ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ປະທານບໍລິສັດເບຍລາວ ຈໍາກັດ ພູມໃຈທີ່ໄດ້ປະກອບສ່ວນເຂົ້າໃນວຽກງານແນວລາວສ້າງຊາດ

ໃນໂອກາດເຂົ້າຮ່ວມກອງປະຊຸມ ສາມັນຄົບຄະນະກຳ ມະການສູນກາງແນວລາວສ້າງຊາດ ຄັ້ງທີ 5 ສະໄໝທີ X ຈັດຂຶ້ນທີ່ນະຄອນຫລວງວຽງຈັນ, ໃນວັນທີ 11-12 ສິງຫາ 2020, ທ່່ານ ສູນທອນ ພົມມະຈັກ ຜູ້ອໍານວຍການໃຫຍ່ ບໍລິສັດເບຍລາວຈໍາກັດ, ທັງເປັນກຳມະການສູນກາງແນວລາວສ້າງຊາດ ໃຫ້ສຳພາດຕໍ່ວິທະຍຸກະຈາຍສຽງແຫ່ງຊາດວ່າ: ມີຄວາມພາກພູມໃຈເປັນຢ່າງຍິ່ງ ທີ່ໄດ້ເປັນສ່ວນໜຶ່ງໃນຂະບວກການສ້າງສາ ແລະ ພັດທະນາປະເທດຊາດ ຕະຫລອດໄລຍະຜ່ານມາ. ພ້ອມນີ້ ຍັງໄດ້ປະຕິບັດພາລະບົດບາດ ແລະ ໜ້າທີ່ເປັນໃຈກາງເພື່ອເຕົ້າໂຮມຄວາມສາມັກຄີປອງດອງຂອງປະຊາຊົນບັນດາເຜົ່າທົ່ວປະເທດ ກໍຄື ພີ່ນ້ອງເຊື້ອຊາດລາວທີ່ດຳລົງຊີວິດຢູ່ຕ່າງປະເທດ. ປັດຈຸບັນ ອົງການສູນກາງແນວລາວສ້າງຊາດ ພວມກໍ່ສ້າງຄອບຄົວ, ບ້ານ ແລະ ເມືອງສາມັກຄີປອງດອງ ໃນທົ່ວປະ ເທດ, ນີ້ຖືເປັນການປະຕິບັດທີ່ຖືກຕ້ອງ ແລະ ສອດຄ່ອງ ເພື່ອ ແນໃສ່ເຕົ້າໂຮມຄວາມສາມັກຄີຂອງປະຊາຊົນລາວບັນດາເຜົ່າໃຫ້ນັບມື້ດີຂຶ້ນ.

ປະທານບໍລິສັດ ເບຍລາວ ຈໍາກັດ ກ່າວຕື່ມວ່າ: ພັກປະຊາຊົນ ປະຕິວັດລາວ ຍາມໃດກໍໃຫ້ຄວາມສຳຄັນ ແລະ ຖືວ່າພີ່ນ້ອງຊາວລາວທີ່ອາໃສຢູ່ຕ່າງປະເທດ ແມ່ນພາກ ສ່ວນໜຶ່ງທີ່ສຳຄັນ, ເຊິ່ງບໍ່ສາມາດຕັດແຍກອອກຈາກວົງຄະນະຍາດແຫ່ງຊາດລາວ ແລະ ເປັນກຳລັງແຮງໜຶ່ງໃນການສ້າງສາພັດທະນາປະເທດ ແລະ ເປັນປັດໄຈສຳຄັນໃນການເປີດກວ້າງສາຍພົວພັນມິດຕະພາບ ແລະ ການຮ່ວມມືລະຫວ່າງ ສປປ ລາວ ແລະ ບັນດາປະເທດທີ່ເຂົາເຈົ້າອາໃສ ຢູ່ ແລະ ອົງການຈັດຕັ້ງສາກົນ. ພ້ອມນີ້ ຍັງໄດ້ປະຕິບັດພາ ລະບົດບາດ ແລະ ໜ້າທີ່ເປັນໃຈກາງ ໃນການເຕົ້າໂຮມຄວາມສາມັກຄີປອງດອງຂອງປະຊາຊົນບັນດາເຜົ່າທົ່ວປະເທດ, ຊັ້ນຄົນ, ສາສະໜາ ລວມທັງຄົນເຊື້ອຊາດລາວຢູ່ຕ່າງປະເທດ ເພື່ອປະກອບສ່ວນເຂົ້າໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ.

ຂ່າວ: ບຸນຕຽງ ຈັນທະວົງ
ພາບ: ຂັນໄຊ