ຕາມການລາຍງານຂອງເຈົ້າໜ້າທີ່ພະແນກຕຳຫຼວດສະກັດກັ້ນ ແລະ ຕ້ານຢາເສບຕິດ ປກສ ແຂວງຈຳປາສັກ ໃຫ້ຮູ້ວ່າ: ໃນຄັ້ງວັນທີ 19 ມິຖຸນາ 2024 ເວລາປະມານ 17 ໂມງ 00ນາທີ ເຈົ້າໜ້າທີ່ພະແນກຕຳຫຼວດສະກັດກັ້ນ ແລະ ຕ້ານຢາ ເສບຕິດ ປກສແຂວງຈຳປາສັກ ໄດ້ລົງມ້າງຄະດີຄ້າ-ຂາຍຢາເສບ ຕິດ (ຢາບ້າ) ຢູ່ເຂດ ບ້ານ ໜອງຫຼວງ ເມືອງປາກຊ່ອງ ແຂວງຈຳປາສັກ ເຊິ່ງສາມາດກັກຕົວຜູ້ຖືກຫາ ໄດ້ 02 ຄົນ ພ້ອມເຄື່ອງ ຂອງກາງຢາເສບຕິດ(ຢາບ້າ) ຈໍານວນ 48.070 ເມັດ ( ສີ່ໝື່ນແປດພັນເຈັດສິບເມັດ) ເຊິ່ງຜູ້ຖືກຫາໃນຄັ້ງນີ້ມີ:
1. ທ້າວ ວັນ ຄຸນທິຈັກ ອາຍຸ 56 ປີ ສັນຊາດລາວ ຊາວສວນ ບ້ານ ນາຝັ່ງ ເມືອງໂຂງ ແຂວງຈໍາປາສັກ, ຖືກກັກໂຕໃນຂໍ້ກ່າວຫາ : ຄ້າ-ຂາຍຢາເສບຕິດ ແລະ ເສບຢາເສບຕິດ (ຢາບ້າ)
ເຄື່ອງຂອງກາງ ແລະ ຂອງຕິດຕົວມີ :
ຢາບ້າຈໍານວນ 48.070 ເມັດ ( ສີ່ໝື່ນແປດພັນເຈັດສິບເມັດ)
2. ທ້າວ ເຟືອງ ອາຍຸ 43 ປີສັນຊາດລາວ ຊາວສວນ ບ້ານ ໜອງຫຼວງ ເມືອງປາກຊ່ອງ ແຂວງຈຳປາສັກ, ຖືກກັກໂຕໃນຂໍ້ກ່າວຫາ : ຄ້າ-ຂາຍຢາເສບຕິດ ແລະ ເສບຢາເສບຕິດ (ຢາບ້າ) ເຄື່ອງຂອງກາງ ແລະ ຂອງຕິດຕົວມີ:
ປືນສັ້ນດັດແປງຍີງລູກແວງ 01 ກະບອກ.
ຂ່າວ: ປກສ ແຂວງຈຳປາສັກ
