ວັນທີ 15 ທັນວາ ຜ່ານມານີ້ ທ່ານ ນາງ ປານີ ຢ່າທໍ່ຕູ້ ປະທານສະພາແຫ່ງຊາດພ້ອມດ້ວຍຄະນະ ໄດ້ເຄື່ອນໄຫວ ຢ້ຽມຢາມ ແລະ ເຮັດວຽກຢູ່ເມືອງນ້ຳບາກ ໂດຍໄດ້ຮັບການຕ້ອນຮັບຈາກ ທ່ານ ສົມຫວັງ ພອນຄຳວົງສາ ເຈົ້າເມືອງນ້ຳບາກ ໂອກາດນີ້ ທ່ານ ເຈົ້າເມືອງໄດ້ລາຍງານວຽກງານພົ້ນເດັ່ນ ເປັນຕົ້ນ ຜົນສຳເລັດກອງປະຊຸມໃຫຍ່ ຜູ້ແທນອົງຄະນະພັກເມືອງຄັ້ງທີ່ 9, ແຜນພັດ ທະນາເສດຖະກິດ-ສັງຄົມ, ແຜນການກະກຽມ ການເລືອກຕັ້ງສະມາຊິກສະພາແຫ່ງຊາດ ຊຸດທີ 9 ແລະສະພາປະຊາ ຊົນຂັ້ນແຂວງ ຊຸດທີ່ 2, ເມືອງນ້ຳບາກພື້ນທີ່ສວ່ນໃຫຍ່ ເປັນພູ-ຜາ ກວມເອົາ 75% ຂອງເນື້ອທີ່ທັງໝົດ ການຈັດສັນດິນທໍາການຜະລິດ, ສ່ວນ ຫຼາຍພົບກັບຄວາມຫຍຸ້ງຍາກ, ປະຊາຊົນບາງບ້ານຍັງມີແນວຄິດຄອງເດີມ, ບໍ່ໄດ້ນຳໃຊ້ຄວາມຮູ້ດ້ານວິຊາການເຂົ້າຊ່ວຍ, ຂາດ

ທືນຮອນ ແລະໄດ້ຮັບຜົນກະທົບຫຼາຍຢ່າງ; ແຕ່ດວ້ຍຄວາມບຸກບືນ ແລະການຊີ້ນຳ-ນຳພາ ຂອງຄະນະພັກແຕ່ລະຂັ້ນ ບົນຈິດ ໃຈຄວາມສາມັກຄີເປັນເອກະພາບ, ເຊີດຊູຄວາມຮັບຜິດຊອບ, ສຸມສະຕິປັນຢາ, ເຫື່ອແຮງ ເຂົ້າໃນການປະຕິ ບັດໜ້າທີ່ ຄວາມຮັບ ຜິດຊອບຂອງຕົນ ແລະໄດ້ຮັບການສະໜັບສະໜູນຈາກຫຼາຍພາກ ຈີ່ງເຮັດໃຫ້ທົ່ວເມືອງ ມີສະຖຽນລະພາບທາງ ດ້ານການ ເມືອງ ຢ່າງໜັກແໜ້ນ, ສັງຄົມມີຄວາມສະຫງົບປອດໄພໂດຍພື້ນຖານ, ເສດຖະກິດຂະຫຍາຍຕົວໄປຕາມທິດທີ່ຕັ້ງໄວ້ ລວມຍອດຜະລິດ ຕະພັນພາຍໃນ ບັນລຸໄດ້ 1.264 ຕື້ກ່ວາກີບ, ລາຍຮັບສະເລ່ຍ 16 ລ້ານ 7 ແສນກ່ວາກີບ ຕໍ່ຄົນຕໍ່ປີ, ການລົງທືນພາຍໃນມີ 34 ໂຄງ ການ, ມີທືນ 30 ຕື້ 276 ລ້ານກີບ, ລວມຍອດມູນຄ່າສິນຄ້າສົ່ງອອກບັນລຸ 130 ຕື້ 415 ລ້ານກີບຖ້າທຽບ ໃສ່ແຜນການ ປະຕິບັດ ໄດ້ລື່ນແຜນ 4,33%, ເດັກໃນເກນອາຍຸໄດ້ເຂົ້າຮຽນ 99,85%, ປະຊາຊົນໄດ້ຊົມໃຊ້ນໍ້າສະອາດ 98%, ຊົມໃຊ້ວິດຖ່າຍ 92%, ມີບ້ານ ວັດທະນະທຳກວມເອົາ 90,7%; ໂອກາດນີ້ ປະທານສະພາແຫ່ງຊາດ ໄດ້ເນັ້ນໜັກໃຫ້ອົງການປົກຄອງເມືອງເອົາໃຈໃສ່ ໃນການສ້າງ ພະນັກງານສືບທອດ-ປ່ຽນແທນ ທີ່ຫນຸ່ມນ້ອຍ, ໜັກແໜ້ນ, ມີຄວາມຮູ້-ຄວາມສາມາດ, ສ້າງໃຫ້ໄດ້ພະນັກງານເພດ-ເຜົ່າ ໃຫ້ ເພີ້ມຂື້ນ ເພື່ອຕອບສະໜອງຄວາມຕ້ອງການຂອງວຽກງານ ໄລຍະໃໝ່, ນຳໃຊ້ທ່າແຮງຂອງເມືອງ ໃນການເພີ່ງຕົນເອງ, ກຸ້ມ ຕົນເອງ ສ້າງຄວາມເຂັ້ມແຂງດວ້ຍຕົນເອງ ໃຫ້ຫຼາຍຂື້ນກ່ວາເກົ່າ ພ້ອມທັງໃຫ້ຮີບຮ້ອນ, ກະກຽມການເລືອກຕັ້ງ ສະມາຊິກ ສະພາ ແຫ່ງຊາດ ຊຸດທີ 9, ສະພາປະຊາຊົນແຂວງ ຊຸດທີ່ 2 ໃຫ້ທວ່ງທັນກັບເວລາ.

ຂ່າວ: ພອນສັກ ສິງດາລັກ ( ນັກຂ່າວເມືອງນໍ້າບາກ )

Loading...