວງຢູນໜານ ເຊັ່ນ: ຜັກ ກາດຂາວ, ໝາກພິລາ ແລະ ອື່ນໆ ໄດ້ຮັບການຄ້າຂາຍພາຍໃນປະເທດ ແລະ ຕ່າງປະເທດ ຢ່າງໄວວາ, ໄດ້ເພີ່ມຄວາມຫລາກຫລາຍໃນການບໍລິໂພກຂອງປະຊາຊົນ ແລະ ໄດ້ຊຸກຍູ້ການຮ່ວມມືໃນຂົງເຂດກະສິກຳ ແລະ ການຄ້າຂາຍ ລະ ຫວ່າງ ຈີນ ກັບ ລາວ, ຈີນ ກັບ ໄທ ແລະ ຈີນ ກັບ ປະເທດຕ່າງໆ ອີກດ້ວຍ. ສິ່ງທີ່ຄວນກ່າວເຖິງແມ່ນ ນັບແຕ່ສັນຍາ 《ສາຍພົວພັນຄູ່ຮ່ວມມືເສດຖະກິດຮອບດ້ານໃນພາກພື້ນ》 (RCEP) ໄດ້ມີຜົນບັງຄັບໃຊ້ຢ່າງເປັນທາງການ, ປະລິມານການຂົນສົ່ງສິນຄ້າຂອງທາງລົດໄຟຈີນ-ລາວ ໄດ້ເພີ່ມທະວິຢ່າງຕໍ່ເນື່ອງແບບບໍ່ຢຸດຢັ້ງ.
ກົມທາງລົດໄຟໄດ້ຕັ້ງໜ້າເພີ່ມທະວີຫົວຄິດປະດິດສ້າງແນວທາງໃໝ່ໆ ແລະ ໄດ້ເປີດຕົວລົດໄຟສາຍໃໝ່ໃນທີ່ນອນໃນເສັ້ນທາງລົດໄຟສາຍ “ແມ່ນ້ຳລ້ານຊ້າງ-ແມ່ນ້ຳຂອງ” ເຊັ່ນ: ທາງລົດໄຟສາຍ “ຊຽງໄຮ-ຢຸນນານ-ແມ່ນ້ຳລ້ານຊ້າງ-ແມ່ນ້ຳຂອງ”, ທາງລົດໄຟສາຍ “ທາງລົດໄຟຈີນ-ລາວ + ທາງລົດໄຟດ່ວນຈີນ-ເອີຣົບ” ແລະ ອື່ນໆ, ໂດຍສະເພາະແມ່ນການຂົນສົ່ງສາກົນໃນຮູບແບບໃໝ່ຂອງ “ເສັ້ນທາງລົດໄຟຈີນ-ລາວ + ທາງລົດໄຟດ່ວນຈີນ-ເອີຣົບ”, ເຮັດໃຫ້ເວລາການຂົນສົ່ງໂດຍກົງຂອງເສັ້ນທາງລົດໄຟຈາກລາວ, ໄທ ແລະ ປະເທດອື່ນໆໄປສູ່ເອີຣົບ ຫລຸດລົງມາເປັນ 15 ມື້.
ວັນທີ 26 ມີນາຜ່ານມານີ້, ທ່າບົກບໍ່ຫານ ໄດ້ກວດຜ່ານຄະນະທ່ອງທ່ຽວຕ່າງປະ ເທດ 50 ກວ່າຄະນະ, ໃນນັ້ນລວມມີ 900 ກວ່າຄົນ, ຊຶ່ງເປັນ ສະຖິຕິໃໝ່ຂອງນັກທ່ອງທ່ຽວໃນເດືອນກັນຍາ 2023 ນັບຕັ້ງແຕ່ມີການຟື້ນຟູການທ່ອງທ່ຽວ ລະຫວ່າງ ຊາຍແດນ ຈີນ-ລາວ ຄືນໃໝ່ຢູ່ເຂດປົກຄອງຕົນເອງຊົນເຜົ່າຫລື້ ສິບສອງພັນນາ, ແຂວງຢຸນນານ. ດ້ວຍເຫດຜົນທີ່ວ່າການທ່ອງທ່ຽວຊາຍແດນຈີນ-ລາວໃຊ້ເວລາສັ້ນ, ໄລຍະທາງກໍ່ສັ້ນ ແລະ ຕົ້ນທຶນຕ່ຳ, ຈຶ່ງເຮັດໃຫ້ການທ່ອງທ່ຽວດັ່ງກ່າວໄດ້ຮັບຄວາມນິຍົມກັນຫຼາຍຈາກປະຊາຊົນຈີນ. ໃນຂະນະດຽວກັນ, ປີ 2024 ເປັນ “ປີທ່ອງທ່ຽວລາວ”, ລວມທັງຄວາມສະດວກສະບາຍຂອງທາງລົດໄຟຈີນ-ລາວ ແລະ ບຸນປີໃໝ່ລາວທີ່ໃກ້ຈະມາເຖິງ, ຈຶ່ງຄາດຄະເນວ່າ ການຈອງເພື່ອເດີນທາງທ່ອງທ່ຽວຜ່ານຊາຍແດນຍັງຈະສືບຕໍ່ເພີ່ມຂຶ້ນ.
ປີ 2023 ຜ່ານມານີ້, ເຂດພັດທະນາເສດຖະກິດນະຄອນຄຸນໝິງ (ເຂດທົດລອງການຄ້າເສລີການນະຄອນຄຸນໝິງ) ບັນລຸລາຍຮັບການດຳເນີນທຸລະກິດ ເປັນເງິນ 361,2 ຕື້ຢວນ, ເຮັດໃຫ້ມູນຄ່າຜະລິດຕະພັນອຸດສາຫະກຳລວມທັງໝົດ ແມ່ນ 51,9 ຕື້ຢວນ, ອັດຕາການເພີ່ມຂຶ້ນຂອງຍອດມູນຄ່າອຸດສາຫະກຳ 4,2%. ລາຍຮັບງົບປະ ມານທົ່ວໄປບັນລຸ 3,93 ຕື້ຢວນ, ເພີ່ມຂຶ້ນ 12,4% ແລະ ໄດ້ເປັນອັນດັບໜຶ່ງຂອງຂະແໜງການເຂດພັດທະນາໃນການແຂ່ງຂັນ ເປັນ“ທັບນຳໜ້າທີ່ດີ” ຂອງນະຄອນຄຸນໝິງ. ສວນພັດທະນາ ໄດ້ເຕົ້າໂຮມລັກສະນະພິເສດຂອງເຂດຊາຍແດນ ແລະ ປີ່ນອ້ອມຊັບພະຍາກອນ, ທ່າບົກ ແລະ ເຂດພັດທະນາ “ສາມແຫລ່ງເສດຖະກິດທີ່ສຳຄັນ”, ເພື່ອເຮັດໃຫ້ການເຊື່ອມໂຍງຢ່າງເລິກເຊິ່ງ ລະຫວ່າງ ການສ້າງລະບົບທີ່ມີຫົວຄິດປະດິດສ້າງ ແລະ ການພັດທະນາອຸດສາຫະກຳການຜະລິດ, ພ້ອມທັງເປີດຊ່ອງທາງທາງບົກ ແລະ ທາງທະເລໃໝ່ ຂອງພາກຕາເວັນຕົກຄັ້ງທຳອິດ ດ້ວຍຮູບແບບໃໝ່ຂອງການຂົນສົ່ງທາງລົດໄຟໃນການເຊື່ອມຕໍ່ທາງທະເລ ທີ່ເປັນລະບົບແບບ “ຫນຶ່ງຄ່າທາງ” ໂດຍທີ່ການເກັບເງິນຄ່າຜ່ານທາງບົກ ແລະ ທາງທະເລຢູ່ໃນຄັ້ງດຽວ, ສາມາດເຮັດໃຫ້ບັນດາບໍລິສັດການຄ້າຕ່າງປະເທດ ແຈ້ງດ່ານພາສີທ້ອງຖິ່ນກັບທີ່ໄດ້. ໃນອະນາຄົດ, ສວນພັດທະນາຈະສືບຕໍ່ຂະຫຍາຍການຮ່ວມມືດ້ານອຸດສາຫະກຳ ແລະ ການພັດທະນາແບບໃໝ່ ຢູ່ຊຽງໄຮ ແລະ ແຂວງຢຸນນານ, ຊຸກຍູ້ການເຊື່ອມໂຍງ ແລະ ສົ່ງເສີມອຸດສາຫະກຳທີ່ພົ້ນເດັ່ນ, ການຄ້າການຂົນສົ່ງ ແລະ ການບໍລິການທາງດ້ານຍີ່ຫໍ້ ໄປພ້ອມໆກັນ ແລະ ຈະຊຸກຍູ້ການກໍ່ສ້າງກົນໄກຮັບປະ ກັນປັດໄຈອຸດສາຫະກຳການຜະລິດ ແລະ ເວທີການສ້າງສາແບບສ້າງຊັນແບບໃໝ່.
ເພື່ອເປັນການຂະຫຍາຍປະເພດການບໍລິການທາງດ້ານການຂົນສົ່ງ ແລະ ອຳ ນວຍຄວາມສະດວກໃນການຂົນສົ່ງສິນຄ້າຢ່າງປອດໄພ ແລະ ວ່ອງໄວ ໃຫ້ແກ່ປະຊາ ຊົນຕາມຊາແດນດັ່ງກ່າວ, ເລີ່ມແຕ່ວັນທີ 20 ກຸມພາ 2024 ເປັນຕົ້ນມາ, ບໍລິສັດລົດໄຟລາວ-ຈີນ ຈຳກັດ ຜູ້ຮັບຜິດຊອບວຽກງານຂົນສົ່ງເບື້ອງພາກສ່ວນຝ່າຍລາວ ໄດ້ເປີດບໍລິການການຂົນສົ່ງດ່ວນຢູ່ທ້ອງຖິ່ນເປັນຄັ້ງທຳອິດ, ເພີ່ມຄວາມສະດວກໃຫ້ແກ່ປະຊາຊົນລາວໃນຊີວິດປະຈຳວັນ ແລະ ເພີ່ມທະວີການເຊື່ອມຈອດກັນໃນພາກພື້ນ. ບໍລິສັດ ຂົນສົ່ງ ຮຸ່ງອາລຸນ ເປັນບໍລິສັດທຳອິດທີ່ນຳໃຊ້ການຂົນສົ່ງດ່ວນທາງລົດ ໄຟ. ໃນພາກເໜືອຂອງລາວທີ່ການຂົນສົ່ງທາງລົດບໍ່ສາມາດສົ່ງໄດ້ພາຍໃນມື້ດຽວນັ້ນ, ໂດຍຜ່ານການຂົນສົ່ງທາງລົດໄຟເຮັດໃຫ້ການຮັບປະກັນວ່າລູກຄ້າຈະສາມາດ ຮັບເຄື່ອງໄດ້ໃນມື້ຕໍ່ມານັ້ນເກີດຄວາມເປັນຈິງ.