ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ
ໃນວັນທີ 12 ທັນວາ 2013 ນີ້, ທ່ານ ທອງລຸນ ສີສຸລິດ ປະທານປະເທດ ພ້ອມຄະນະ ໄດ້ເຄື່ອນໄຫວຢ້ຽມຢາມ ແລະ ພົບປະໂອ້ລົມຄະນະພັກ, ຄະນະນຳ ແລະ ພະນັກງານຫລັກແຫລ່ງຂອງຢູ່ແຂວງບໍລິຄຳໄຊ ໂດຍການຕ້ອນຮັບຂອງ ທ່ານ ກອງແກ້ວ ໄຊສົງຄາມ ເຈົ້າແຂວງບໍລິຄຳໄຊ ພ້ອມທັງໄດ້ລາຍງານກ່ຽວກັບສະພາບລວມຂອງແຂວງ, ຜົນສຳເລັດການຈັດຕັ້ງປະຕິບັດວຽກງານທີ່ຜ່ານມາ ເປັນຕົ້ນ ວຽກງານປ້ອງກັນຊາດ-ປ້ອງກັນຄວາມສະຫງົບ, ວຽກພັກ-ພະ ນັກງານ, ວຽກງານກໍ່ສ້າງຮາກຖານການເມືອງ ແລະ ແກ້ໄຂຄວາມທຸກຍາກຕິດພັນກັບວຽກງານສາມສ້າງ ແລະ ວຽກງານອື່ນໆ. ລວມຍອດຜະລິດຕະພັນພາຍໃນ 9 ເດືອນຜ່ານມາ ສາມາດບັນລຸໄດ້ 7 ພັນຕື້ກວ່າກີບ ເທົ່າກັບ 100,14% ຂອງແຜນການປີ, ບ້ານພົ້ນທຸກ 264 ບ້ານ ເທົ່າກັບ 92% ແລະ ທົ່ວແຂວງມີຄອບຄົວພົ້ນທຸກແລ້ວ ກວມກວ່າ 95%.
ທ່ານ ທອງລຸນ ສີສຸລິດ ໄດ້ສະແດງຄວາມຊົມເຊີຍຕໍ່ຜົນສໍາເລັດ ທີ່ທາງແຂວງບໍລິຄຳໄຊ ຍາດມາໄດ້ໃນໄລຍະຜ່ານ, ພ້ອມທັງ ໄດ້ໃຫ້ທິດຊີ້ນຳຕໍ່ຫລາຍວຽກງານສຳຄັນ ເປັນຕົ້ນແມ່ນໃຫ້ຖືເອົາວຽກງານສຶກສາອົບຮົມການເມືອງ-ແນວຄິດ ເປັນສຳຄັນ ໃນການປຸກລະດົມຂົນຂວາຍ ໃຫ້ປະຊາຊົນບັນດາເຜົາ ເປັນກຳລັງແຮງເຂົ້າຮ່ວມ ໃນທຸກຂະບວນການພັດທະນາໃນທົ່ວສັງຄົມ, ເອົາໃຈໃສ່ວຽກງານປ້ອງກັນຊາດ-ປ້ອງກັນຄວາມສະຫງົບຢ່າງແຂງແຮງ, ສຸມໃສ່ຕ້ານ ແລະ ສະກັດກັ້ນ ກົນອຸ ບາຍທີ່ບໍ່ດີຂອງສັດຕູ ໃຫ້ທັນເວລາ, ສຸມໃສ່ຈັດຕັ້ງປະຕິບັດ 2 ວາລະແຫ່ງຊາດ ໃຫ້ສຳເລັດຕາມຄາດໝາຍທີ່ວາງໄວ້, ສົ່ງ ເສີມການຜະລິດ ແລະ ຊົມໃຊ້ຜະລິດຕະພັນພາຍໃນ ໃຫ້ຫລາຍຂຶ້ນ, ຫລຸດຜ່ອນການນຳເຂົ້າ ແລະ ສ້າງເສດ ຖະກິດເອກະ ລາດເປັນເຈົ້າຕົນເອງ, ສຸມໃສ່ວຽກງານປັບປຸງຊີວິດການເປັນຢູ່ຂອງພໍ່ແມ່ປະຊາຊົນໃຫ້ດີຂຶ້ນ, ແກ້ໄຂຄວາມທຸກຍາກ ໃຫ້ໄດ້ທັງປະລິມານ ແລະ ຄຸນ ນະພາບ, ກຽມຄວາມພ້ອມກອງປະຊຸມໃຫຍ່ 3 ຂັ້ນ ໃຫ້ມີເນື້ອໃນຄົບຖ້ວນສົມ ບູນ, ການຄັດເລືອກບຸກຄະລາກອນ ໃຫ້ມີຄຸນນະພາບ, ໄດ້ຮັບປະສິດທິຜົນ ຕາມຄາດໝາຍທີ່ວາງໄວ້ ແລະ ວຽກງານອື່ນໆ.
ໂອກາດນີ້, ທອງລຸນ ສີສຸລິດ ພ້ອມຄະນະໄດ້ເດີນທາງໄປຢ້ຽມຢາມໂຮງງານຜະລິດໝໍ້ແປງໄຟຟ້າ ຫຍີ້ຫໍ້ ເອັດສ໌ເຄ(SK) ຂອງບໍລິສັດ ເອັດສ໌ອີເອັດສ໌(SES) ກໍ່ສ້າງຄົບວົງຈອນ ຈໍາກັດ ຢູ່ບ້ານໂພນສະອາດ ເມືອງປາກຊັນ ເຊິ່ງໂຮງງານດັ່ງກ່າວ ສາມາດຜະລິດໝໍ້ແປງໄຟຟ້າ ໄດ້ພຽງພໍສໍາລັບການຊົມໃຊ້ພາຍໃນປະເທດ, ໄດ້ຖືກຮັບຮອງມາດຕະຖານໄອເອັດສ໌ໂອ (ISO), ຮັບຮອງເຄື່ອງໝາຍການຄ້າຈາກກະຊວງວິທະຍາສາດເຕັກໂນໂລຊີ ແລະ ເຄື່ອງ ໝາຍສິນຄ້າລາວ ເປັນທີ່ຮຽບຮ້ອຍແລ້ວ. ຈາກນັ້ນ, ກໍໄດ້ໄປຢ້ຽມຢາມ ຟາມງົວພູທອນ ຢູ່ບ້ານນາສົ້ມມໍ ເມືອງປາກຊັນ ທີ່ເປັນຟາມລ້ຽງງົວສາຍພັນບາມັ່ນ ເຊິ່ງຈະໂຕໃຫຍ່ກວ່າງົວທົ່ວໄປ, ປັດຈຸບັນມີງົວທັງໝົດ 80 ໂຕ, ປີໜຶ່ງເກີດລູກ ປະມານ 40 ກວ່າໂຕ. ພ້ອມທັງໄປຢ້ຽມຢາມໂຮງຮຽນມັດທະຍົມປາຍປາກຊັນ ແລະ ໄດ້ຮັບຟັງການລາຍງານຫຍໍ້ ກ່ຽວກັບສະພາບລວມຂອງໂຮງຮຽນ, ວຽກງານທີ່ພົ້ນເດັ່ນໃນໄລຍະຜ່ານມາ ເປັນຕົ້ນ ການປັບປຸງສ້ອມແປງໂຮງຮຽນໃນປັດຈຸບັນ ທີ່ໄດ້ຮັບທຶນຊ່ວຍເຫລືອຈາກກອງທຶນໜຶ່ງດວງໃຈບໍລິຄຳໄຊຊ່ວຍເຫລືອສັງຄົມ ລວມມູນຄ່າ 1 ຕື້ກວ່າກີບ. ໂອກາດນີ້, ທ່ານປະທານປະເທດ ຍັງໄດ້ມອບຄອມພີວເຕີ, ປິ່ນເຕີ່, ອຸປະກອນການຮຽນ- ການສອນ ແລະ ອຸປະກອນກິລາ ໃຫ້ໂຮງຮຽນມັດທະຍົມປາຍປາກຊັນ ຕື່ມອີກ.
ຂ່າວ-ພາບ: ສີປະເສີດ
May be an image of 7 people