ໃນລະດູການຜະລິດເຂົ້ານາປີ 2024 ທົ່ວແຂວງມີເນື້ອທີ່ແຜນການທໍາການຜະລິດທັງໝົດ 91,272 ເຮັກຕາ, ຄາດຄະເນຜົນຜະລິດໃຫ້ໄດ້ 341,810 ໂຕນ, ຄາດຄະເນໝົດແນວເຂົ້າປູກ 5,476 ໂຕນ, ໃນນີ້ເນື້ອທີ່ປູກເຂົ້າເພື່ອເປັນສະບຽງອາຫານ 61,317 ເຮັກຕາ, ຄາດຄະເນຜົນຜະລິດ 226,555 ໂຕນ, ເນື້ອທີ່ປູກເຂົ້າເພື່ອເປັນສິນຄ້າ 29,955 ເຮັກຕາ, ຄາດຄະເນຜົນຜະລິດ 115,255 ໂຕນ .
ຊາວນາພາຍໃນແຂວງໄດ້ເລີ້ມລົງມືທໍາການຜະລິດ ນັບແຕ່ຕົ້ນເດືອນພຶດສະພາເປັນຕົ້ນມາ ເນື່ອງຈາກວ່າສະພາບດິນຟ້າອາກາດໄດ້ມີການເອື້ອອໍານວຍຄວາມສະດວກໃຫ້ເປັນຢ່າງດີ ບວກກັບໂຄງການຊົນລະປະທານທີ່ມີຢູ່, ມາຮອດປະຈຸບັນນີ້ການປູກເຂົ້ານາປີໃນທົ່ວແຂວງບັນລຸໄດ້ 86,975 ເຮັກຕາ ເທົ່າກັບ 95.29 % ຂອງເນື້ອທີ່ແຜນການ,ໃນນັ້ນນາຫວ່ານປະຕິບັດໄດ້ແລ້ວ 22,455 ເຮັກຕາ ເທົ່າກັບ 24.60 % ຂອງເນື້ອທີ່ແຜນການທັງໝົດ, ນາດໍາປະຕິບັດໄດ້ແລ້ວ 64,520 ເຮັກຕາ ເທົ່າກັບ 70.69 % ຂອງເນື້ອທີ່ແຜນການທັງໝົດ, ເນື້ອທີ່ການຜະລິດເປັນສະບຽງອາຫານປະຕິບັດໄດ້ແລ້ວ 57,924 ເຮັກຕາ ເທົ່າກັບ 94.47 % ຂອງເນື້ອທີ່ແຜນການ, ເນື້ອທີ່ຜະລິດເປັນສິນຄ້າປະຕິບັດໄດ້ແລ້ວ 29,051 ເຮັກຕາ ເທົ່າກັບ 96.98 % ຂອງເນື້ອທີ່ແຜນການ. ຄາດວ່າການປັກດໍານາໃນທົ່ວແຂວງຈະໃຫ້ສໍາເລັດໃນກາງເດືອນສິງຫາ 2024 ນີ້ .
ທົ່ວແຂວງໄດ້ນໍາໃຊ້ກົນຈັກທີ່ທັນສະໄໝ ກວມເອົາອັດຕາສ່ວນຫຼາຍ ໂດຍສົມທົບກັບການຜະລິດແບບດັ່ງເດີມ. ສໍາລັບເມືອງທີ່ມີເນື້ອທີ່ແຜນການຜະລິດຫຼາຍກວ່າໝູ່ແມ່ນເມືອງໜອງບົກ, ເມືອງທ່າແຂກ ແລະ ເມືອງມະຫາໄຊ, ໄຊບົວທອງ ແລະ ຍົມມະລາດ ຕາມລໍາດັບ. ຊາວກະສິກອນໄດ້ປູກເຂົ້າເນີນສູງສໍາເລັດໃນເນື້ອທີ່ 308 ເຮັກຕາເຊິ່ງມີ 02 ເມືອງຄື : ເມືອງບົວລະພາ 130 ເຮັກຕາ ແລະ ເມືອງນາກາຍ 178 ເຮັກຕາ .
ຂ່າວ: ແຂວງຄຳມ່ວນ
