ພິທິວາງສີລາເລີກໂຄງການສ້າງທາງແຕ່ບ້ານນາໄຫ ຫາບ້ານດົງຄໍາຊ້າງ ເມືອງຫາດຊາຍຟອງ ນະຄອນຫລວງວຽງຈັນ ຈັດຂື້ນໃນວັນທີ່ 8 ກູມພາ 2024 ບ້ານ ນາໄຫ ໂດຍເປັນກຽດເຂົ້າຮ່ວມຂອງທ່ານ ບຸນທັນ ພົມມະວັນ ນາຍບ້ານ ບ້ານ ນາໄຫ ແລະ ຜູ້ຕ່າງໜ້າຫ້ອງວ່າການປົກຄອງເມຶອງ ພ້ອມດ້ວຍພາກສ່ວນກ່ຽວຂ້ອງ .
ທ່ານ ບຸນທັນ ພົມມະວັນ ນາຍບ້ານ ບ້ານ ນາໄຫ ກ່າວ ວ່າ: ເປັນຄວາມຕັ້ງໃຈຂອງອຳນາດການປົກຄອງບ້ານ ແລະປະຊາຊົນພາຍໃນບ້ານນາໄຫ ເຊິ່ງຍາມໃດກໍ່ມີຄວາມກະຕືລືລົ້ນ ຢາກພັດທະນາ ແລະປັບປຸງເສັ້ນທາງພາຍໃນບ້ານຂອງຕົນ. ເຊິ່ງອຳນາດການປົກຄອງບ້ານ ໄດ້ມີແຜນການກໍ່ສ້່າງທາງເສັ້ນນີ້ມາແຕ່ປີ 2004 ແຕ່ຍ້ອນຂາດເຂີນທຶນຮອນ ອີກເຫດຜົນໜຶ່ງຍ້ອນພວກເຮົາມີຄວາມເປັນຫ່ວງດ້ານລາຍຮັບຂອງປະຊາຊົນສ່ວນໃຫ່ຍ ສະນັ້ນຈຶ່ງມີການປຶກສາຫາລື ແລະຄົ້ນຄວ້າເປັນເວລາຫລາຍປີ.
ໂຄງການກໍ່ສ້າງເສັ້ນທາງ ເບຕົງເສີມເຫັລກບ້ານນາໄຫ ມີຄວາມຍາວ 3 ກິໂລແມັດກວ່າ, ກວ້າງ6 ແມັດ, ຂະນະທີ່ປະຊາຊົນທຸກຄົນ ສຸດທີ່ດີໃຈ ຫລັງຈາກລໍຄອຍມາເປັນເວລາດົນນານ. ເນື່ອງຈາກເສັ້ນທາງດັ່ງກ່າວ ເປເພໃນຍາມຝົນ ເຮັດໃຫ້ສະພາບເສັ້ນທາງໃນປັດຈຸບັນ ເປັນຂຸມ, ເປັນບວກ ສ້າງຄວາມລຳບາກໃນເວລາໄປ-ມາບໍ່ສະດວກ ເຖິງລະດູແລ້ງພັດມີຂີ້ຝຸ່ນ ສົ່ງຜົນກະທົບຕໍ່ສຸຂະພາບຂອງປະຊາຊົນ.
ໂຄງການກໍ່ສ້າງເສັ້ນທາງໃໝ່ນີ້ ແມ່ນໄດ້ມາຈາກການລະດົມທຶນໂດຍການຮ່ວມແຮງ ຮ່ວມໃຈຂອງປະຊາຊົນ ຈາກຄອບຄົວ ແລະ ໝູ່ເພື່ອນມິດສະຫາຍພາຍໃນບ້ານ ລວມທັງບໍລິສັດຫ້າງຮ້ານຕ່າງໆ ໃຫ້ການປະກອບສ່ວນດ້ານທຶນຮອນ, ເສັ້ນທາງໃໝ່ນີ້ ຖ້າສ້າງສໍາເລັດ ຈະອຳນວຍຄວາມສະດວກໃຫ້ແກ່ການສັນຈອນ ການເຄື່ອນຍ້າຍສິນຄ້າ ລະຫວ່າງບ້ານຕ່າງໆພາຍໃນເມືອງຫາດຊາຍຟອງ.
