ວັນທີ29ມີຖຸນາ2022 ທ່ານທອງລຸນ ສີສຸລິດ ເລຂາທິການໃຫຍ່ຄະນະບໍລິຫານງານສູນກາງພັກ ປະທານປະເທດພ້ອມດ້ວຍຄະນະ ໄດ້ເຄື່ອນໄຫວຢ້ຽມຢາມເເລະເຮັດວຽກຢູ່ ເຂດການຂົນສົ່ງທ່າບົກ-ທ່ານາເເລ້ງ ໂລຈິດສຕິກພາກ,ຊຸກຍູ້ການຜະລິດຂອງຊາວກະສິກອນຢູ່ ສວນຫມາກພ້າວນໍ້າຫອມ ຂອງ ທ່ານສົມພອນ ຂຸນກະເສນ ປະຊາຊົນບ້ານທ່າພະ, ຢ້ຽມຢາມໂຮງງານຜະລິດຫມາກຖົ່ວດາວອີນຄາສົ່ງອອກອາເມລິກາ ຂອງບໍລິສັດໄຫມສະຫວັນ ບ້ານສາລາຄໍາ ເມືອງຫາດຊາຍຟອງ,ຢ້ຽມຊົມໂຄງການກໍ່ສ້າງພິພິທະພັນສິນລະປະລາວສະໄຫມໃຫມ່, ຢ້ຽມຊົມສວນຫມາກໄມ້ ຂອງທ່ານມາມົ້ວ ບ້ານດົງບຸດດີ ເມືອງໄຊທານີ ນະຄອນຫລວງວຽງຈັນ ໂດຍໄດ້ຮັບການຕ້ອນຮັບຢ່າງອົບອຸ່ນຈາກການນໍານະຄອນຫລວງວຽງຈັນ,ເມືອງ ພ້ອມດ້ວຍພາກສ່ວນກ່ຽວຂ້ອງ.
ສໍາລັບພາກເຊົ້າ ທ່ານທອງລຸນ ສີສຸລິດ ພ້ອມຄະນະ ໄດ້ເດີນທາງເຄື່ອນໄຫວຢ້ຽມຢາມເຂດການຂົນສົ່ງທ່າບົກ-ທ່ານາເເລ້ງ ໂລຈິດສຕິກພາກ ເມືອງຫາດຊາຍຟອງ ນະຄອນຫລວງວຽງຈັນເປັນຈຸດທໍາອິດໂດຍທ່ານໄດ້ຮັບຟັງການລາຍງານໂດຍຫຍໍ້ຮັບຟັງລາຍງານກ່ຽວກັບສະພາການຈັດຕັ້ງປະຕິບັດວຽກງານຄຸ້ມຄອງດ່າສາກົນທ່າບົກ-ທ່ານາເເລ້ງເຂດໂລຈິດສຕິກໃນໄລຍະຜ່ານມາ ເເລະ ທິດທາງເເຜນການໃນຕໍ່ຫນ້າຈາກ ທ່ານຈັນທອນ ສິດທິໄຊ ປະທານບໍລິສັດວຽງຈັນ ໂລຈິດສຕິກພາກ ເຫັນວ່າມີຫລາຍອັນຖືກຈັດຕັ້ງປະຕິບັດຢ່າງມີຜົນສໍາເລັດ ເປັນການປະກອບສ່ວນສໍາຄັນໃນສ້າງລາຍຮັບໃຫ້ປະເທດ ເປັນຈໍານວນຫລາຍ ຈາກການຂົ່ນສົ່ງຄ່ຽນຖ່າຍສີນຄ້າ ເຮັດໃຫ້ລາວກາຍເປັນປະເທດເຊື່ອມໂຍງເຊື່ອມຈອດໃນເຂດອານຸພາກພື້ນ,ພາກພື້ນ ເເລະ ສາກົນ ຫລັງຈາກນັ້ນ ປະທານປະເທດພ້ອມດ້ວຍຄະນະໄດ້ເດີນທາງໄປຢ້ຽມຢາມເເລະຊຸກຍູ້ການຜະລິດຂອງຊາວກະສິກອນກຸ່ມ6ບ້ານທ່າພະເມືອງຫາດຊາຍຟອງ ທີ່ປູກຫມາກພ້າວນໍ້າຫອມ ໂດຍໄດ້ ຮັບຟັງການລາຍງານສະພາບການຈັດຕັ້ງປະຕິບັດວຽກງານດ້ານຕ່າງໆ ໂດຍສະເພາະປະຫວັດຄວາມເປັນມາຂອງການສ້າງຕັ້ງກຸ່ມການຜະລິດ, ເເຜນການຈັດຕັ້ງປະຕິບັດວຽກງານຂອງກຸ່ມໃນເເຕ່ລະໄລຍະ ລວມເຖີງຂໍ້ສະດວກຂໍ້ຫຍຸງຍາກໃນການຜະລີດ ຈາກຮອງປະທານກຸ່ມການຜະລິດກະສິກໍາກຸ່ມ6ບ້ານທ່າພະເມືອງຫາດຊາຍຟອງ
ໂອກາດນີ້ ທ່ານທອງລຸນ ສີສຸລິດ ໄດ້ສະເເດງຄວາມດີໃຈ ເເລະຍ້ອງຍໍຊົມເຊີຍຕໍ່ຊາວກະສິກອນເມືອງຫາດຊາຍຟອງໂດຍສະເພາະກຸ່ມ6ບ້ານທ່າພະທີ່ເອົາໃຈໃສ່ຜະລິດກະສິກໍາເປັນສີນຄ້າເພື່ອຫລຸດຜ່ອນການນໍາເຂົ້າໂດຍສະເພາະການປູກຫມາກພ້າວນໍ້າຫອມ ພ້ອມທັງເນັ້ນຫນັກໃຫ້ມີການຂະຫຍາຍເນື່ອທີ່ປູກເພີ່ມຕື່ມ ຄຽງຄູ່ກັບການນໍາໃຊ້ພຸ່ນຊີວະພາບ ຫລຸດຜ່ອນຝຸ່ນເຄມີ ລວມເຖິງຫລຸດຜ່ອນການນໍາເຂົ້າສິນຄ້າກະສິກໍາຈາກປະເທດໃກ້ຄຽງເພື່ອສົ່ງເສີມການຜະລິດພາຍໃນ, ພາຍຫລັງປະທານປະເທດພ້ອມດ້ວຍຄະນະໄດ້ເດີນທາງໄປຢ້ຽມຢາມ ເເລະຊຸກຍູ້ການຜະລິດຢູ່ສາວຫມາກພ້າວນໍ້າຫອມ ຂອງກຸ່ມການຜະລິດກະສິກໍາກຸ່ມ6ບ້ານທ່າພະເເລ້ວ ໄດ້ສືບຕໍ່ ຢ້ຽມຢາມໂຮງງານຜະລິດຫມາກຖົ່ວດາວອີນຄາສົ່ງອອກອາເມລິກາ ຂອງບໍລິສັດໄຫມສະຫວັນ ບ້ານສາລາຄໍາ,
ສ່ວນຕອນບ່າຍໄດ້ໄປຢ້ຽມຊົມໂຄງການກໍ່ສ້າງພິພິທະພັນສິນລະປະລາວສະໄຫມໃຫມ່ພ້ອມທັງ ຢ້ຽມຊົມສວນຫມາກໄມ້ ຂອງທ່ານມາມົ້ວ ບ້ານດົງບຸດດີ ເມືອງໄຊທານີ ນະຄອນຫລວງວຽງຈັນ ຕື່ມອີກ ເຊີ່ງການເຄື່ອນໄຫວໄຫວຢ້ຽມຢາມເເລະເຮັດວຽກຂອງປະທານປະເທດພ້ອມດ້ວຍຄະນະໃນຄັ້ງນີ້ ສະເເດງໃຫ້ເຫັນເຖິງຄວາມເປັນຫ່ວງເປັນໃຍຂອງພັກ ເເລະລັດຖະບານທີ່ມີຕໍ່ພາກທຸລະກິດ, ຊາວກະສິກອນ ກໍ່ຄືປະຊາຊົນໃນຂອບເຂດທົ່ວປະເທດ ເວົ້າສະເພາະຢູ່ນະຄອນຫລວງວຽງຈັນ ເພື່ອເປັນທີດທາງໃນການປະກອບສ່ວນຍົກລະດັບຊີວິດການເປັນຢູ່ຂອງປະຊາຊົນບັນດາເຜົ່າໃຫ້ດີຂື້ນເທື່ອລະກ້າວ ເຊີ່ງການເຄື່ອນໄຫວຢ້ຽມຢາມ ເເລະເຮັດວຽກຢູ່ຕາມສະຖານທີ່ຕ່າງໆຂອງປະທານປະເທດພ້ອມດ້ວຍຄະນະໃນຄັ້ງນີ້ ໄດ້ດໍາເນີນໄປດ້ວຍຜົນສໍາເລັດຢ່າງຈົບງາມ.
ຂ່າວ: ເດດອາລຸນ ແກ້ວວິໄລ.
ພາບ: ຄໍາກອງ
