ການແຂ່ງຂັັນກະຕໍ້ໃນງານມະຫະກໍາກິລາແຫ່ງຊາດ ຄັ້ງທີ XI ມີຊີງໄຊ 2 ຫລຽນ ຄໍາສຸດ ທ້າຍໃນຕອນເຊົ້າວັນທີ 19 ທັນວານີ້.
ເລີ່ມຈາກ ທີມດ່ຽວຍິງ: ກະຊວງ ປ້ອງກັນປະເທດ ຊະນະ ແຂວງ ຊຽງຂວາງ ເຈົ້າພາບ 2 ຕໍ່ 0 ເຊັດ (21-11 ແລະ 21-18), ເຮັດໃຫ້ ກະຊວງ ປ້ອງກັນປະເທດ ໄດ້ຫລຽນຄໍາ, ແຂວງຊຽງຂວາງ ເຈົ້າພາບ ໄດ້ຫລຽນເງິນ, ສ່ວນຫລຽນທອງຮ່ວມເປັນຂອງນັກກິລາຈາກແຂວງຄໍາມ່ວນ ແລະ ແຂວງສະຫວັນນະເຂດ.
ສ່ວນ ທີມດ່ຽວຊາຍ: ກະຊວງປ້ອງກັນຄວາມສະຫງົບ ຊະນະ ແຂວງຊຽງຂວາງ ເຈົ້າພາບ 2 ຕໍ່ 0 ເຊັດ (21-13 ແລະ 21-18), ເຮັດໃຫ້ ກະຊວງປ້ອງກັນຄວາມສະຫງົບໄດ້ຫລຽນຄໍາ, ແຂວງຊຽງຂວາງ ເຈົ້າພາບ ໄດ້ຫລຽນເງິນ. ສ່ວນຫລຽນທອງຮ່ວມເປັນຂອງນັກກິລາຈາກກະຊວງປ້ອງກັນຄວາມສະຫງົບ ແລະ ແຂວງຄໍາມ່ວນ.
ສະຫລຸບການແຂ່ງຂັນກິລາກະຕໍ້ໃນງານມະຫະກໍາກິລາແຫ່ງຊາດ ຄັ້ງທີ XI ທີ່ມີສອງປະເພດ ຄື: ກະຕໍ້ຊິນລອນ ແລະ ກະຕໍ້ທົ່ວໄປ, ຊີງໄຊ 14 ຫລຽນຄໍາ, 14 ຫລຽນເງິນ ແລະ 28 ຫລຽນທອງ. ແຂວງຂຽງຂວາງ ໄດ້ເປັນເຈົ້າຫລຽນຄໍາ ກິລາປະເພດນີ້ ໂດຍໄດ້ 6 ຫລຽນຄໍາ, 7 ຫລຽນເງິນ ແລະຫລຽນທອງ, ລວມ 14 ຫລຽນ. ອັນດັບທີ 2 ແມ່ນ ກະຊວງປ້ອງກັນຄວາມສະຫງົບ ໄດ້ 3 ຫລຽນຄໍາ, 4 ຫລຽນເງິນ ແລະ 2 ຫລຽນທອງ, ລວມ 9 ຫລຽນ.
