ປະທານສະຫະພັນກິລາ ແລ່ນ-ລານ ຄົນພິການແຫ່ງຊາດລາວ ພ້ອມຈະມອບເງິນເພື່ອສະໜັບສະໜູນນັກກິລາແລ່ນລາວ ທີ່ສ້າງຜົນງານປະຫວັດສາດໄດ້ໃນງານມະ ຫະກຳກິລາ ອາຊຽນ ພາຣາເກມ ຄັ້ງທີ 11 ທີ່ເມືອງໂຊໂລ ປະເທດອິນໂດເນເຊຍ.
ໃນໂອກາດທີ່ໄດ້ຮ່ວມສົ່ງຄະນະນໍາແລະນັກກິລາແລ່ນ- ລານຄົນພິການທີມຊາດລາວ ເດີນທາງເຂົ້າຮ່ວມ ອາຊຽນ ພາຣາເກມ 2022 ດ້ວຍຄວາມສະຫວັດດີພາບ, ທ່ານ ວັດ ທະນາໄຊ ລາດສະວົງສິງ ປະທານສະຫະພັນແລ່ນ-ລານຄົນພິການແຫ່ງຊາດລາວ ໃຫ້ຮູ້ວ່າ: ເພື່ອເປັນການກະຕຸ້ນ ແລະ ເປັນກຳລັງໃຈໃຫ້ນັກກິລາແລ່ນ-ລານຄົນພິການທີມຊາດລາວ 3 ຄົນ, ຍິງ 1 ຄົນ ທີ່ກຳລັງເຂົ້າຮ່ວມແຂ່ງຂັນງານກິລາອາຊຽນ ພາຣາເກມ ຄັ້ງທີ 11 ທີ່ເມືອງໂຊໂລ ປະເທດອິນໂດເນເຊຍ ເປັນເຈົ້າພາບ ສາມາດຮັບປະກັນໃນການສ້າງຜົນງານຄັ້ງປະຫວັດສາດ ໃນການໄລ່ລ່າຫຼຽນຄຳໃນງານກິລາດັ່ງກ່າວ ທາງຄະນະບໍລິຫານງານສະຫະພັນແລ່ນ -ລານຄົນພິການແຫ່ງຊາດລາວພ້ອມທີ່ຈະສະໜັບ ສະໜູນຢ່າງເຕັມທີ່ ຖ້າຫາກນັກກິລາ ສາມາດຍາດໄດ້ ຫຼຽນຄຳ ຈະມອບໃຫ້ 10 ລ້ານ, ຫຼຽນເງິນ 8 ລ້ານກີບ ແລະ ຫຼຽນທອງ 5 ລ້ານກີບ.
ການແຂ່ງຂັນກິລາແລ່ນ-ລານ ອາຊຽນພາຣາເກມ ຄັ້ງນີ້ ມີ 11 ຊາດ ໃນອາຊຽນສົ່ງເຂົ້າຮ່ວມແຂ່ງຂັນ ສະເພາະລາວ ເຮົາສົ່ງນັກກິລາພຽງ 3 ຄົນ, ຍິງ 1 ຄົນ ລົງແຂ່ງຂັນຊີງໄຊ 9 ລາຍການ ປະກອບມີ ທ້າວ ແກ່ນ ເທບທິດາ ແລ່ນລາຍ ການ 100 ແມັດ, 200 ແມັດ ແລະ 400 ແມັດ ຊາຍ, ທ້າວ ບຸນເພັດ ເທບທິດາ 100 ແມັດ, 200 ແມັດ ແລະ 400 ແມັດຊາຍ ແລະ ນາງ ສຸລິພອນ ວົງດາລາ 100 ແມັດ, 200 ແມັດ ແລະ 400 ແມັດຍິງ ການແຂ່ງຂັນແມ່ນເລີ່ມໃນລະ ຫວ່າງວັນທີ 31 ກໍລະກົດ ຫາ 5 ສິງຫາ 2022.
ໂດຍ ສົງການ ພັນແພງດີ
