ໃນຕອນເຊົ້າຂອງວັນທີ 30 ກໍລະກົດ 2021, ທີ່ຄະນະພົວພັນຕ່າງປະເທດສູນກາງພັກ, ສະມາຄົມມິດຕະພາບ ລາວ-ຈີນ ຂັ້ນສູນກາງ ນຳໂດຍ ປອ. ຄຳມະນີ ອິນທິລາດ, ປະທານສະມາຄົມມິດຕະພາບ ລາວ-ຈີນ ຂັ້ນສູນກາງ ພ້ອມດ້ວຍຄະນະ ໄດ້ເຂົ້າຮ່ວມກອງປະຊຸມທາງໄກກັບ ສະມາຄົມມິດຕະພາບ ຈີນ-ອາຊຽນ, ສະມາຄົມມິດຕະພາບປະຊາຊົນຈີນກັບນາໆຊາດ ແລະ ບັນດາສະມາຄົມມິດຕະພາບ ລະຫວ່າງ ອາຊຽນ-ຈີນ ເນື່ອງໃນໂອກາດສະເຫຼີມສະຫຼອງວັນສ້າງຕັ້ງສາຍພົວພັນມິດຕະພາບ ລະຫວ່າງ ສປ ຈີນ ກັບບັນດາສະມາຄົມມິດຕະພາບຂອງບັນດາປະເທດອາຊຽນ ຄົບຮອບ 30 ປີ (19/8/1991-19/8/ 2021), ພາຍໃຕ້ຫົວຂໍ້: “ ສາມັກຄີຮ່ວມມື ຕ້ານການແຜ່ລະບາດຂອງພະຍາດ, ສົ່ງເສີມການຟື້ນຟູເສດຖະກິດ ແລະ ປົກປັກຮັກສາສັນຕິພາບ, ສະຖຽນລະພາບ ແລະ ການພັດທະນາໃນພາກພື້ນ ແລະ ສາກົນ (Working in solidarity to fight against the pandemic, promote economic recovery and safeguard the regional and global peace, stability and development ) ”. ກອງປະຊຸມຄັ້ງນີ້ ໄດ້ຈັດຂຶ້ນໂດຍການເປັນເຈົ້າພາບຂອງ ສະມາຄົມມິດຕະພາບ ຈີນ-ອາຊຽນ ແລະ ສະມາຄົມມິດຕະພາບປະຊາຊົນຈີນກັບນາໆຊາດໃນໂອກາດເຂົ້າຮ່ວມກອງປະຊຸມດັ່ງກ່າວ, ທ່ານ ປອ.ຄຳມະນີ ອິນທິລາດ ໄດ້ມີຄຳເຫັນແລກປ່ຽນຕໍ່ກອງປະຊຸມ ກ່ຽວກັບການແຜ່ລະບາດ ຂອງພະຍາດ covid-19 ເປັນສິ່ງທ້າທາຍທີ່ໃຫຍ່ຫຼວງທີ່ສຸດຂອງມວນມະນຸດນັບແຕ່ສົງຄາມໂລກຄັ້ງທີ 2, ນັບຕັ້ງແຕ່ການແຜ່ລະບາດໃນອາຊີໃນ ທ້າຍປີ 2019, ໄວຣັດດັ່ງກ່າວ ໄດ້ແຜ່ລາມໄປທົ່ວໂລກ ເຮັດໃຫ້ວິຖີການດຳລົງຊີວິດ, ການຕິດຕໍ່ພົວພັນ ແລະ ຮ່ວມມື ຂອງຄົນເຮົາປ່ຽນແປງໄປ ແລະ ກຳລັງເປັນໄພຂົ່ມຂູ່ຕໍ່ລະ ບົບສາ ທາລະນະສຸກກໍ່ຄືການຮັກສາສຸຂະພາບຂອງປະຊາຄົມໃນທົ່ວໂລກ, ປະຊາກອນຫຼາຍລ້ານຄົນເສຍຊີວິດ, ເຊິ່ງໃນນັ້ນ ລວມທັງແພດໝໍ ແລະ ພະຍາບານທີ່ເຮັດໜ້າທີ່ຢູ່ແຖວໜ້າເພື່ອປິ່ນປົວຜູ້ຕິດເຊື້ອ. ການແຜ່ລະບາດຂອງພະຍາດ covid-19 ຍັງສົ່ງຜົນກະທົບທີ່ຮ້າຍແຮງຕໍ່ການຂະຫຍາຍຕົວ ຂອງເສດຖະກິດ, ຄວາມປອດໄພທາງສັງຄົມ, ລະບົບການ ສຶກສາ ແລະ ຄວາມໝັ້ນຄົງທາງດ້ານສະບຽງອາຫານຂອງໂລກ, ປະຊາຊົນຫຼາຍຮ້ອຍລ້ານຄົນສູນເສຍວຽກເຮັດງານທຳ, ຊີວິດການເປັນ ຢູ່ຫຍຸ້ງຍາກສັບສົນຍ້ອນມາດຕາການ ຕ່າງໆທີ່ກຳນົດເພື່ອສະກັດກັ້ນການແຜ່ເຊື້ອໄວຣັດເຊັ່ນ: ການປິດເມືອງເຮັດໃຫ້ບັນດາໂຮງຮຽນຖືກປິດໃນຫລາຍໆປະເທດທີ່ຖືກກະທົບ ແລະ ປະຊາຊົນ ບໍ່ສາມາດເຕົ້າໂຮມເພື່ອຈັດກິດຈະກຳທີ່ສຳຄັນຕ່າງໆ ໄດ້ຄືໄລຍະຜ່ານມາ, ນອກຈາກນັ້ນ, ທ່ານປະທານ ສະມາຄົມມິດຕະພາບ ລາວ-ຈີນ ກໍ່ໄດ້ຍົກບາງທັດສະນະແລກປ່ຽນໃນທີ່ປະຊຸມຊຶ່ງໄດ້ເນັ້ນເຖິງ 02 ຈຸດ ຄື: 1. ປະສົບການໃນການຕ້ານການແຜ່ລະບາດຂອງພະຍາດ COVID-19 ໃນ ສປປ ລາວ ແລະ 2. ການຮ່ວມມືຍົກສູງຊິວິດການເປັນຢູຂອງປະຊາຊົນໃນໄລຍະການແຜ່ລະບາດຂອງພະຍາດ COVID-19, ເຊັ່ນວ່າ: “ 1. ການຮ່ວມມືສ້າງໂຄງການ ຊ່ວຍ ເຫຼືອສະໜັບສະໜູນຢາວັກຊີນປ້ອງກັນພະຍາດ COVID-19 ຕາມຄວາມສາມາດຂອງແຕ່ລະສະມາຄົມ ເພື່ອຊ່ວຍເຫຼືອປະເທດທີ່ຈໍາເປັນ, 2. ສ້າງໂຄງການເຝຶກອົບຮົມການສ້າງວຽກເຮັດງານທໍາ ໂດຜ່ານລະບົບເຕັກໂນໂລຊີທີ່ທັນສະໄໝໃຫ້ປະຊາຊົນກັບປະຊາຊົນ ໃນບັນດາປະເທດ ອາຊຽນ ແລະ ຈີນ ເພື່ອຍົກສູງຊີວິດການເປັນຢູ່ຂອງປະຊາຊົນໃຫ້ປອດໄພ ແລະ ດີຂຶ້ນ; 3. ສ້າງໂຄງການແລກປ່ຽນສິລະປະ ແລະ ວັດທະນະທໍາ ຜ່ານລະບົບອອນລາຍ ເພື່ອໃຫ້ຊາວໜຸ່ມໃນບັນດາປະເທດອາຊຽນ ແລະ ຈີນ ມີການໄປພົວພັນມິດຕະພາບຫຼາຍຂຶ້ນ.
ໃນໂອກາດດຽວກັນ, ທ່ານ ປອ. ຄຳມະນີ ອິນທິລາດ ກໍ່ໄດ້ຕາງໜ້າໃຫ້ແກ່ສະມາຄົມມິດຕະພາບລາວ-ຈີນ ຂັ້ນສູນກາງ ສະແດງຄວາມຂອບໃຈ ແລະ ຮູ້ບຸນຄຸນຕໍ່ ສປ ຈີນ, ສສ ຫວຽດນາມ ແລະ ບັນດາປະເທດເພືຶ່ອນມິດອາຊຽນທີ່ໄດ້ໃຫ້ການສະໜັບສະໜູນ ແລະ ຊ່ວຍເຫຼືອທາງດ້ານອຸປະກອນການແພດ, ທີມແພດ ພ້ອມດ້ວຍຢາວັກແຊັງຕ້ານໂຄວິດ-19 ໃຫ້ແກ່ ສປປ ລາວ”.
Loading...