ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ
ປະທານ ປກຊ-ປກສ ແຂວງບໍລິຄຳໄຊ ພົບປະກອງຮ້ອຍທະຫານຊາຍແດນ 252
ໃນວັນທີ 10 ມິຖຸນາຜ່ານມານີ້ ທ່ານ ສອນທະນູ ທຳມະວົງ ຮັກສາການເຈົ້າແຂວງບໍລິຄຳໄຊ ປະທານປ້ອງກັນຊາດ (ປກຊ)- ປ້ອງກັນຄວາມສະຫງົບ (ປກສ) ແຂວງ ໄດ້ພົບປະໂອ້ລົມພະນັກ ງານ-ນັກຮົບກອງຮ້ອຍທະຫານຊາຍແດນ 252 ປະຈຳ ເມືອງໄຊຈຳພອນ, ມີທ່ານ ບົວສອນ ບຸບຜາວັນ ອາດີດນາຍົກລັດຖະມົນຕີແຫ່ງສປປລາວ ພ້ອມດ້ວຍການນຳຂັ້ນສູງຈາກສູນກາງ, ແຂວງ, ເມືອງເຂົ້າຮ່ວມ.
ທ່ານ ພັນຕີ ຫອມ ໄມໂນລາດ ຫົວໜ້າການທະຫານກອງ ຮ້ອຍທະຫານຊາຍແດນ 252 ໄດ້ຍົກໃຫ້ເຫັນຂໍ້ສະດວກ, ຂໍ້ ຫຍຸ້ງຍາກ ຜ່ານການປະຕິບັດໜ້າທີ່ເຫັນວ່າມີຄວາມສະຫງົບໂດຍພື້ນຖານ, ສັງຄົມມີຄວາມສະຫງົບປອດໄພ ຊີວິດການເປັນຢູ່ຂອງປະຊາຊົນດີຂຶ້ນ, ກຳລັງປະກອບອາວຸດມີຄວາມເຕີບໃຫຍ່ເຂັ້ມແຂງທາງດ້ານການເມືອງ ມີຄວາມເຊື່ອໝັ້ນຕໍ່ການຊີ້ນຳ-ນໍາພາຂອງຂັ້ນເທິງ, ປະຕິບັດລະບອບປະຈຳການປົກກະຕິ 24 ຊົ່ວໂມງຕາມປ້ອມ, ຕາມຈຸດຕ່າງໆ. ຄຽງຄູ່ກັນນັ້ນໄດ້ສ້າງພະລາທິການກັບທີ່ດ້ວຍການປູກ-ການລ້ຽງ, ສ້າງຄວາມເຂັ້ມແຂງກຸ້ມຕົນເອງທາງດ້ານສະບຽງອາຫານ, ຮັດແໜ້ນຄວາມສາມັກຄີກັບປະຊາຊົນໃນທ້ອງຖິ່ນໄດ້ດີ.
ໂອກາດນີ້, ທ່ານ ສອນທະນູ ທຳມະວົງ ໄດ້ໃຫ້ກຽດໂອ້ລົມເນັ້ນໜັກໃຫ້ຄະນະພັກ, ຄະນະບັນຊາ ຖືເອົາວຽກງານການເມືອງແນວຄິດເປັນກົກໃນຖັນແຖວສະມາຊິກພະນັກງານ-ນັກຮົບ ປະຕິ ບັດແຜນງານ, ໂຄງການທີ່ກະຊວງປ້ອງກັນປະເທດວາງອອກໃຫ້ປະກົດຜົນເປັນຈິງ. ພ້ອມນັ້ນຍັງມອບເຄື່ອງບໍລິໂພກຈຳນວນໜຶ່ງໃຫ້ກອງຮ້ອຍທະຫານຊາຍແດນ 252 ເພື່ອນຳໃຊ້ເຂົ້າໃນຊີ ວິດປະຈຳວັນ. ໃນວັນດຽວກັນ, ຄະນະນຳຂັ້ນແຂວງຍັງໄດ້ພົບປະຢ້ຽມຢາມ ແລະ ມອບເຄື່ອງບໍລິໂພກຈຳນວນໜຶ່ງໃຫ້ພະນັກງານປະຈຳດ່ານນໍ້າອ້ອນ-ແທງຖູຍຕື່ມອີກ.
ຂ່າວ-ພາບ: ສາຍສະໝອນ