ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ
ພິທີປະດັບຫຼຽນກາລະນຶກ 70 ປີ ກອງທັບປະຊາຊົນລາວ ໃຫ້ແກ່ພະນັກງານຫ້ອງການໂຄງການເກັບກູ້ລະເບີດແຂວງຊຽງຂວາງ ທີ່ມີຜົນງານປະກອບສ່ວນໃຫ້ແກ່ກອງທັບ ໄດ້ຈັດຂຶ້ນໃນເມື່ອບໍ່ດົນຜ່ານມາ ທີ່ໂຮງແຮມພູຊ້າງ (ຊຽງຂວາງວິວ), ໂດຍມີ ສະຫາຍ ພັນເອກ ແກ້ວສຸວັນ ຜາງພິລາວົງ ຮອງຫົວໜ້າກົມໂຄສະນາອົບຮົມ ກົມໃຫ່ຍການເມືອງກອງທັບ, ຫົວໜ້າຄະນະຮັບຜິດຊອບລົງເກັບກໍາຂໍ້ມູນ ແລະ ເຄື່ອນຍ້າຍວັດຖຸກໍາມູນເຊື້ອປະຫວັດສາດ ພ້ອມຄະນະ, ສະຫາຍ ພັນໂທ ແສງດາວ ສີວົງໄຊ ຮອງຫົວໜ້າຫ້ອງການເມືອງກອງບັນຊາການທະຫານແຂວງຊຽງຂວາງ, ທ່ານ ວິລະພົງກຸທາວົງໄຊ ຫົວໜ້າຫ້ອງການເກັບກູ້ລະເບີດ ແຂວງຊຽງຂວາງ.
ສະຫາຍ ພັນໂທ ສິສຸມັງ ມີໄຊຜົນ ຫົວໜ້າອຳນວຍການຫໍພິພິທະພັນປະຫວັດສາດກອງທັບ ໄດ້ຜ່ານຂໍ້ຕົກລົງຂອງກະຊວງປ້ອງກັນປະເທດ ວ່າດ້ວຍການມອບຫຼຽນກາທີ່ລະນຶກ 70 ປີ ກອງທັບ ໃຫ້ຫົວໜ້າການເມືອງກອງບັນຊາການທະຫານເມືອງແປກ ແລະ ພະນັກງານຫ້ອງການໂຄງການເກັບກູ້ລະເບີດແຂວງຊຽງຂວາງ ຈໍານວນ 15 ທ່ານ ທີ່ມີຜົນງານດີເດັ່ນປະກອບສ່ວນໃຫ້ແກ່ກອງທັບ, ໃຫ້ກຽດປະດັບໂດຍ ສະຫາຍພັນເອກ ແກ້ວສຸວັນ ຜາງພິລາວົງ ພ້ອມທັງສະແດງຄວາມຂອບໃຈມາຍັງຄະນະພັກ-ຄະນະບັນຊາ ກອງບັນຊາການທະຫານເມືອງແປກ ແລະ ພະນັກງານຫ້ອງການໂຄງການເກັບກູ້ລະເບີດແຂວງຊຽງຂວາງ ທີ່ໄດ້ທຸ່ມເທເຫື່ອແຮງ, ສະຕິປັນຍາ, ຊີວິດໃນການຊອກຫາ ແລະ ເກັບກໍາກອບກູ້ລູກໂບມເສດເຫຼືອສົງຄາມ ແລະ ຮຽກຮ້ອງພະນັກງານເກັບກໍາ ແລະ ທ້ອນໂຮມໄວ້ຢູ່ແຂວງ ເພື່ອຈະເກັບມ້ຽນໄວ້ຫ້ອງວາງສະແດງຂອງແຂວງ ກໍ່ຄືຫ້ອງວາງສະແດງເຊື້ອຕ່າງໆ ທີ່ຕິດພັນກັບເຫດການບັ້ນຮົບບັ້ນຕີທາງປະຫວັດສາດ ເວົ້າລວມ, ເວົ້າສະເພາະໃຫ້ຫໍພິພິທະພັນປະຫວັດສາດກອງທັບ ເພື່ອນໍາມາຈັດວາງສະແດງໃຫ້ຄົນຮູ່ນຫຼັງໃຫ້ເຫັນຮັບຮູ້ເຖິງຜົນຮ້າຍຂອງສົງຄາມ.
ຂຽນໂດຍ : ສອນໄຊ ສໍ