ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ
ປະທານສະພາແຫ່ງຊາດຫວຽດນາມຢ້ຽມຢາມ ແລະ ເຮັດວຽກ ຢູ່ ສປປ ລາວ
ໃນວັນທີ 4 ທັນວາ 2023 ນີ້, ສະຫາຍ ເວືອງ ດິງ ເຫວະ ກໍາມະການກົມການເມືອງສູນກາງພັກກອມມູນິດຫວຽດນາມ, ປະທານສະພາແຫ່ງຊາດ ແຫ່ງ ສສ ຫວຽດນາມ ພ້ອມດ້ວຍຄະນະ ໄດ້ເດີນ ທາງມາເຖິິງ ສະໜາມບິນສາກົນວັດໄຕ ນະຄອນຫລວງວຽງຈັນ ເພື່ອເຂົ້າຮ່ວມກອງປະຊຸມສຸດຍອດລັດຖະສະພາ
ກໍາປູເຈຍ, ລາວ ແລະ ຫວຽດນາມ ໃນລະຫວ່າງ ວັນທີ 4-7 ທັນວາ 2023 ໃຫ້ກຽດຕ້ອນຮັບ ໂດຍ ສະຫາຍ ນາງ ສູນທອນ ໄຊຍະຈັກ ເລຂາທິການສູນກາງພັກ, ຮອງປະທານສະພາແຫ່ງຊາດ, ປະທານຄະນະມິດຕະພາບລັດຖະສະພາລາວ-ຫວຽດນາມ ພ້ອມດ້ວຍຄະນະ ແລະ ສະຫາຍ ຫງວຽນ ບາ ຮຸ່ງ ເອກອັກຄະລັດຖະທູດວິສາມັນ ຜູ້ມີອຳນາດເຕັມ ແຫ່ງ ສສ ຫວຽດນາມ ປະຈຳ ສປປ ລາວ.
ການເດີນທາງມາຢ້ຽມຍາມ ສປປລ ລາວ ໃນຄັ້ງນີ້, ແນໃສ່ເສີມຂະຫຍາຍສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານລະຫວ່າງ ສອງພັກ, ສອງລັດ ແລະ ປະຊາຊົນສອງຊາດ ລາວ-ຫວຽດນາມ, ຫວຽດນາມ-ລາວ ເວົ້າລວມ, ເວົ້າສະເພາະລະຫວ່າງ ສະພາແຫ່ງຊາດລາວ ແລະ ສະພາແຫ່ງຊາດຫວຽດນາມ ໃຫ້ນັບມື້ນັບຂະຫຍາຍຕົວ ແລະ ແໜ້ນແຟ້ນຍິ່ງຂຶ້ນ ແລະ ເພື່ອປຶກສາຫາລື ກ່ຽວກັບສະ ພາບການ ພາກພື້ນ, ສາກົນ ທັງເປັນການ ຊຸກຍູ້ການພົວພັນຮ່ວມມື ລະຫວ່າງ ສອງອົງການນິຕິບັນຍັດ ລາວ-ຫວຽດນາມ, ສົ່ງເສີມການຮ່ວມມື ຂອງສອງປະເທດໃນຂົງເຂດຕ່າງໆເຊັ່ນ: ການຍົກສູງການພັດ ທະນາເສດຖະກິດ-ສັງຄົມ, ການລົງທຶນດ້ານການສຶກສາ, ສາທາລະນະສຸກ ແລະ ຊຸກຍູ້ສົ່ງເສີມການ ທ່ອງທ່ຽວ ລະຫວ່າງ ລາວ-ຫວຽດນາມ.
ໃນໂອກາດນີ້, ສະຫາຍ ເວືອງ ດິງ ເຫວະ ພ້ອມດ້ວຍຄະນະ ຍັງຈະໄດ້ພົບປະສອງຝ່າຍ ກັບການນຳຂັ້ນສູງຂອງ ສປປລ ລາວ ຕື່ມອີກ.
ຂ່າວ: ທະນູທອງ
ພາບ: ເກດສະໜາ