ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ
ວັນທີ 27 ມັງກອນນີ້, ທີ່ເຂດເສດຖະກິດພິເສດສາມຫຼ່ຽມຄໍາ ເມືອງຕົ້ນເຜິ້ງ ແຂວງບໍ່ແກ້ວ ໄດ້ຈັດກອງປະຊຸມແລກປ່ຽນວຽກງານການທ່ອງທ່ຽວ ໂດຍການເປັນປະທານຂອງທ່ານ ບົວຄົງ ນາມມະວົງ ເຈົ້າແຂວງບໍ່ແກ້ວ, ທ່ານ ຈ້າວ ເຫວີຍ ປະທານສະພາບໍລິຫານເຂດເສດຖະກິດພິເສດ ສາມຫຼ່ຽມຄໍາ, ບັນດາທ່ານການນໍາແຂວງ-ເມືອງ, ນັກທຸລະກິດທັງພາຍໃນ ແລະ ຕ່າງປະ ເທດ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.
ໃນໂອກາດນີ້, ທ່ານ ບົວຄົງ ນາມມະວົງ ກ່າວໃນກອງປະຊຸມວ່າ: ກອງ​ປະຊຸມ​​ຄັ້ງນີ້, ​ຜູ້ເຂົ້າຮ່ວມໄດ້​ພ້ອມ​ກັນ​ຄົ້ນຄວ້າ​ປະກອບ​ຄໍາ​ເຫັນ, ແລກປ່ຽນບົດຮຽນ ເພື່ອສົ່ງເສີມ ແລະໂຄສະນາການໂຄສະ ນາການທ່ອງທ່ຽວຢູ່ແຂວງບໍ່ແກ້ວ​ ໂດຍເພາະເຂດເສດຖະກິດພິ ເສດສາມຫຼ່ຽມຄໍາ ທີ່ໄດ້ຮັບການພັດທະນາ ພ້ອມທັງປົກປັກຮັກ ສາ ແລະສືບຕໍ່ພັດທະນາບັນດາແຫຼ່ງທ່ອງທ່ຽວຕ່າງໆ ຢູ່ພາຍໃນແຂວງບໍ່ແກ້ວ ເພື່ອເປັນການເຊື່ອມໂຍງການທ່ອງທ່ຽວກັບບັນດາແຂວງ ແລະຕ່າງປະເທດໃຫ້ນັບມື້ນັບກ້ວາງຂວາງ, ແຂວງບໍ່ແກ້ວມີທ່າແຮງຫຼາຍດ້ານໃນການແລກປ່ຽນເສດຖະກິດ-ສັງຄົມ, ການຄ້າການລົງທຶນ, ການຄ້າຂາຍ ແລະ ການເຊື່ອມໂຍງທາງດ້ານການທ່ອງທ່ຽວກັບບັນດາປະເທດໃກ້ຄຽງ.
ພາຍໃນກອງປະຊຸມຍັງຈະໄດ້ປຶກສາຫາລືແລກປ່ຽນຄວາມ ຄິດເຫັນ ແລະມີທັດສະນະຕໍ່ການຮ່ວມມືດ້ານການພັດທະນາ ການທ່ອງທ່ຽວ, ການສົ່ງເສີມການຜະລິດ, ສົ່ງເສີມການຄ້າ, ການລົງທຶນຮ່ວມກັນ, ການເຊື່ອມໂຍງການທ່ອງທ່ຽວທັງພາຍໃນ ແລະຕ່າງປະເທດ ພ້ອມທັງສ້າງສິ່ງອໍານວຍຄວາມສະດວກເຊິ່ງກັນ ແລະ ກັນ, ພ້ອມກັນນີ້ຍັງໄດ້ຮັບຟັງການບັນຍາຍວຽກງານການທ່ອງທ່ຽວ ຈາກຊ່ຽວຊານ ສປ ຈີນ; ການນຳສະເໜີການພັດທະນາ ແລະ ສົ່ງເສີມການທ່ອງທ່ຽວຢູ່ແຂວງບໍ່ແກ້ວ; ການນຳສະເໜີການສົ່ງເສີມການທ່ອງທ່ຽວຢູ່ເຂດເສດຖະກິດພິເສດສາມຫຼ່ຽມຄໍາ. ຈາກນັ້ນ, ຜູ້ເຂົ້າຮ່ວມຍັງໄດ້ສົນທະນາແລກປ່ຽນດ້ານວຽກງານການທ່ອງທ່ຽວຂອງແຂວງ, ປະກອບຄໍາຄິດຄໍາເຫັນ ແລະ ຄົ້ນຄ້ວາປຶກສາຫາລືແລກປ່ຽນຄໍາຄິດເຫັນ ເຮັດໃຫ້ກອງປະຊຸມມີບັນຍາກາດ, ມີເນື້ອໃນອັນເລິກເຊິ່ງ ແລະສາມາດຮ່ວມມືກັນໃນດ້ານການທ່ອງທ່ຽວ ຕ່າງຝ່າຍຕ່າງໄດ້ຮັບຜົນປະໂຫຍດຮ່ວມກັນ.
ທ່ານ ສົມສັກ ມະຫາພົນ ຮອງຫົວໜ້າພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວແຂວງບໍ່ແກ້ວ ກ່າວວ່າ: ປັດຈຸບັນວຽກງານການທ່ອງທ່ຽວ ແຂວງບໍ່ແກ້ວໄດ້ກາຍເປັນໜຶ່ງໃນຂະ ແໜງຍຸດທະສາດທີ່ເປັນເສົ້າຄໍ້າໃນການພັດທະນາເສດຖະກິດ- ສັງຄົມຂອງປະເທດ ໂດຍສະເພາະແຂວງບໍ່ແກ້ວຕັ້ງຢູ່ໃຈກາງອະນຸພາກພື້ນລຸ່ມແມ່ນໍ້າຂອງ 4 ຫຼ່ຽມ ເວົ້າລວມ, ເວົ້າສະເພາະແຂວງບໍ່ແກ້ວ ຍັງໄດ້ຖືເອົາວຽກງານການທ່ອງທ່ຽວເປັນບຸລິມະ ສິດໜຶ່ງເຂົ້າໃນໂຄງປະກອບການພັດທະນາເສດຖະກິດ-ສັງຄົມຂອງແຂວງ ເພື່ອສົ່ງເສີມການຜະລິດເປັນສິນຄ້າ, ການຂົນສົ່ງ, ການບໍລິການ, ການສ້າງວຽກເຮັດງານທຳ, ສ້າງລາຍຮັບ ແລະປັງປຸງຊີວິດການເປັນຢູ່ຂອງປະຊາຊົນບັນດາເຜົ່າໃຫ້ດີຂຶ້ນໃນໄລຍະຜ່ານມາວຽກງານການທ່ອງທ່ຽວຂອງແຂວງບໍ່ແກ້ວໄດ້ມີບາດ ກ້າວຂະຫຍາຍຕົວຢ່າງຕໍ່ເນື່ອງ. ສຳລັບປີທ່ອງທ່ຽວລາວ 2024 ຢູ່ແຂວງບໍ່ແກ້ວໄດ້ມີກິດຈະກຳການທ່ອງທ່ຽວ 14 ກິດຈະກຳ. ໃນນັ້ນ, ລະດັບຊາດມີ 1 ກິດຈະກຳຄືງານເທດສະການດອກງິ້ວບານ, ລະດັບແຂວງມີ 1 ກິດຈະກຳ ງານບຸນບັນດາເຜົ່າ ແລະລະດັບເມືອງມີ 12 ກິດຈະກຳ. ໃນປີ 2023 ມີນັກທ່ອງທ່ຽວເຂົ້າມາທ່ຽວແຂວງບໍ່ແກ້ວ 278.158 ເທື່ອຄົນ, ຄາເຄະເນປີ 2024 ເປັນປີທ່ອງທ່ຽວລາວ ແຂວງບໍ່ແກ້ວຈະສາມາດດຶງດູດເອົານັກທ່ອງທ່ຽວໃຫ້ໄດ້ປະມານ 345.705 ເທື່ອຄົນ.