ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ
ລະຫວ່າງວັນທີ 21-24 ພຶດສະພາ ຜ່ານມານີ້ ທ່ານ ຄຳລາວັນ ຈັນທະລາວັນ ປະທານອົງການກາແດງແຫ່ງຊາດລາວ ພ້ອມດ້ວຍຄະນະໄດ້ລົງເຮັດວຽກຢູ່ ສາມແຂວງພາກກາງຄື: ບໍລິຄຳໄຊ, ຄຳມ່ວນ ແລະ ສະຫວັນນະເຂດ.
ການລົງຢຽ້ມຢາມ ແລະ ເຮັດວຽກຂອງຄະນະໃນຄັ້ງນີ້ ເພື່ອພົບປະໂອ້ລົມ ແລະ ຊີ້ນຳພະນັກງານຫຼັກແຫຼ່ງ, ພະນັກງານວິຊາການແລະ ອາສາສະໝັກ ພ້ອມທັງມອບເຄື່ອງສຸຂະອະນາໄມ, ເຄື່ອງອຸປະໂພກ-ບໍລິໂພກຈຳນວນໜຶ່ງ ລວມມູນຄ່າ 20 ກວ່າລ້ານກີບໃຫ້ກັບສາມອົງການກາແດງແຂວງ ເພື່ອນຳໃຊ້ເຂົ້າໃນການຊ່ວຍເຫຼືອບັນເທົາທຸກໃຫ້ກັບຄອບຄົວທຸກຍາກ, ຂາດເຂີນ, ປຽ່ວພອຍດ້ວຍໂອກາດ ແລະ ອື່ນໆ ພາຍໃນແຂວງຂອງຕົນ ພ້ອມທັງໄປຢຽ້ມຢາມສູນເລືອດແຂວງ, ສາງເຄື່ອງ
ໃນໂອກາດທີ່ໄດ້ລົງເຄື່ອນໄຫວ ແລະ ເຮັດວຽກໃນຄັ້ງນີ້ແລ້ວ ຄະນະດັ່ງກ່າວຍັງໄດ້ເຂົ້າພົບປະທ່ານ ວັນໄຊ ພອງສະຫວັນ ເຈົ້າແຂວງຄຳມ່ວນເພື່ອລາຍງານຈຸດປະສົງໃນການລົງເຄື່ອນໄຫວ ແລະ ເຮັດວຽກໃນຄັ້ງນີ້
ຂ່າວຍັງໃຫ້ຮູ້ອີກວ່າ ທ່ານ ຄຳລາວັນ ຈັນທະລາວັນ ພ້ອມດ້ວຍຄະນະຍັງໄດ້ເຂົ້າຮ່ວມພິທີເປີດສູນກູ້ໄພ 1625 ອົງການກາແດງແຫ່ງຊາດລາວ ສາຂາ ທີ 9 ປະຈຳແຂວງສະຫວັນນະເຂດ ແລະ ໄດ້ມອບລົດກູ້ໄພສຸກເສີນຈຳນວນ 1 ຄັນ ລວມມູນຄ່າ 300 ກວ່າລ້ານກີບໃຫ້ກັບອົງການກາແດງແຂວງສະຫວັນນະເຂດ ໃນການນຳໃຊ້ເຂົ້າໃນວຽກງານກູ້ໄພສຸກເສີນ ພ້ອມທັງເປັນການບໍລິການຊ່ວຍເຫຼືອສັງຄົມ ໃນການຊ່ວຍເຫຼືອຄົນເຈັບ, ທີ່ເກີດຈາກອຸບັດຕິເຫດຕາມທ້ອງຖະໜົນ, ຄົນເຈັບສຸກເສີນ ໃຫ້ວ່ອງໄວ ແລະ ທັນເວລາ. ເຊິ່ງໝາຍເລກໂທລະສັບສາຍດ່ວນແມ່ນ 041 1625 ບໍລິການຕະຫຼອດ 24 ຊົ່ວໂມງ
ທີ່ມາ: ໜັງສືພິມປະຊາຊົນ