ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ປະທານປະເທດ ຢ້ຽມຢາມ ເພັດພູທອງ ຟາມ

ຕອນເຊົ້າວັນທີ 3 ກັນຍາ 2020 ທ່ານ ບຸນຍັງ ວໍລະຈິດ ປະທານປະເທດ ພ້ອມດ້ວຍ ທ່ານ ສິນລະວົງ ຄຸດໄພທູນ ເຈົ້າຄອງນະຄອນຫລວງວຽງຈັນ ແລະ ບັນດາຕາງຫນ້າພະແນກການທີ່ກ່ຽວຂ້ອງຂອງນະຄອນຫລວງວຽງຈັນ ໄດ້ໄປຢ້ຽມຢາມ ແລະ ຊຸກຍູ້ການລ້ຽງສັດຢູ່ ເພັດພູທອງ ຟາມ ເຊິ່ງຕັ້ງຢູ່ບ້ານໂພນໄຮ່ຄຳ ເມືອງໄຊທານີ ນະຄອນຫຼວງວຽງຈັນ ໂດຍການຕ້ອນຮັບຂອງທ່ານ ຄອນສະຫວັນ ເພັດພູທອງ ເຈົ້າຂອງຟາມດັ່ງກ່າວ.
ຟາມດັ່ງກ່າວ ເລີ່ມສັ້ງຕັ້ງມາແຕ່ປີ 2015 ເພື່ອລ້ຽງງົວຊີ້ນຈຳໜ່າຍ ໂດຍມີຕະຫລາດຈໍາຫນ່າຍຕົ້ນຕໍແມ່ນພາຍໃນປະເທດ. ປັດຈຸບັນມີງົວ 263 ໂຕ. ມີທັງງົວພື້ນເມືອງ ແລະ ງົວພັນປະສົມ ໂດຍໄດ້ວາງຄາດຫມາຍແຕ່ປີ 2020-2025 ຈະຂະຫຍາຍການລ້ຽງງົວໃຫ້ໄດ້ 800 ໂຕ ຈະມີງົວຂາຍອອກ 1.600 ໂຕ/ປີ ລວມ 5 ປີ ຈະມີທັງໝົດ 8.000 ໂຕ ແລະ ຈະມີແຜນຂະຫຍາຍການລ້ຽງງົວເພີ່ມຂຶ້ນເລື້ອຍໆ ເນື້ອທີ່ລວມຂອງຟາມແຫ່ງນີ້ ມີ 11 ກວ່າເຮັກຕາ ໃນນີ້ ມີເນື້ອທີ່ປູກຫຍ້າປະມານ 5 ເຮັກຕາ, ໜອງປາ, ເນື້ອທີ່ນາ ແລະ ສິ່ງປຸກສ້າງອື່ນໆ.
ໃນໂອກາດນີ້ ປະທານປະເທດ ໄດ້ສະແດງຄວາມຊົມ ເຊີຍຕໍ່ຜົນສໍາເລັດໃນການພັດທະນາຂອງຟາມດັ່ງກ່າວ ແລະ ໄດ້ແນະນໍາທາງຟາມສືບຕໍ່ເອົາໃຈໃສ່ລ້ຽງງົວທີ່ມີຄຸນນະພາບ ເພື່ອປະກອບສ່ວນສະຫນອງຮັບໃຊ້ສັງຄົມໃຫ້ນັບມື້ເພີ່ມຂຶ້ນ ແລະ ພຽງພໍກັບຄວາມຕ້ອງການຂອງຜູ້ບໍລິໂພກ.

ຂ່າວ: ບຸນຕຽງ ຈັນທະວົງ