ວັນທີ 8 ທັນວາ 2023 ນີ້ ໄດ້ປະກາດ ການແຕ່ງຕັ້ງພະນັກງານອົງການ ໄອຍະການປະຊາຊົນເຂດ 1 ປະຈໍາເມືອງນາໝໍ້ ຂື້ນເປັນທາງການ ທີ່ສະໂມສອນເມືອງນາໝໍ້ ແຂວງອຸດົມໄຊ ເປັນກຽດເຂົ້າຮ່ວມຂອງ ທ່ານ ໄກເພັດ ອີນພູວຽງ ຮອງເລຂາພັກເມືອງ-ເມືອງນາໝໍ້, ມີ ທ່ານ ສີສຸພັນ ສີວັນທອງ ຫົວໜ້າກົມການເງີນ ອົງການໄອຍະການ ປະຊາຊົນສູງສຸດ ຜູ້ຊີ້ນໍາວຽກງານໄອຍະການປະຊາຊົນ ແຂວງອຸດົມໄຊ, ທ່ານ ນາງ ສົມຫວັງ ໄຊຍະຕີ ຫົວໜ້າອົງການໄອຍະການປະຊາຊົນແຂວງອຸດົມໄຊ, ມີຄະນະປະຈໍາພັກເມືອງ, ກໍາມະການພັກເມືອງ, ຂະແໜ່ງການທີ່ກ່ຽວຂ້ອງແຂວງ, ເມືອງ, ປກຊ, ປກສ ແລະ ອົງການປົກຄອງບ້ານເທດສະບານເຂົ້າຮ່ວມ.
ໃນພິທີ ກ່ອນອື່ນໄດ້ ຜ່ານຂໍ້ຕົກລົງ ວ່າດ້ວຍການແຕ່ງຕັ້ງພະນັກງານອົງການໄອຍະການປະຊາຊົນເຂດ 1 ປະຈໍາເມືອງນາໝໍ້ ແຂວງອຸດົມໄຊ, ຜ່ານມະຕີຕົກລົງ ຂອງຄະນະປະຈໍາພັກເມືອງ-ເມືອງນາໝໍ້ ວ່າດ້ວຍການສ້າງຕັ້ງໜ່ວຍພັກ ອົງການໄອຍະການປະຊາຊົນເຂດ 1 ປະຈໍາເມືອງນາໝໍ້, ມະຕີຕົກລົງ ບົງຕົວແຕ່ງຕັ້ງ ເລຂາ, ຮອງເລຂາໜ່ວຍພັກ ຂອງຄະນະປະຈໍາພັກເມືອງ, ເຊີ່ງເຫັນດີ ບົງຕົວແຕ່ງຕັ້ງ ສະຫາຍ ໄມ່ແກ້ວ ຈັນດາລາ ເປັນເລຂາໜ່ວຍພັກ, ເຫັນດີບົງຕົວແຕ່ງຕັ້ງ ສະຫາຍ ຄໍາສົມ ປັນຍາລັດ ເປັນຮອງເລຂາໜ່ວຍພັກ ອົງການໄອຍະການປະຊາຊົນເຂດ 1 ປະຈໍາເມືອງນາໝໍ້ ແລະ ຕົກລົງຍົກຍ້າຍພະນັກງານວີຊາການອີກ 3 ທ່ານ ມາປະຈໍາການທີ່ອົງການໄອຍະການປະຊາຊົນເຂດ 1 ເມືອງນາໝໍ້. ໂອກາດນີ້ ການນໍາເມືອງ ແລະ ສູນກາງ ກໍ່ໄດ້ ພັດປ່ຽນກັນ ໂອລົມຕໍ່ພິທີ ເຊີ່ງກ່ອນອື່ນ ກໍ່ໄດ້ສະແດງຄວາມຍ້ອງຍໍຊົມເຊີຍຕໍ່ ຜົນງານທີ່ຍາດມາໄດ້ ແລະ ເນັ້ນໜັກໃຫ້ສືບຕໍ່ຈັດຕັ້ງປະຕີບັດຕາມການມອບໝາຍວຽກ, ໜ້າທີການເມືອງ ແລະ ເຄື່ອນໄຫວ ຕາມພາລະບົດບາດ ໃຫ້ມີປະສິດທີພາບ ແລະ ປະສິດທີພົນດີ, ພ້ອມກັນຈັດຕັ້ງປະຕີບັດວຽກ 2 ວາລະແຫ່ງຊາດ ວ່າດ້ວຍການແກ້ໄຂບັນດາດ້ານເສດຖະກິດ ແລະ ບັນຫາຢາເສບຕິດ, ເປັນເຈົ້າການປະສານງານກັບພາກສ່ວນທີ່ກ່ຽວຂ້ອງ ສາຍຕັ້ງ, ສາຍຂວາງ, ຂະແໜ່ງການຂອງເມືອງ ໃຫ້ມີຄວາມກ່ຽວພັນ ພ້ອມກັນແກ້ໄຂບັນຫາປະກົດການຫຍໍ້ທໍ້ໃນສັງຄົມ, ປະຕີບັດວຽກງານຕາມແນວທາງນະໂຍບາຍຂອງພັກ-ລັດຖະບານວ່າງອອກໃຫ້ໄດ້ຮັບຜົນດີເທື່ອລະກ້າວ. ໂອກາດນີ້ ອົງການໄອຍະການ ປະຊາຊົນສູງສຸດ ກໍ່ໄດ້ມອບ ລົດຈັກ 1 ຄັນ, ຄອມພີວເຕີ 1 ຊຸດ, ແລະ ວັດຖຸ ອຸປະກອນ ລວມມູນຄ່າ 85 ລ້ານກີບ, ອົງການໄອຍະການແຂວງອຸດົມໄຊ ມອບ ເຄື່ອງວັດຖຸອຸປະກອນ ລວມມູນຄ່າ 19 ລ້ານກີບ ແລະ ການນໍາ ເມື່ອງນາໝໍ້ໄດ້ມອບ ໂຕະ, ຕັ່ງ ລວມມຸນຄ່າ 6ລ້ານກວ່າກີບ ໃຫ້ ແກ່ ອົງການໄອຍະການ ປະຊາຊົນເຂດ 1 ປະຈໍາເມືອງນາໝໍ້ ໄດ້ຮັບໃຊ້ ແລະ ບໍລີຫານວຽກ ໂດຍ ກ່າວຮັບ ຂອງ ທ່ານ ໄມແກ້ວ ຈັນດາລາ ຫົວໜ້າອົງການໄອຍະການປະຊາຊົນ ປະຈໍາເມືອງນາໝໍ້. ທັດຈາກນັ້ນ ເພື່ອເປັນການ ປະກາດອົງການໄອຍະການປະຊາຊົນເຂດ 1 ປະຈໍາເມືອງນາໝໍ້ ຢ່າງເປັນທາງການ ການນໍາເມືອງ, ແຂວງ ແລະ ສູນກາງ ກໍ່ໄດ້ ເຂົ້າພິທີຕັດແທບຜ້າ, ລັ່ນຄ້ອງ 9 ບາດ ພ້ອມເປິດປ້າຍ ອາຄານ ອົງການໄອຍະການປະຊາຊົນເຂດ 1 ປະຈໍາເມືອງນາໝໍ້ ເປັນສັກຂີພີຍານ ພ້ອມຢ້ຽມຊົມອາຄານສະຖານທີເຮັດວຽກອີກດ້ວຍ.
ຂ່າວ: ວ່າ ຈາມົວ
