ວັນທີ 8 ກຸມພາ 2021 ທີ່ສະໂມສອນເມືອງເລົ່າງາມ ແຂວງສາລະວັນ ທ່ານ: ນາງ ປານີ ຢາທໍ່ຕູ້ ກໍາມະການກົມການເມືອງສູນກາງພັກ ປະທານສະພາແຫ່ງຊາດ, ປະທານຄະນະກຳມະການເລືອກຕັ້ງລະດັບຊາດ ເຄື່ອນໄຫວຕິດຕາມ ຊຸກຍູ້ ການກະກຽມ ໃຫ້ແກ່ບັ້ນເລືອກຕັ້ງ ສສຊ ຊຸດທີ 9 ແລະ ສສຂ ຊຸດທີ 2 ທີ່ເມືອງເລົ່າງາມ ໂດຍການເຂົ້າຮ່ວມຕ້ອນຮັບ ຂອງທ່ານ: ໂພໄຊ ໄຊຍະສອນ ກຳມະການສູກາງພັກ ເລຂາພັກແຂວງ ເຈົ້າແຂວງໆສາລະວັນ, ພ້ອມຄະນະນຳຂັ້ນແຂວງ, ຂັ້ນເມືອງ ແລະຕະຫຼອດຮອດພະນັກງານວິຊາການຈາກເມືອງເລົ່າງາມເຂົ້າຮ່ວມ.
ໃນພິທີດັ່ງກ່າວທ່ານ ໂພໄຊ ໄຊຍະສອນ ກຳມະການສູກາງພັກ ເລຂາພັກແຂວງ ເຈົ້າແຂວງໆສາລະວັນ ໄດ້ລາຍງານວ່າ: ມາຮອດປະຈຸບັນແຂວງສາລະວັນໃດ້ເພີ່ມທະວີການຊີ້ນຳ-ນໍາພາຂອງຄະນະພັກ ຕໍ່ການເລືອກຕັ້ງສສຊ ຊຸດທີ IX ແລະ ສສຂ ຊຸດທີ II, ໄດ້ເອົາໃຈໃສ່ຈັດຕັ້ງປະຕິບັດຢ່າງຮີບດ່ວນ, ໃນນັ້ນໄດ້ເກັບກຳຂໍ້ມູນຈຳນວນຄົນຜູ້ມີສິດເລືອກຕັ້ງໃນທົ່ວແຂວງ ໂດຍສະເພາະຝ່າຍພົນລະເຮືອນ, ກຳລັງ ປ້ອງກັນຊາດ ປ້ອງກັນຄວາມສະຫງົບ, ເຊີ່ງແຂວງ ສາລະວັນ ພົນລະເມືອງທັງໝົດ 4ແສນ4 ໝື່ນ 3400 ກວ່າຄົນ, ຍິງ 2 ແສນ 2 ໝື່ນ3,570 ຄົນ, ຜູ້ມີສິດປ່ອນບັດເລືອກຕັ້ງຕົວຈິງຈໍານວນ 2 ແສນ 2 ໝື່ນ 5,790 ກວ່າ ຄົນ, ຍິງ 1 ແສນ 1 ໝື່ນ 3,390ຄົນ, ມີໜ່ວຍປ່ອນບັດເລືອກຕັ້ງທັງໝົດ 358 ໜ່ວຍ, ຫີບບັດລົງຄະແນນສຽງເລືອກຕັ້ງ 716 ຫີບບັດ, ໃນນັ້ນຫີບບັດລົງຄະແນນສຽງເລືອກຕັ້ງສະມາຊິກສະພາແຫ່ງຊາດ ຈໍານວນ 358 ຫີບບັດ, ຫີບບັດລົງຄະແນນສຽງເລືອກຕັ້ງສະມາຊິກສະພາປະຊາຊົນແຂວງ ຈໍານວນ 358 ຫີບບັດ, ມີຄະນະຮັບຜິດຊອບໜ່ວຍປ່ອນບັດ 3 ພັນ 557 ທ່ານ ແລະ ໜ່ວຍງານປ້ອງກັນ ຫີບບັດ 2,200 ກ່ວາ ທ່ານ, ພ້ອມດຽວກັນນີ້ຍັງໃດ້ເອົາໃຈໃສ່ໂຄສະນາເຜີຍແຜ່ໂດຍນຳໃຊ້ຫລາຍຮູບແບບເປັນຕົ້ນ: ໂຄສະນາ ດ້ວຍປາກເປົ່າ, ໂຄສະນາຜ່ານສື່ວິທະຍຸ-ໂທລະພາບ, ສື່ອອນລາຍທາງອິນເຕີເນັດ ແລະ ການຕິດປ້າຍ ຄຳຂັວນຕາມສະຖານທີ່ຕ່າງໆ, ບຸກຄະລາກອນທີ່ສະໝັກຮັບເລືອກຕັ້ງແມ່ນອີງໃສ່ມາດຖານເງື່ອນໄຂ ມີຄວາມຮູ້ຄວາມສາມາດ, ມີເພດ – ເຜົ່າ, ຜູ້ເກົ່າ ແລະຜູ້ໃໝ່ຂອງແຕ່ລະຂົງເຂດວຽກງານ.
ໂອກາດດຽວກັນນັ້ນທ່ານ ນາງ ປານີ ຢາທໍ່ຕູ້ ກໍ່ໄດ້ໃຫ້ກຽດໂອ້ລົມ ແລະຊີ້ແນະການນຳຂອງແຂວງສາລະວັນໃຫ້ກວດກາຄືນເລື່ອງຄວາມພ້ອມຂອງໜ່ວຍປ່ອນບັດແຕ່ລະໜ່ວຍ, ສືບຕໍ່ໂຄສະນາຜ່ານສື່ຕ່າງໆກ່ຽວກັບພາລະບົດບາດ, ສິດ – ໜ້າທີ່, ຜູ້ມີສິດປ່ອນບັດ, ຜູ້ມີສິດລົງຮັບສະໝັກເລືອກຕັ້ງ, ໂດຍບໍ່ຈຳແນກເພດ, ເຜົ່າ, ກວດຄືນການຈັດສົ່ງປະຫັວດຂອງຜູ້ຮັບສະໝັກເລືອກຕັ້ງໃຫ້ໄປເຖິງຈຸດປ່ອນບັດໃນແຕ່ລະຈຸດ, ຫາກມີໃນກໍລະນີຈຸດປ່ອນບັດຢູ່ຫ່າງໄກສອກຫຼີກການເຂົ້າເຖິງພົບຄວາມຫຸ້ຍງຍາກບໍ່ສາມາດໄປຮອດຕາມກຳນົດເວລາກໍ່ຕ້ອງໄດ້ລາຍງານໂດຍຜ່ານແຕ່ລະຂັ້ນຕອນຢ່າງລະອຽດ, ເພື່ອປ່ຽນເວລາຂອງການປ່ອນບັດຢູ່ຈຸດດັ່ງກ່າວຕາມຄວາມເປັນຈິງ, ສ້າງທຸກເງື່ອນໄຂເຮັດໃຫ້ບັ້ນເລືອກຕັ້ງຄັ້ງນີ້ຮັບປະກັນໃຫ້ໄດ້ 3 ຄາດໝາຍໃຫ່ຍທີ່ພັກໄດ້ກໍານົດໄວ້ຄື: ຮັບປະກັນໃຫ້ຜູ້ມີສິດປ່ອນບັດເລືອກຕັ້ງຕ້ອງໄປປ່ອນບັດໃຫ້ໄດ້100%,ຮັບປະກັນບໍ່ໃຫ້ມີບັດຕາຍ 100% ແລະ ຮັບປະກັນຄວາມສະຫົງບປອດໄພໃຫ້ໄດ້ 100%.
ໂດຍ: ກິນດາວັນ ອ້ວນນາຄູ
Loading...