ງານປະກວດນັກຮ້ອງສຽງດີ-ໝໍລຳສຽງມ່ວນ ແມ່ນໜຶ່ງໃນກິດຈະກຳໃນງານເປີດປີທ່ອງທ່ຽວລາວ 2024 ຂອງເມືອງລະຄອນເພັງ ແຂວງສາລະວັນ ຕິດພັນງານບຸນປະເພນີນະມັດສະການຮອຍພຣະບາດນາດູ່ ຈັດໃນຄືນວັນທີ 21-22 ກຸມພາ 2024.
ງານປະກວດໝໍລຳສຽງມ່ວນ ມີຜູ້ເຂົ້າຮ່ວມທັງໝົດ 8 ຄົນ, ຍິງ 3 ຄົນ ຜົນສະຫຼຸບຊະນະເລີດອັນດັບທີ 1 ໄດ້ແກ່ ທ້າວ ສາທິດ ລາຊະວົງ ຈາກບ້ານດ່ານນາເລົາ ໄດ້ຮັບເງິນສົດ 1 ລ້ານກີບ ພ້ອມໃບຍ້ອງຍໍ, ອັນດັບທີ 2 ໄດ້ແກ່ ທ້າວ ຫວ່າງ ອິນທະວົງ ຈາກ ມໍຕໍ ໂພນສູງ ໄດ້ຮັບເງິນສົດ 7 ແສນກີບ ພ້ອມໃບຍ້ອງຍໍ, ອັນດັບທີ 3 ໄດ້ແກ່ ທ້າວ ສຸກສັນ ແກ້ວບົວລະວົງ ຈາກ ມໍສໍ ລະຄອນສີ ໄດ້ຮັບເງິນສົດ 5 ແສນກີບ ພ້ອມໃບຍ້ອງຍໍ, ສ່ວນຜູ້ເຂົ້າຮ່ວມທີ່ເຫຼືອແມ່ນໄດ້ຮັບລາງວັນຊົມເຊີຍເປັນເງິນສົດ ຜູ້ລະ 2 ແສນກີບ ແລະພາຍໃນການປະກວດຍັງໄດ້ຮັບຊົມການສະແດງສີລະປະຈາກ ມໍສໍ ຕາພານ, ມໍຕໍ ຫຼັກ90, ມໍຕໍ ໜອງແສງ ແລະ ມໍຕໍ ໂນນສະຫວ່າງ ເປັນບົດຟ້ອນຈຳນວນ 9 ລາຍການ.
ສ່ວນປະກວດນັກຮ້ອງສຽງດີ ມີຜູ້ເຂົ້າຮ່ວມປະກວດທັງໝົດ 18 ຄົນ, ຍິງ 10 ຄົນ, ຜົນສະຫຼຸບວ່າ ຊະນະເລີດທີ 1 ໄດ້ແກ່ ນາງ ອ້ອຍ ດວງມະນີ ຈາກບ້ານພູວຽງ ໄດ້ຮັບເງິນສົດ 1 ລ້ານກີບ ພ້ອມໃບຍ້ອງຍໍ, ອັນດັບທີ 2 ໄດ້ແກ່ ທ້າວ ວິຫານ ອິນທິລາດ ຈາກຫ້ອງການສຶກສາທິການ ແລະກິລາເມືອງ ໄດ້ຮັບເງິນສົດ 7 ແສນກີບ ພ້ອມໃບຍ້ອງຍໍ, ອັນທີ 3 ໄດ້ແກ່ ທ້າວ ຈັນສະໝອນ ອິນທະລາ ຈາດໂຮງຮຽນ ມໍສໍ ລະຄອນສີ ໄດ້ຮັບເງິນສົດ 5 ແສນກີບ ພ້ອມໃບຍ້ອງຍໍ , ສ່ວນຜູ້ເຂົ້າຮ່ວມທີ່ເຫຼືອແມ່ນໄດ້ຮັບລາງ ວັນຊົມເຊີຍເປັນເງິນສົດ ຜູ້ລະ 2 ແສນກີບ.
Cr: ສື່ມວນຊົນລະຄອນເພັງ
