ຕອນເຊົ້າວັນທີ 22 ກໍລະກົດ 2021 ທ່ານ ສົມໃຈ ອຸ່ນຈິດ ຄະນະປະຈໍາພັກແຂວງ ຮອງເຈົ້າແຂວງ ປະທານຄະ ນະຊີ້ການສອບເສັງຈົບຊັ້ນມ4 ແລະມ7 ຂັ້ນແຂວງ, ທັງແມ່ນຫົວໜ້າຄະນະສະເພາະກິດປ້ອງກັນໂຄວິດ 19 ຂັ້ນແຂວງ ໄດ້ເຄື່ອນໄຫວຊຸກຍູ້ຕິດຕາມການຈັດການສອບເສັງຈົບຊັ້ນມັດທະຍົມຕອນຕົ້ນມ4 ຢູ່ເມືອງລະຄອນເພັງ ສູນສອບເສັງມສລະຄອນສີ ມີທ່ານ ໄຊຊະນະ ສີສະຫວັດ ຮອງເຈົ້າເມືອງລະຄອນເພັງ ປະທານຄະນະຊີ້ນໍາການສອບເສັງ ຂັ້ນເມືອງ, ພ້ອມດ້ວຍຄະນະກໍາມະການຄວບ ຄຸມການສອບເສັງ ແລະວິຊາການກ່ຽວຂ້ອງ ໃຫ້ການຕ້ອນຮັບ.
ໃນໂອກາດເຄື່ອນມາໄຫວຄັ້ງນີ້ ທ່ານ ຮອງເຈົ້າແຂວງສາລະວັນ ໄດ້ຮັບຟັງການລາຍງານ ຂອງທ່ານ ກັນຍາ ໄຊຍະໂອຊະ ຫົວໜ້າຫ້ອງການສຶກສາທິການ ແລະກິລາເມືອງ, ຮອງປະທານຄະນະຊີ້ນໍາການສອບເສັງຂັ້ນເມືອງ ກ່ຽວກັບສະພາບການສອບເສັງຈົບຊັ້ນມ4ຢູ່ເມືອງລະ ຄອນເພັງ ໂດຍໃຫ້ຮູ້ວ່າ: ທົ່ວເມືອງລະຄອນເພັງມີ 2 ສູນສອບເສັງ ຄື: ສູນ ມສລະຄອນສີ ແລະສູນມສດ່ານນາເລົາ, ມີຫ້ອງສອບເສັງ 20 ຫ້ອງ, ໂດຍສູນມສລະຄອນສີ 11 ຫ້ອງ ແລະມສດ່ານນາເລົາ 9 ຫ້ອງ, ມີເປົ້າໝາຍສອບເສັງ 296 ຄົນ, ຍິງ 174 ຄົນ, ມີໜ້າສອບເສັງຕົວຈິງ 292 ຄົນ, ຍິງ 173 ຄົນ, ຂາດສອບ 4 ຄົນ, ໄດ້ປະຕິບັດເຂັ້ມງວດມາດຕະການຮັກສາໄລຍະຮ່າງ, ວັດແທກອຸນຫະພູມ,ໃສ່ຜ້າອັດປາກດັງ. ໃນໂອກາດດຽວກັນນີ້ ທ່ານ ຮອງເຈົ້າແຂວງສາລະວັນ ໄດ້ໂອລົມສະແດງຄວາມຊົມເຊີຍ ແລະເນັ້ນໃຫ້ເອົາໃຈໃສ່ເຂັ້ມງວດປະຕິບັດລະບຽບການສອບເສັງ ເຮັດໃຫ້ການສອບເສັງ ມີຄວາມຍຸດຕິທໍາ, ມີຄວາມສະຫງົບ, ຄວາມເປັນລະບຽບຮຽບຮ້ອຍ, ບໍ່ໃຫ້ມີບັນຫາຮົ່ວໄຫຼຂອງຂໍ້ສອບ ແລະໃຫ້ເຂັ້ມງວດປະຕິບັດມາດຕະການປ້ອງກັນໂຄວິດ 19.
ຈາກນັ້ນ, ທ່ານ ຮອງເຈົ້າແຂວງສາລະວັນ ຍັງໄດ້ໃຫ້ກຽດຕັດຊອງຫົວສອບເສັງ ໃນວິຊາວິທະຍາສາດທໍາມະຊາດ ພ້ອມທັງໄດ້ເຂົ້າພົບປະ ແລະໃຫ້ກໍາລັງໃຈ ແກ່ນັກສອບເສັງໃນແຕ່ລະຫ້ອງ.
Cr: ຖວທ ລະຄອນເພັງ
Loading...