ON AIR

ຟັງວິທະຍຸ FM103.7Mhz ອອນລາຍ
Listen to Radio FM103.7Mhz Online

ປະໂຫຍດຂອງລູທີນ

ລູທີນ ນັ້ນມີປະໂຫຍດຫຼາຍ ບໍ່ວ່າຈະເປັນລະບົບທາງເດີນອາຫານ ປ້ອງກັນໂຣກມະເຮັງ ປ້ອງກັນໂຣກຫົວໃຈ ຫຼອດເລືອດ ແລະ ອື່ນໆ ຊຶ່ງມີຢູ່ຕາມຜັກຕ່າງໆທົ່ວໄປ ມີຫຼາຍນຳແຄລອດ, ສາລີ, ຜັກກາດນາ, ໝາກເຜັດ, ຜັກສະນາລີ, ໝາກເລັ່ນ, ໝາກຖົ່ວ, ໝາກບວບ, ຜັກກາດຫອມ ແລະ ຜັກທີ່ມີສີມ້ວງ, ສີສົ້ມ, ສີແດງຕ່າງໆ. ບໍ່ວ່າຈະເປັນອາຫານປະເພດໃດໆ ທີ່ມີຜັກເຫຼົ່ານີ້ຢູ່ໄດ້ທັງໝົດ.

 ກ່ຽວກັບສຸຂະພາບຕາ

ການບໍລະໂພກລູທີນນັ້ນສາມາດບຳລຸງສາຍຕາ ແລະ ປ້ອງກັນຕາຕໍ້ໄດ້ ຈາກການສໍາຫຼວດວ່າຄອບຄົວທີ່ມີປັນຫາເລື່ອງສາຍຕາຜູ້ສູງອາຍຸແລ້ວຫາກໄດ້ຮັບລູທີນຢ່າງເໝາະສົມ ແລະ ຕໍ່ເນື່ອງຈາກໄວກາງຄົນ  ຈາກຜົນການວິໄຈສາມາດທີ່ຈະມີຄວາມສ່ຽງຈາກການເບິ່ງເຫັນບໍ່ຊັດເຈນ ແລະ ຕາຕໍ້  ດັງນັ້ນ ຫາກຄົນທີ່ມີອາຍຸຫຼາຍກ່ວາ 50 ປີ ຄວນໄດ້ຮັບລູທີນຢ່າງນ້ອຍ 6 ມິລິກຣາມຕໍ່ມື້ ຈະຊ່ວຍຫລຸດຄວາມສ່ຽງຈາກການເບິ່ງບໍ່ເຫັນຊັດເຈນ ຈໍປະສາດຕາເຊື່ອມໄດ້ ແລະ ຍັງມີລາຍງານວ່າສາມາດປ້ອງກັນເມັດສີໃນຈໍປະສາດຕາທີ່ເຮັດໃຫ້ເກີດຕາບອດໄດ້ ຈາກຄົນອາຍຸ 40 ຂຶ້ນໄປ.

    ນອກຈາກນັ້ນ ຍັງປ້ອງກັນລັງສີ UV ທີ່ຈະມາເຮັດໃຫ້ດວງຕາເຮົາເຊື່ອມໄດ້ອີກ ສາມາດປັບປຸງປະສິດທິພາບການເບິ່ງເຫັນ ແລະ ລຸດຄວາມໄວຕໍ່ແສງ ຫາກເຈົ້າເປັນຄົນໜຶ່ງທີ່ຕ້ອງໃຊ້ສາຍຕາເປັນໄລຍະເວລາດົນໆ ເບິ່ງຄອມພິວເຕີ ລວມທັງການເຮັດວຽກກາງແສງແດດ ລູທີນ ຈະຊ່ວຍປ້ອງກັນສີ່ງທີ່ເຮັດອັນຕະລາຍຕໍ່ຕາໄດ້ ເຮົາຄວນທີ່ຈະຮັບປະທານອາຫານທີ່ມີລູທີນໃຫ້ຫຼາຍ ຈຶ່ງຈະບໍ່ມີປັນຫາເລື່ອງຕາຕອນອາຍຸແກ່.

ເພີ່ມພູມຄຸ້ມກັນໂຣກມະເຮັງ

   ລູທີນ ສາມາດທີ່ຈະເສີມສ້າງພູມຄຸ້ມກັນຕໍ່ໂຣກມະເຮັງໄດ້ ລູທີນນັ້ນເມື່ອໄດ້ກິນເຂົ້າໄປຈະຊ່ວຍຫລຸດຄວາມສ່ຽງການເກີດມະເຮັງໄດ້ດີ ຈະຊ່ວຍຂັບໄລ່ເຊວຮ້າຍ ຫຼື ບໍ່ໃຫ້ເກີດອັນຕະລາຍໄດ້ ປົກປ້ອງເຊວທີ່ຈະເກີດຈາກມະເຮັງ ແລະ ຄວາມເສຍຫາຍຈາກອະນຸມູນອິດສະລະກ່ອນທີ່ຈະປ່ຽນໄປເປັນເນື້ອຮ້າຍນັ້ນເອງ ມີເອກະສານຈາກ ສາດສະດາຈານ ລາດລ໌ຟອດສ໌ ບອກວ່າລູທີນເປັນສານປ້ອງກັນມະເຮັງຊ່ວຍຫລຸດໂອກາດໃນການເປັນມະເຮັງລຳໄສ້ໃຫຍ່ 17ສ່ວນຮ້ອຍ, ຫາກໄດ້ຮັບລູທີນຕັ້ງແຕ່ໄວລຸ້ນອາດຈະຫລຸດລົງ 34 ສ່ວນຮ້ອຍ ເລີຍ ແລະ ນອກຈາກນັ້ນຍັງສາມາດປ້ອງກັນມະເຮັງໃນສ່ວນອື່ນໆ. ຂອງຮ່າງກາຍເຊັ່ນ: ມະເຮັງປອດ, ມະເຮັງເຕົ້ານົມ, ແຕ່ຖ້າຜູ້ຍິງບໍ່ໄດ້ຮັບລູທີນຢ່າງສະໝ່ຳສະເໝີອາດຈະເຮັດໃຫ້ເກີດມະເຮັງສູງເຊັ່ນກັນ ແລະ ຍັງຢັບຢັ້ງການຈະເລີນເຕີບໂຕຂອງເນື້ອງອກໃນເຕົ້ານົມຊ່ວຍຄວບຄຸມຄວາມຜິດປົກກະຕິຂອງເມັດເລືອດຂາວ ແລະຍັງມີເອກະສານຕ່າງໆ ຫຼາຍເຖິງ 250 ສະບັບທີ່ຢືນຢັນເຖິງເລື່ອງປ້ອງກັນມະເຮັງນີ້.

ປ້ອງກັນໂຣກກ່ຽວກັບຫຼອດເລືອດ ແລະ ຫົວໃຈ

  ມີນັກສຶກສາວ່າລູທີນສາມາດທີ່ຈະປ້ອງກັນໂຣກທີ່ກ່ຽວກັບຫຼອດເລືອດ ແລະ ຫົວໃຈໄດ້ ເນື່ອງຈາກມີການພົບວ່າຄົນທີ່ໄດ້ຮັບລູທີນມີຂອບຫຼອດເລືອດທີ່ບໍ່ໜາຫຼືວ່າຕ່ຳ ສະແດງໃຫ້ເຫັນວ່າລູທີນຊ່ວຍຫລຸດການ ອໍຊິເດຊັນ ຂອງ ຄໍເລດເຕີລໍ ໄດ້ເປັນຢ່າງດີ ຈາກການສຶກສານຳຜູ້ຍິງໄວກາງຄົນທີ່ໄດ້ຮັບລູທີນບໍ່ພົບຄາບ ຈຸຣິນທີຣ໌ ທີ່ໄປເກາະຕາມຂອບຫຼອດເລືອດຊຶ່ງເປັນສາເຫດຂອງໂຮກຫົວໃຈ.

    ນອກຈາກນັ້ນ ຍັງສາມາດປ້ອງກັນໂຣກທີ່ກ່ຽວກັບຂໍ້ເຂົ່າເຊື່ອມຂອງຜູ້ສູງອາຍຸໄດ້ ເຖິງ 30-40 ສ່ວນຮ້ອຍ ດັ່ງນັ້ນແລ້ວໃນສະພາວະປັບຈຸບັນເຮົາຕ້ອງພົບກັບສິ່ງຕ່າງໆທີ່ມາທຳລາຍ ສຸຂະພາບຮ່າງກາຍ ເຮົາຈຶ່ງຄວນຫາສິ່ງທີ່ປ້ອງກັນເອົາໄວ້ ລູທີນເປັນສິ່ງທີ່ສຳຄັນທີ່ຢູ່ໃນຜັກຫຼາຍຊະນິດ ເຮົາຈຶ່ງຄວນເອົາໃຈໃສ່ ແລະ ບໍລິໂພກໃຫ້ຄຸ້ມກັບສຸຂະພາບຂອງເຮົາ.