ອີງຕາມການໃຫ້ຂໍ້ມູນຂອງທ່ານ ໄຊສຸກກອນ ພອນວັັນນາ ຮອງຫົວຫນ້າຫ້ອງການກະສິກຳ ແລະ ປ່າໄມ້ເມືອງໄຊເສດຖາ ແຂວງອັດຕະປື ຕໍ່ກັບຜູ້ສື່ຂ່າວ ໃນວັນທີ 23 ເມສາ 2024 ນີ້ ຊາວກະຊິກອນທົ່ວເມືອງໄດ້ເລີ່ມລົງມືເກັບກ່ຽວນັບແຕ່ຕົ້ນເດືອນ ເມສາ ເປັນຕົ້ນມາ, ມາຮອດປັດຈຸບັນສຳເລັດການເກັບກ່ຽວໄປແລ້ວ 30% ຂອງເນື້ອທີ່ປັກດຳຕົວຈິງ 307,95 ເຮັກຕາ ລວມມີ 5 ໂຄງການຄື: ໂຄງການຊົນລະປະທານ ບ້ານວັດທາດເນື້ອທີ່ປະຕິບັດຕົວຈິງ 111,35 ເຮັກຕາ ເນື້ອທີ່ນາດຳ 38,83 ເຮັກຕາ ,ນາຢອດ 72,42 ເຮັກຕາ, ຍັງບໍ່ທັນເກັບກ່ຽວ, ໂຄງການຊົນລະປະທານສີເຊົາ ເນື້ອທີ່ປະຕິບັດຕົວຈິງ 75,19 ເຮັດຕາ, ນາດຳ 8,31 ເຮັດຕາ, ນາຢອດ 66,88 ເຮັກຕາ, ປັດຈຸບັນເກັບກ່ຽວໄດ້ 15%, ໂຄງການໄຊສີ ເນື້ອທີ່ປະຕິບັດຕົວຈິງ 70,81 ເຮັກຕາ, ນາຢອດ ແລະປູກພືດໃນໂຄງການ 1 ເຮັກຕາ ປະຈຸບັນເກັບກ່ຽວໄດ້ 10%, ໂຄງການຊະແຄະ ເນື້ອທີ່ປະຕິບັັດຕົວຈິງ 40,60 ເຮັກຕາ ໃນນັ້ນນາດຳໃນເນື້ອທີ 4,34 ເຮັກຕາ, ນາຢອດ 36,26 ເຮັກກຕາ ເກັບກ່ຽວສຳເລັດໄດ້ 5%, ໂຄງການນ້ຳບາດານໄຕ້ດິນໃນເນື້ອທີ່ປະຕິບັດຕົວຈິງ 10,10 ເຮັກຕາ, ນາດຳໃນເນື້ອທີ່ 2,6 ເຮັັກຕາ, ນາຢອດ 7,6 ເຮັກຕາ ມາຮອດປະຈຸບັນເກັບກ່ຽວໄດ້ 100%. ໃນນັ້ນສ່ວນໃຫຍ່ແນວພັນເຂົ້າທີ່ນຳມາໃຊ້ແມ່ນ ແນວພັນເຂົ້າ 450 ປີ, ຄ່າດອກຄຳ 8 ແລະ ເຂົ້າຈ້າວຫວຽດ, ຄາດຄະເນສະເລ່ຍສະມັດຕະພາບຜົນໄດ້ຮັບ 4 ໂຕນຕໍ່ເຮັກຕາ, ສ່ວນເນື້ອທີ່ປັກດຳທຽບໃສ່ປີຜ່ານມາເຫັນວ່າຫຼຸດລົງ. ການຜະລິດທຽບໃສ່ປີຜ່ານມາກໍ່ເຫັນວ່າຊັກຊ້າ. ສາເຫດຍ້ອນວ່າ: ການສະໜອງນ້ຳຂອງເຂື່ອນເຊກະໝານຂາດເຂີນ ບໍ່ພຽງພໍກັບຄວາມຕ້ອງການ,
ລະບົບເຄື່ອງຈັກໃຊ້ງານບໍ່ຄ່ອຍໄດ້ຕາມປົກກະຕິເທົ່າທີ່ຄວນ ແລະ ຄວາມຈຳເປັນອື່ນໆ.
ໃນຕອນທ້າຍທ່ານ ໄຊສຸກກອນ ພອນວັນນາ ຍັງໄດ້ຮຽກຮ້ອງມາຍັງ ຊາວກະຊິກອນກໍ່ຄືພໍ່ແມ່ປະຊາຊົນ ໃຫ້ຂຸ້ນຂ້ຽວເກັບກ່ຽວມ້ຽນມັດຜົນຜະລິດໃຫ້ທ່ວງທັນກັບສະພາບການ ເພື່ອຫລີກລ້ຽງຜົນເສຍຫາຍຈາກສະພາບດິນຟ້າອາກາດຕ່າງໆ ແລະ ຄາດຄະເນຈະໃຫ້ສຳເລັດການເກັບກ່ຽວພາຍໃນກາງເດືອນພຶດສະພານີ້.
