ໃນວັນທີ 27 ກັນຍາ 2023ນີ້ ທ່ານ ສຈ.ດຣ.ພູທອນ ເມືອງປາກ ປະທານອົງການກາແດງແຫ່ງຊາດລາວ ໄດ້ຕ້ອນຮັບທ່ານ ໂທມັດລາມມາ (H.E. Thomas Lamma), ເອກອັກຄະລັດຖະທູດລຸກຊໍາບວກປະຈໍາລາວ ພ້ອມດ້ວຍຄະນະ, ໃນໂອການນີ້ ທ່ານ ສຈ. ດຣ. ພູທອນ ເມືອງປາກ ໄດ້ສະແດງຄວາມຊົມເຊີຍຕີລາສູງຕໍ່ສາຍພົວພັນມີມາແຕ່ຍາວນານທີ່ນັບມື້ຍິ່ງສູງເດັ່ນຂື້ນລະຫວ່າງ ສປປ ລາວ ແລະລຸກຊຳບວກ ເວົ້າລວມ ເວົ້າສະເພາະກໍແມ່ນລັດຖະບານລຸກຊຳທີ່ໄດ້ໃຫ້ຊ່ວຍເຫລືອລາວໂຄງການຕ່າງໆເປັນຕົ້ນແມ່ນການຕອບສະຫນອງອຸປະກອນເຄືີ່ອງເຢັນເກັບຮັກສາເລືອດ-ສ່ວນປະກອບຂອງເລືອດ ແລະໂຄງການຊ່ວຍເຫລືອດ້ານມະນຸດສະທໍາອື່ນໆໃນໄລຍະຜ່ານມາແມ່ນມີຜົນສຳເລັດຫລາຍດ້ານ. ຈາກນັ້ນທ່ານ ໂທມັດ ລາມມາ ເອກອັກຄະລັດຖະທູດລຸກຊໍາບວກ ປະຈໍາລາວ ໄດ້ສະແດງຄວາມຂອບໃຈຢ່າງສູງມາຍັງທ່ານປະທານອົງການກາແດງແຫ່ງຊາດລາວພ້ອມດ້ວຍຄະນະທີ່ໄດ້ໃຫ້ກຽດຕ້ອນຮັບຢ່າງອົບອຸ່ນ, ໃນໂອກາດນີ້ທັງສອງຝ່າຍຍັງໄດ້ປຶກສາຫາລືກັນຫຼາຍບັນຫາເພື່ອການຮ່ວມມືໃນຕໍ່ໜ້າ ໃນການລະດົມບໍລິຈາກເລືອດແລະສະຫນອງເລືອດທີ່ປອດໄພ ແລະວຽກງານຊ່ວຍເຫລືອມະນຸດສະທໍາອື່ນໆຕື່ມອີກ.
ໂດຍ: ນັກຂ່າວອົງການກາແດງ
