ປະທານສະພາແຫ່ງຊາດ ແຫ່ງ ສສ ຫວຽດນາມເຂົ້າວາງພວງມາລາ ຢູ່ອະນຸສາວະລີ ນັກຮົບນິລະນາມ

ຕອນເຊົ້າໃນວັນທີ 16 ພຶດສະພາ 2022 ນີ້, ສະຫາຍ ເວືອງ ດິງ ເຫວະ ກຳມະການກົມການເມືອງ ສູນກາງພັກກອມມູນິດຫວຽດນາມ, ປະທານສະພາແຫ່ງຊາດ ແຫ່ງ ສສ ຫວຽດນາມ ພ້ອມດ້ວຍຄະນະ ແລະ ຝ່າຍລາວ ນຳໂດຍ ສະຫາຍ ສົມມາດ ພົນເສນາ ຮອງປະທານສະພາແຫ່ງຊາດລາວ ພ້ອມຄະນະ ໄດ້ເຂົ້າວາງພວງມາລາ ທີ່ອະນຸສາວະລີ ນັກຮົບນິລະນາມ(ດາວແດງ) ນະຄອນຫລວງວຽງຈັນ ໃນໂອກາດເດີນທາງມາຢ້ຽມຢາມ ສັນຖະວະໄມຕີ ຢູ່ ສປປ ລາວ ແຕ່ວັນທີ 15-17 ພຶດສະພາ 2022.

ການວາງພວງມາລາ ໃນຄັ້ງນີ້, ເພື່ອລະລຶກເຖິງ ຄຸນງາມຄວາມດີຂອງບັນດານັກຮົບປະຕິວັດ ທີ່ເສຍສະຫລະຊີວິດ ເພື່ອພາລະກິດປົດປ່ອຍຊາດ ແລະ ຜົນງານອັນໃຫຍ່ຫລວງຂອງບັນພະບູລຸດລາວ ທີ່ໄດ້ອຸທິດຕົນເພື່ອປະເທດຊາດ ແລະ ການປະຕິວັດ, ຕໍ່ສູ້ກູ້ຊາດ ໃນໄລຍະຜ່ານມາ ຈົນສາມາດຍາດໄດ້ໄຊຊະນະ ແລະ ປົດປ່ອຍປະເທດຊາດ ໃນເມື່ອກ່ອນ ກໍຄື ພາລະກິດປົກປັກຮັກສາ ແລະ ພັດທະນາປະເທດຊາດ ໃນປັດຈຸບັນ.

ຂ່າວ: ກິດຕາ

ພາບ: ຂັນໄຊ