ຕອນເຊົ້າວັນທີ 15 ມີຖຸນາ 2021 ທ່ານ ຮຈ.ດຣ. ພູທອນ ເມືອງປາກ ປະທານອົງການກາແດງລາວ ພ້ອມດ້ວຍຄະນະໄດ້ເຂົ້າຮ່ວມກອງປະຊຸມທາງໄກ ກັບສະພາກາຊາດໄທ ນຳໂດຍທ່ານ ເຕດ ບຸນນາກ ເລຂາທິການສະພາກາຊາດໄທ ເພື່ອປືກສາຫາລືວຽກງນມະນຸດສາທຳ ແລະ ແລກປຽ່ນຄຳຄິດຄຳເຫັນຮ່ວມກັນ ໂອກາດນີ້ ທ່ານເຕດ ບຸນນາກ ໄດ້ສະແດງຄວາມຍ້ອງຍໍຊົມເຊີຍຕໍ່ການມາຮັບໜ້າທີ່ໃຫມ່ຂອງປະທານອົງການກາແດງລາວ ທັງເປັນການສືບຕໍ່ສາຍພົວພັນ ລະຫວ່າງອົງການກາແດງລາວ ແລະສະພາກາຊາດໄທທີມີຍາວນານໃຫ້ແຫນ້ນແຟ້ນຍິ່ງຂື້ນ.
ໃນໂອກາດດັງກ່າວ ປະທານອົງການກາແດງລາວໄດ້ປຶກສາຫາລື ແລກປ່ຽນຫລາຍບັນຫາ ແລະທົບທວນຄືນກອບແຜນການຮ່ວມມືໃນໄລຍະຜ່ານມາ ແລະ ແຜນໃນຕໍ່ຫນ້າ ແລະວຽກງານອື່ນໆ, ເພື່ອກຳນົດເປັນວຽກບູລິມະສິດເປົ້າຫມາຍ ແລະໂຄງການເພື່ອຈັດຕັ້ງປະຕິບັດໃນຕໍ່ຫນ້າ ເປັນຕົ້ນ: ໂຄງການສ້າງຂີດຄວາມສາມາດລະບົບສາງ, ໂຄງການເສີມສ້າງຄວາມເຂັ້ມແຂງວຽກງານເລືອດ,ໂຄງການສ້າງຄວາມເຂັ້ມແຂງທາງດ້ານບຸກຄະລາກອນ ແລະ ອາສາສະໝັກກາແດງ, ໂຄງການເສີມສ້າງຂີດຄວາມສາມາດໃຫ້ເຍົາວະຊົນຢູ່ບັນດາແຂວງເປົ້າໝາຍ; ນອກນັ້ນຍັງມີຫຼາຍໂຄງການທີ່ຍັງຈະຕ້ອງໄດ້ສືບຕໍ່ໃນການຈັດຕັ້ງປະຕິບັດ ເຊິ່ງສະພາກາຊາດໄທຈະໃຫ້ການຊ່ວຍເຫລືອໃນໂຄງການຕ່າງໆທີຢູ່ໃນກອບການຊ່ວຍເຫລືອ ແລະຈະໃຫ້ການສະໜັບສະໜູນເປັນຕົ້ນແມ່ນວຽກຊ່ວຍເຫຼືອບັນເທົາທຸກສຸກເສີນ ເຊິ່ງບາງແຂວງໄດ້ຮັບຜົນກະທົບຈາກໄພນ້ຳຖ້ວມແມ່ນຈະໄດ້ເລັ່ງໃຫ້ການຊ່ວຍເຫຼືອຢ່າງຮີບດ່ວນ ໂດຍສະເພາະແຂວງ ໄຊຍະບູລີ, ແຂວງບໍ່ແກ້ວ, ແຂວງຄຳມ່ວນ ແລະ ແຂວງອື່ນໆທີ່ໄດ້ຮັບຜົນກະທົບຈາກໄພນ້ຳຖ້ວມໃນຄັ້ງນີ້.
Loading...