ON AIR

ຟັງວິທະຍຸ FM103.7Mhz ອອນລາຍ
Listen to Radio FM103.7Mhz Online

ປະທານ ສນຊ ເນັ້ນການເຕົ້າໂຮມ ຄວາມສາມັກຄີ ທົ່ວປວງຊົນ

ກອງ​ປະຊຸມ​ ສາມັນຄົບຄະນະ ກຳມະການສູນກາງ ແນວລາວສ້າງຊາດ ຄັ້ງທີ 2 ສະໄໜທີ X ໄດ້ປຶກສາ​ຫາລື ​ແລະ ​ແລກປ່ຽນ​ວຽກ​ງານ​ສໍາຄັນ​ຂອງ​ຊາດ ພ້ອມ​ໄດ້​ເນັ້ນ​ໃຫ້ ​​ເຕົ້າ​ໂຮມ​ຄວາມ​ສາມັກຄີ​ ທົ່ວ​ປວງ​ຊົນ ພ້ອມ​ໃຫ້ກຳມະການ ສູນກາງແນວລາວສ້າງຊາດ ​ແຕ່ລະຂັ້ນ ​ເອົາ​ໃຈໃສ່ວຽກງານໂຄສະນາກ່ຽວກັບ ການເຄື່ອນໄຫວ ຂອງແນວລາວສ້າງຊາດ ນັບທັງສູນກາງ ແລະ ທ້ອງຖີ່ນ ໃຫ້ກ້ວາງຂວາງ ໂດຍຜ່ານສື່ສິ່ງພິມ. ໂທລະພາບ, ວິທະຍຸ ແລະ ແວບໄຊ ໃຫ້ຄົ້ນຄ້ວາສ້າງຕັ້ງ ໜັງສືພິມ “ແນວລາວສ້າງຊາດ” ການຮຽບຮຽງ ປະຫວັດສາດຂອງແນວລາວສ້າງຊາດ.

 

ໃນ​ວັນ​ທີ 17 ມີນາ 2017ຜ່ານມາ, ກອງ​ປະຊຸມ​ສາມັນຄົບຄະນະ ກຳມະການສູນກາງແນວລາວສ້າງຊາດ ຄັ້ງທີ 2 ສະໄໜທີ X ກໍ​ໄດ້​ດໍາ​ເນີນ​ເປັນ​ມື້​ທີ 2 ພາຍ​ໃຕ້​ການ​ເປັນ​ປະທານ​ຂອງ ​ ທ່ານ ໄຊສົມພອນ ພົມວິຫານ ​ກຳມະການກົມການເມືອງ ສູນກາງພັກ ປະ​ທານສູນກາງ ແນວລາວສ້າງຊາດ (ສນຊ) ​​ໃນ​ໂອກາດ​ດັ່ງກ່າວ​ນີ້ ທ່ານ​ກໍ​ໄດ້​ໂອ້​ລົມ​ຕໍ່​ ກອງ​ປະຊຸມ​ສາມັນຄົບຄະນະ ​ແລະ ໄດ້​ເນັ້ນ​ໃຫ້​ກຳມະການ ສູນກາງ ແນວລາວສ້າງຊາດ ​ແຕ່ລະຂັ້ນ​ເອົາ​ໃຈໃສ່ວຽກງານ ໂຄສະນາກ່ຽວກັບການເຄື່ອນໄຫວ ຂອງແນວລາວສ້າງຊາດ ນັບທັງສູນກາງ ແລະ ທ້ອງຖີ່ນ ໃຫ້ກ້ວາງຂວາງໂດຍຜ່ານ ສື່ສິ່ງພິມ. ໂທລະພາບ, ວິທະຍຸ ແລະ ແວບໄຊ ໃຫ້ຄົ້ນຄ້ວາສ້າງຕັ້ງ ໜັງສືພິມ “ແນວລາວສ້າງຊາດ” ການຮຽບຮຽງ ປະຫວັດສາດຂອງແນວລາວສ້າງຊາດ.

 

ທ່ານ ປະ​ທານສູນກາງ ແນວລາວສ້າງຊາດ ຍັງ​ໄດ້​ຍົກ​ໃຫ້​ບາງ​ດ້ານ​ ທີ່​ພົ້ນ​ເດັ່ນວ່າ: ວຽກງານ ບັນດາເຜົ່າ ຖືວ່າເປັນວຽກງານ ສຳຄັນໜຶ່ງ ທີ່ກຳມະການແນວລາວ ຈະຕ້ອງເອົາໃຈໃສ່ກຳແໜ້ນ ແລະ ສຶກສາອົບຮົມປະຊາຊົນ ບັນດາເຜົ່າ​ ໂດຍປະຕິບັດຕາມແນວທາງ ນະໂຍບາຍຂອງພັກ ລະບຽບກົດໜາຍຂອງລັດ ໂຄສະນາມູນເຊື້ອ ຄວາມສາມັກຄີ ມູນເຊື້ອທາງດ້ານ ວັດທະນະທຳ ທີ່ເປັເອກະລັກ ຂອງຊົນເຜົ່າຕ່າງໆ ເພື່ອສ້າງໃຫ້ເຂົາເຈົ້າ ມີຄວາມທະນົງໃຈ ແລະ ພູມໃຈ ໃນຄວາມເປັນຊົນເຜົ່າຕ່າງໆ ສືບຕໍ່ເອົາໃຈໃສ່ເກັບກຳສະຖິຕິ ບັນດາບຸກຄົນທີ່ມີບົດບາດ ເປັນໂຕແທນ ຂອງບັນດາເຜົ່າ ໃນຂອບເຂດທົ່ວປະເທດ ມູນເຊື້ອຄວາມສາມັກຄີ ລະຫວ່າງ ປະຊາຊົນບັນດາເຜົ່າ ແລະ ຊົນເຜົ່າທີ່ ຢູ່ລຽບຕາມຊາຍແດນ ກັບບັນດາ ປະເທດໃກ້ຄຽງ ໂດຍສະເພາະ ແມ່ນບັນດາ ທ້ອງຖີ່ນ ທີ່ມີຊາຍແດນຕິດຈອດກັນ ເພີ່ມທະວີການຮ່ວມມື ການພົບປະສ້າງສັນ ມິດຕະພາບ ມີການຊ່ວຍເຫລືອ ເຊິ່ງກັນ ແລະ ກັນ ໃນການພັດທະນາ ເສດຖະກິດ-ສັງຄົມ ຊ່ວຍເຫລືອກັນ ໃນການກໍ່ສ້າງພຶ້ນຖານໂຄ່ງລາງ ແກ້ໄຂຜົນຮ້າຍ ຈາກໄພພິບັດທຳມະຊາດ, ໄພສົງຄາມ ພ້ອມທັງ ປຸກລະດົມຂົນຂວາຍ ປະຊາຊົນ ສ້າງຊາຍແດນ ເປັນເສັ້ນຊາຍແດນ ແຫ່ງສັນຕິພາບ, ມິດຕະພາບ, ສະຖຽນລະພາບ ການຮ່ວມມື ແລະ ການພັດທະນາ

 

ນອກຈາກ​ນີ້, ກອງປະຊຸມ ຍັງໄດ້ປະກາດ ການແຕ່ງຕັ້ງ ທ່ານ ນາງ ຍອດແກ້ວມະນີ ສຸພານຸວົງ ເປັນຮອງປະທານ ສູນກາງແນວລາວສ້າງຊາດ ທີ່ບໍ່ປະຈຳການ ພ້ອມປະກາດ ການແຕ່ງຕັ້ງ ປະທານ, ຮອງປະທານກວດກາ ສນຊ ແລະ ຍັງໄດ້ສະເໜີແຕ່ງຕັ້ງ ກຳມະການສູນກາງ ແນວລາວສ້າງຊາດ ສະໄໜທີ X ເພີ່ມເຕີ່ມ ແລະ ປ່ຽນແທນຕື່ມອີກ

ຂ່າວ:ຂປລ