ON AIR

ຟັງວິທະຍຸ FM103.7Mhz ອອນລາຍ
Listen to Radio FM103.7Mhz Online

ປະໂຫຍດຂອງໝາກມັງຄຸດ

ໝາກມັງຄຸດເປັນໝາກໄມ້ທີ່ມີປະໂຫຍດຫຼາຍ ແລະ ສາມາດຊື້ໄດ້ຕາມລະດູການທີ່ມີລາຄາຖືກ ຄົນບູຮານນຳມາຊ່ວຍໃນການແກ້ຮ້ອນໃນໄດ້ເປັນຢ່າງດີ ນອກຈາກນັ້ນ ຍັງເປັນໝາກໄມ້ທີ່ຊ່ວຍຫລຸດນ້ຳໜັກ ມີສານອາຫານທີ່ສຳຄັນຕໍ່ຜິວໜັງ.

 ດັ່ງທີ່ຮູ້ມາວ່າຄົນບູຮານໃຊ້ແກ້ຮ້ອນໃນ ເພາະວ່າເນື້ອໝາກມັງຄຸດມີນ້ຳຫຼາຍປະສົມໃນເນື້ອຈຶ່ງເຮັດໃຫ້ຮ່າງກາຍສາມາດທີ່ຈະດູດຊຶມນ້ຳຈາກໝາກມັງຄຸດເຂົ້າໄປເຮັດໃຫ້ຮ່າງກາຍເຂົ້າສູ່ຄວາມສົມດຸນໄດ້. ແລະ ສາມາດທີ່ຈະຫລຸດນ້ຳໜັກໄດ້ເນື່ອງຈາກມີ ໄຟເບີຫຼາຍ ຫາກເຮົາກິນໝາກມັງຄຸດເຂົ້າໄປຈຶ່ງເຮັດໃຫ້ຮູ້ສຶກອີ່ມໄວ ແລະ ອີ່ມດົນນັ້ນເອງ ແລະ ຍ້ອນໝາກມັງຄຸດບໍ່ມີ ຄໍເຣັດເຕີລໍ ຫຼື ມີພຽງ 0,40 ເທົ່ານັ້ນ ຈຶ່ງເຮັດໃຫ້ເປັນໝາກໄມ້ທີ່ກິນແລ້ວຫລຸດນ້ຳໜັກໄດ້.

ມີວິຕາມິນຫຼາຍ ບໍ່ວ່າຈະເປັນວິຕາມິນC ວິຕາມິນB ໂຟເລດ ຊ່ວຍໃນການເຜົາຜານໂປຣຕີນ ແລະ ໄຂມັນໃຫ້ເຂົ້າສູ່ຮ່າງກາຍໄດ້ດີຂຶ້ນ ແລະ ຍັງມີສ່ວນໃນການບຳລຸງລະບົບປະສາດເຮັດໃຫ້ຄົນທີ່ກິນເຂົ້າໄປແລ້ວຮູ້ສຶກສົດຊື່ນ ແລະ ຫລຸດອາການຂອງໂຣກຊຶມເສົ້າໄດ້ດີ.

ແຮ່ທາດ ມີທອງແດງ ທາດເລັກ ໂພແທັກຊ່ຽມ ແລະ ອື່ນໆ ມີບົດບາດສຳຄັນໃນການຄວບຄຸມຄວາມດັນໂລຫິດຂອງຮ່າງກາຍແລະຍັງຄວບຄຸມອັດຕາການເຕັ້ນຫົວໃຈໃຫ້ເປັນປົກກະຕິ ແລະ ປ້ອງກັນໂຣກກ່ຽວກັບຫຼອດເລືອດໄດ້.

ຕໍ່ຕ້ານອະນຸມູນອິດສະລະ ຈະເຫັນໄດ້ວ່າທັງຜັກແລະໝາກໄມ້ຕ່າງໆ ມີສານຕໍ່ຕ້ານອະນຸມູນອິດສະລະໝົດແຕ່ຈະໃຫ້ຜົນທີ່ແຕກຕ່າງກັນ ແຕ່ໝາກມັງຄຸດນັ້ນໃຫ້ສານຕໍ່ຕ້ານອະນຸມູນອິດສະລະໄດ້ດີເຊັ່ນກັນ ແລະ ຍັງຕ້ານໂຣກອື່ນເຊັ່ນ ໂຣກພູມແພ້ ໂຣກຫອບຫືດເປັນຕົ້ນ.