ວັນທີ່ 15 ພະຈິກ 2023ນີ້ ທ່ານ ທອງລຸນ ສີສຸລິດ ເລຂາທິການໃຫຍ່ ຄະນະບໍລິ ຫານງານສູນກາງພັກ ປະທານປະເທດແຫ່ງ ສປປລາວ ພ້ອມດ້ວຍຄະນະໄດ້ເດີນທາງມາຢ້ຽມຢາມ ແລະ ໂອ້ລົມພະນັກງານ ຢູ່ເມືອງກວັນ ແລະ ເມືອງຊໍາໃຕ້ ແຂວງຫົວພັນ, ໂດຍໄດ້ຮັບການຕ້ອນຮັບຈາກທ່ານ ຄໍາແພງ ໄຊສົມແພງ ວ່າການເຈົ້າແຂວງໆຫົວພັນ, ມີເຈົ້າເມືອງຮອງເຈົ້າເມືອງ, ພະນັກງານລັດຖະກອນ,ນາຍ ແລະ ພົນທະຫານ, ນາຍ
ແລະ ພົນຕໍາຫຼວດ ນ້ອງນັກຮຽນຕະ
ຫຼອດຮອດປະຊາຊົນບັນດາເຜົ່າບ້ານອ້ອມຂ້າງ ເທດສະບານ 2 ເມືອງດ້ວຍຄວາມອົບອຸ່ນ.
ຜ່ານຮັບຟັງການລາຍງານຈາກທ່ານເຈົ້າເມືອງໆກວັນ ແລະ ເມືອງຊໍາໃຕ້ ,ກ່ຽວ ກັບການພັດທະນາພື້ນຖານໂຄງລ່າງ, ການພັດທະນາເສດຖະກິດ-ສັງຄົມ, ການປັບປຸງຊິວິດການເປັນຢູ່ຂອງປະຊາຊົນບັນດາເຜົ່າທັງ 2 ເມືອງໃນໄລຍະຜ່ານມາແລ້ວ, ທ່ານ ທອງລຸນ ສີສຸລິດ ປະທານປະເທດແຫ່ງ ສປປລາວ ໄດ້ສະແດງຄວາມຍ້ອງຍໍຊົມເຊີຍຕໍ່ຜົນງານທີ່ເຮັດໄດ້ ແລະ ຝາກຄວາມຢ້ຽມຢາມຖາມຂ່າວ ອັນອົບອຸ່ນ ມາຍັງການນຳຂອງ 2 ເມືອງ, ສະມາຊິກພັກ, ພະນັກງານ – ລັດຖະກອນ, ຄະນະພັກ – ຄະນະບັນຊາ ກຳລັງປະກອບອາວຸດໃນແຕ່ລະຂັ້ນ ຕະຫຼອດຮອດປະຊາຊົນບັນດາເຜົ່າ ທີ່ໄດ້ເອົາໃຈໃສ່ໃນການນຳພາ-ຊີ້ນຳ ,ຈັດຕັ້ງປະຕິບັດແຜນພັດທະນາເສດຖະກິດ – ສັງຄົມ, ວຽກງານປ້ອງກັນຊາດ – ປ້ອງກັນຄວາມສະຫງົບ ຢູ່ພາຍໃນເມືອງ ໃນແຕ່ລະໄລຍະໄດ້ເປັນຢ່າງດີ,ມີຄວາມສາມັກຄີ, ສັງຄົມມີຄວາມສະຫງົບ, ເປັນລະບຽບຮຽບຮ້ອຍ ,ປະຊາຊົນພາຍໃນເມືອງຂອງຕົນຍຸຖາງທໍາມາຫາກິນ, ມີກິນມີໃຊ້. ໂອກາດນີ້ທ່ານ ຍັງໄດ້ເນັ້ກໜັກໃຫ້ການນໍາເມືອງແຕ່ລະຂັ້ນຈົ່ງເອົາໃຈໃສ່ບາງວຽກງານ ທີ່ ຍັງຄົງຄ້າງ ແລະ ຄວນປັບປຸງແກ້ໄຂ ແລະ ເປັນສິ່ງທ້າທາຍ ຕໍ່ການປົກປັກຮັກສາ ແລະ ການພັດທະນາເສດ ຖະກິດ-ສັງຄົມ, ການຄຸ້ມຄອງລັດ-ຄຸ້ມຄອງສັງຄົມ, ເວົ້າລວມ; ເວົ້າສະເພາະຢູ່ແຂວງຫົວພັນ ເປັນຕົ້ນແມ່ນ: ຕ້ອງເອົາ¬ໃຈ¬ໃສ່ ເຮັດວຽກງານສຶກສາອົບຮົມການເມືອງ- ແນວຄິດ ໃຫ້ແກ່ສະມາຊິກພັກ, ພະນັກ ງານ-ລັດຖະກອນ ກໍ່ຄືພະນັກງານນັກຮົບ ນາຍ ແລະ ພົນທະຫານ, ນາຍ ແລະ ພົນຕຳຫຼວດ ຢູ່ພາຍໃນເມືອງຂອງຕົນ, ນໍາເອົາແນວ¬ທາງນະ¬ໂຍ¬ບາຍຂອງພັກ, ລະບຽບ-ກົດ¬ໝາຍຂອງລັດ, ຕ້ອງກຳໄດ້ທິດທາງໜ້າທີ່ຂອງ 2 ກຳລັງ, ອົດທົນ ຜ່ານຜ່າຂໍ້ຫຍຸ້ງຍາກ ມີນ້ຳໃຈເພິ່ງຕົນເອງ, ກຸ້ມຕົນເອງ ແລະ ສ້າງຄວາມເຂັ້ນແຂງດ້ວຍຕົນເອງຢ່າງແຂງແຮງ, ເອົາໃຈໃສ່ປັບປຸງກໍ່ສ້າງກຳລັງໃຫ້ເຕີມໃຫ່ຍເຂັ້ມແຂງໃນທຸກດ້ານ,ປັບປຸງກໍ່ສ້າງພັກ-ພະນັກງານ ໃຫ້ມີຄວາມ ໜັກແໜ້ນເຂັ້ມແຂງ, ໃຫ້ເປັນຂະບວນການກ້ວາງຂວາງ ມີຄຸນນະ ພາບ, ຕ້ອງເປັນແບບຢ່າງນຳໜ້າໃນທຸກຂະບວນການຂອງມະຫາຊົນ, ເອົາໃຈໃສ່ນຳໃຊ້ທ່າແຮງບົ່ມຊ້ອນພາຍໃນເມືອງ ໂດຍສະເພາະສຸ່ມໃສ່ການປູກຝັງ, ລ້ຽງ ສັດ, ຫັດຖະກຳ ແລະ ການບໍລິການ ເພື່ອແນ່ໃສ່ແກ້ໄຂຊີວິດການເປັນຢູ່ ໃຫ້ມີ ທ່າອ່ຽງດີຂື້ນເປັນກ້າວໆຕ້ອງສຸ່ມໃສ່ຕ້ານ ແລະ ສະກັດກັ້ນບັນຫາຂອງຢາເສບຕິດໃຫ້ຫຼຸດໜ່ອຍຖອຍລົງ, ເຮັດໃຫ້ສັງຄົມມີຄວາມສະຫງົບເປັນລະບຽບຮຽບຮ້ອຍ, ປະຊາຊົນຫຼຸດພົ້ນອອກຈາກຄວາມທຸກຍາກເທື່ອລະກ້າວ.
ໂອກາດນີ້ທ່ານພ້ອມດ້ວຍຄະນະ ຍັງໄດ້ລົງຢ້ຽມຢາມເບິ່ງບາງກິດຈະກໍາທີ່ສາມາດສ້າງວຽກເຮັດງານທໍໍາໃຫແກ່ປະຊາຊົນຢູ່ 2 ເມືອງຕື່ມອີກ.
