ວັນທີ 19 ສິງຫາ 2022ນີ້ ອົງການກາແດງແຫ່ງຊາດລາວ ແລະອົງການກາແດງແຂວງໄຊຍະບູລີ ໄດ້ໃຫ້ການຊ່ວຍເຫລືອປະຊາຊົນ ບ້ານຫ້ວຍຕ່າງ, ຫ້ວຍໄຮ, ຕາກແດດ,ປາກແລງ, ສີວິໄລ, ຫ້ວຍເດື່ອຫວານ,ປ່າໄລ່,ໄຊມຸງຄຸນ ແລະ ບ້ານ ແສງລາຍ ເມືອງປາກລາຍ ແຂວງໄຊຍະບູລີ ທີ່ປະສົບໄພນໍ້າຖ້ວມໃນຕົ້ນເດືອນສິງຫານີ້ ຈຳນວນ200 ຄອບຄົວ ທີ່ໄດ້ຮັບຜົນກະທົບຈາກພາຍຸທີ່ພັດຜ່ານເຂົ້າເຂດດັ່ງກ່າວ ເຮັດໃຫ້ເກີດມີຜົນກະທົບເປັນວົງກວ້າງ ສະນັ້ນອົງການກາແດງແຫ່ງຊາດລາວຈຶ່ງໄດ້ນຳເອົາເຄື່ອງຊ່ວຍເຫຼືອປະເພດ ເຂົ້າສານ, ປາກະປ໋ອງ, ໝີ່, ເຄື່ອງສຸຂະອະນາໄມ ແລະ ນ້ຳດື່ມ ຈຳນວນ 200ຊຸດ ລວມມູນຄ່າ 83 ລ້ານກວ່າກີບ ນຳໄປມອບໃຫ້ຄອບຄົວທີ່ໄດ້ຮັບຜົນກະທົບ ໂດຍການນຳພາມອບຂອງທ່ານ ວັນນະສິງ ມຸງຄຸນສະຫວັດ ຫົວໜ້າອົງການກາແດງແຂວງໄຊຍະບູລີ, ພ້ອມດ້ວຍອຳນາດການປົກຄອງເມືອງປາກລາຍ ມີພາກສ່ວນກ່ຽວຂ້ອງອອ້ມຂ້າງເມືອງຕະຫຼອດຮອດພໍ່ແມ່ປະຊາຊົນເຂົ້າຮ່ວມ.
ໂດຍ: ນັກຂ່າວອົງການກາແດງ
