ໃນລະດູຝົນປີ 2024 ທົ່ວແຂວງມີເນື້ອທີ່ແຜນການປູກພືດລວມໃນລະດູຝົນທັງໝົດ 13.261 ເຮັກຕາ, ໃນນີ້ ເນື້ອທີ່ແຜນການປູກພືດເພື່ອເປັນສະບຽງອາຫານ 2.534 ເຮັກຕາ, ຄາດຄະເນຜົນຜະລິດ 27.204 ໂຕນ, ເນື້ອທີ່ປູກພືດເພື່ອເປັນສິນຄ້າ 10.727 ເຮັກຕາ, ຄາດຄະເນຜົນຜະລິດ 186.627 ໂຕນ.
ຜ່ານການຈັດຕັ້ງປະຕິບັດຕົວຈິງການປູກພືດລວມໃນທົ່ວແຂວງ ມາຮອດປັດຈຸບັນໄດ້ 13.196 ເຮັກຕາ ເທົ່າກັບ 99,51% ຂອງເນື້ອທີ່ແຜນການທັງໝົດ, ໃນນັ້ນເນື້ອທີ່ແຜນການປູກພືດເພື່ອເປັນສະບຽງອາຫານປະຕິບັດໄດ້ແລ້ວ 1.983 ເຮັກຕາ ເທົ່າກັບ 78,26 % ຂອງເນື້ອທີ່ແຜນການ, ເນື້ອທີ່ປູກພືດເພື່ອເປັນສິນຄ້າປະຕິບັດໄດ້ແລ້ວ 11.213 ເຮັກຕາ ເທົ່າກັບ 104,53 % ຂອງເນື້ອທີ່ແຜນການ.
ສໍາລັບເມືອງທີ່ມີເນື້ອທີ່ແຜນການປູກພືດລະດູຝົນຫຼາຍກວ່າໝູ່ແມ່ນ ເມືອງໄຊບົວທອງ, ເມືອງຄູນຄໍາ, ເມືອງຍົມມະລາດ, ເມືອງນາກາຍ ແລະ ເມືອງທ່າແຂກ ຕາມລໍາດັບ, ແຕ່ກໍມີເມືອງຈໍານວນໜຶ່ງທີ່ການຈັດຕັ້ງປະຕິບັດຕົວຈິງໄດ້ລື່ນແຜນການທີ່ວາງໄວ້ເຊັ່ນ: ເມືອງຍົມມະລາດ, ເມືອງບົວລະພາ ແລະ ເມືອງຄູນຄໍາເປັນຕົ້ນ .
ຂ່າວ: ແດງສະຫວັດ ແສນພານິດ
