ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ບໍ່ແກ້ວ ສ້າງຂະບວນການອອກແຮງງານໃຫຍ່ເພື່ອຕ້ອນຮັບກອງປະຊຸມໃຫຍ່ ຄັ້ງທີ VI ອົງຄະນະພັກແຂວງ

ວັນທີ 18 ກໍລະກົດ 2020 ການນໍາຂອງແຂວງ ແລະ ພະນັກງານລັດຖະກອນຈາກພະແນກການຕ່າງຯ ອ້ອມຂ້າງແຂວງບໍ່ແກ້ວ ໄດ້ພ້ອມກັນອອກແຮງງານລວມໃຫຍ່ຢູ່ສວນສາທາລະນະສະໂມສອນແຂວງ ເຊີ່ງນໍາພາທ່ານ ບົວຄົງ ນາມມະວົງ, ເລຂາພັກແຂວງ, ເຈົ້າແຂວງບໍ່ແກ້ວ. ນອກ ຈາກນີ້ ເຂົ້າຮ່ວມໃນການອອກແຮງງານຍັງມີ ທ່ານ ຄຳເຈນ ວົງໂພສີ ກຳມະການສູນກາງພັກ, ຮອງຫົວໜ້າຄະນະໂຄ ສະນາອົບຮົມສູນກາງພັກ, ພ້ອມດ້ວຍຄະນະ ທີ່ໄດ້ເຄື່ອນ ໄຫວຢ້ຽມຢາມ ແລະ ເຮັດວຽກຢູ່ແຂວງບໍ່ແກ້ວ ເພື່ອຕິດ ຕາມຊຸກຍູ້ການສ້າງຂະບວນການດ້ານຕ່າງໆ ເພື່ອເປັນຜົນງານຕ້ອນຮັບກອງປະຊຸມໃຫຍ່ຄັ້ງທີ XI ຂອງພັກປະຊາຊົນ ປະຕິບັດວັດລາວ ກໍ່ໄດ້ໃຫ້ກຽດເຂົ້າຮ່ວມ.
ການອອກແຮງງານລວມໃຫຍ່ໃນຄັ້ງນີ້ ລວມມີ: ການປັບໜ້າດິນຖົມຊາຍ, ປູກຫຍ້າ, ອະນາໄມສວນດອກໄມ້ ແລະ ອື່ນຯ ຕາມຂອບເຂດຄວາມຮັບຜິດຊອບຂອງແຕ່ລະພາກສ່ວນທີ່ໄດ້ແບ່ງປັນກັນໃນການບົວລະບັດຮັກສາຢ່າງເປັນຂະບວນການຟົດຟື້ນດີ ເພື່ອເປັນການສ້າງຂະບວນການຂໍ່ານັບຮັບຕ້ອນກອງປະຊຸມໃຫຍ່ ຄັ້ງທີ VI ຂອງອົງ ຄະນະພັກແຂວງບໍ່ແກ້ວ ກໍຄື ກອງປະຊຸມໃຫຍ່ຄັ້ງທີ XI ຂອງພັກປະຊາຊົນ ປະຕິວັດລາວ ໃຫ້ເປັນຂະບວນການຟົດຟື້ນ. ນອກຈາກນີ້ ເພື່ອເຮັດໃຫ້ສວນສາທາລະນະດັ່ງກ່າວ ມີຄວາມຂຽວງາມ ແລະ ເປັນໄປຕາມ 4 ສໍ ຂອງເມືອງຫ້ວຍຊາຍ ວາງອອກ ຄື: ສໍ ສີຂຽວ, ສໍ ສະ ຫວ່າງ, ສໍ ສະອາດ ແລະ ສໍ ສະຫງົບ, ກາຍ ເປັນອີກໜຶ່ງສະຖານທີ່ທ່ອງທ່ຽວອອກກຳລັງກາຍພັກຜ່ອນຂອງມວນຊົນພາຍໃນ ແລະ ຕ່າງປະເທດ, ພ້ອມນີ້ ຍັງເປັນການປູກຈິດສຳນຶກໃຫ້ພະນັກ ງານລັດຖະກອນ ກໍ່ຄື ປະຊາຊົນທຸກຄົນພາຍໃນແຂວງຮູ້ ຈັກຮັກສາສະພາບແວດລ້ອມຮ່ວມກັນໃຫ້ຫລາຍຂຶ້ນກ່ວາເກົ່າ.

ໃນໂອກາດນີ້ ທ່ານ ນາງ ດວງຕາ ໄຊຍະວົງ, ເລຂາຄະ ນະບໍລິຫານງານຊາວໜຸ່ມແຂວງ ບໍ່ແກ້ວ ໃຫ້ສໍາພາດວ່າ: ດີໃຈທີ່ໄດ້ນໍາພາສະມາຊິກຊາວໜຸ່ມຫລາຍກ່ວາ 30 ຄົນ ມາເຂົ້າຮ່ວມສ້າງຂະບວນການເພື່ອຕ້ອນຮັບກອງປະຊຸມໃຫຍ່ ຄັ້ງທີVI
ຂອງອົງຄະນະພັກແຂວງບໍ່ແກ້ວ ແລະ ກອງປະຊຸມໃຫຍ່ ຄັ້ງທີ XI ຂອງພັກໃນຄັ້ງນີ້, ເຊີ່ງໄລຍະຜ່ານມາ ອົງການຈັດຕັ້ງຊາວໜຸ່ມແຂວງ ໄດ້ປະກອບສ່ວນສ້າງຂະ ບວນການຫລາຍຢ່າງເພື່ອຕ້ອນຮັບກອງປະຊຸມສໍາຄັນດັ່ງກ່າວ ເປັນຕົ້ນ: ໄດ້ລົງໂຄສະນາເຜີຍແຜ່ລະບຽບກົດໝາຍ ກໍ່ຄື ການປຸກລະດົມຊາວໜຸ່ມເຂົ້້າຮ່ວມທຸກຂະບວນການທີ່ຂັ້ນເທີງມອບໝາຍໃຫ້, ປຸກລະດົມຊາວໜຸ່ມໃຫ້ຮ່ວມກັນຮັກສາຄວາມເປັນລະບຽຮຽບຮ້ອຍໃນສັງຄົມ, ຫ່າງໄກຈາກບັນດາປະກົດການຫຍໍ້ທໍ້ທີ່ບໍ່
ດີ ແລະ ອື່ນຯ.