ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ
ພັກປະຊາຊົນປະຕິວັດລາວ ແມ່ນອົງການຈັດຕັ້ງເສນາທິການທາງການເມືອງ ເປັນກອງນໍາໜ້າ ແລະ ເປັນຕົວແທນ ແຫ່ງສິດ ແລະ ຜົນປະໂຫຍດຂອງຊົນຊັ້ນກໍາມະກອນ ຊາວຜູ້ອອກແຮງງານລາວບັນດາເຜົ່າ ພັກປະຊາຊົນປະຕິວັດລາວໄດ້ນໍາພາປະຊາຊົນລາວບັນດາເຜົ່າເຮັດສໍາເລັດພາລະກິດປະຕິວັດປົດປ່ອຍຊາດ ລົບລ້າງລະບອບລ່າເມືອງຂື້ນ ສ້າງສັງກາດໃໝ່ໃຫ້ແກ່ປະເທດຊາດ ພາຍຫຼັງປະເທດຊາດໄດ້ຮັບການປົດປ່ອຍຢ່າງສົມບູນ ໃນປີ 1975 .ເນື່ອງໃນໂອກາດວັນສ້າງຕັ້ງພັກ ປະຊາຊົນປະຕິວັດລາວ ຄົບຮອບ 68 ປີ ດຣ ລັດຕາ ວັນນະຈິດ ຜູ້ອໍານວຍການ ໂຮງໝໍ ແຂວງອຸດົມໄຊ ໄດ້ສະແດງຄວາມຮູ້ສຶກຂອງຕົນ ຕໍ່ການນໍາພາ ຊີ້ນໍາຂອງພັກ ປະຊາຊົນປະຕິວັດລາວໃນແຕ່ລະໄລຍະວ່າ : ມີຄວາມຮູ້ສຶກດີໃຈ ຕໍ່ການນໍາພາ ຊີ້ນໍາຂອງພັກປະຊາຊົນປະຕິວັດລາວ ຕະຫຼອດໄລຍະຂອງການປະຕິວັດຊາດ ເຮັດໃຫ້ປະຊາຊົນຮັ່ງມີຜາສຸກສັງຄົມມີຄວາມສະຫງົບ ກໍ່ເນື່ອງຈາກມີພັກນໍາພາທີ່ສະຫຼາດສ່ອງໃສ.
ດຣ ລັດຕາ ວັນນະຈິດ ຜູ້ອໍານວຍການ ໂຮງໝໍ ແຂວງອຸດົມໄຊ ໃຫ້ຮູ້ຕື່ມວ່າ : ຂະແໜງສາທາລະນະສຸກ ເປັນຂະແໜງໜື່ງທີ່ຢືນຄຽງບ່າຄຽງໄຫຼ ກັບການປະຕິ ວັດຊາດ ໂດຍມີພັກນໍາພາ ຊີ້ນໍາ ມາຮອດປະຈຸບັນ ລະບົບຕາໜ່າງສາທາລະນະສຸກ ກວມທຸກແຂວງ ແລະ ທຸກເມືອງໃນທົ່ວປະເທດ ປະຊາຊົນລາວບັນດາໃນເຂດຫ່າງໄກສອກຫຼີກໄດ້ເຂົ້າເຖິງການບໍລິການສາທາລະນະສຸກທີ່ດີມີສຸຂະພາບແຂງແຮງ ຊີວິດການເປັນຢູ່ດີຂື້ນເທື່ອລະກ້າວ %